1 Timotius 5:12 - En Taar Weru a nunuwu' é Tontemboan

¹² wo in taniitu, séra kumélongo in janji éra indior en sumelewir a si Yesus. Ampa'paan ituo séra ukumen oka i Amang Kasuruan.

1 Timotius 5:12 ပူးပေါင်းရင်းမြစ်များ

1 Korintus 11:34

Sa awéan tou maarem, sia musti kuman owo am baléna. Sa émaan iow tanu siitu, em paesaan iow ra'ica makawali mai ukuman asi Amang Kasuruan. Andumoro' sé walina, elurenku oka sa aku maai.

Galatia 1:6

Yaku mangaya'ka' keli ampa'paan kamu taloso rior tumela'u si Amang Kasuruan kekawus iow maéman a si Kristus. En ulitna kamu tinowa i Amang Kasuruan wosama' kamu makéré ing katouan akar ing kauré-uré, si aitambér i Kristus. Taan kamu icumiitke' in sususuien asi abar walina.

1 Timotius 5:11

Taan sé balu wéwéné wo'basé' sé ra'ipé' imangé in enem ngapulu' ngata'un, ra'ipé' toro daftar en tawangen. Ampa'paan sa séra kinawasao ing kasalé'an in owak si ra'ica wutul, tantu séra masalé'pé' kawéngen sumawel wo ra'io mengaselewir a si Kristus,

1 Timotius 5:13

Séra itu asalo mengéra-ngéra asi walé esa wo mangé am balé walina, wo in taniitu séra numaram in owak mengena-ngena'ke'. Wo ra'ica mengena-ngena'ke', séra ka'i mengapaar andumoro' ing kawurukan é tou, marambét in urusan é tou walina wo ka'i memaa-maar sé ra'ica patus.

Yakobus 3:1

Poo-poowku! Tioo takeli ai camu sé masalé' mamuali guru, ampa'paan kailekan iow sapaoka si guru tumerima oka in ukuman si lébé uterai.

1 Petrus 4:17

Ampa'paan intarépé' an témponao pakasa in tou akimen i Amang Kasuruan wo eng kataré akimen-Na, sé tou-Na in esa. Wo sa kita sé tou-Na eng kataré akimen-Na, tambisa réén e mamuali sa a sé tou sé ra'ica maéman in Abar Kaaruien-Na?