1 Timotius 5:10 - En Taar Weru a nunuwu' é Tontemboan

¹⁰ wo kailekan ka'i é tou sapaoka sia matawoi in loor tanumai: pengaurusenna in sama' sé toyaangna, pengasungkulenna in sama' sé tou mengaai am baléna, pengaselewiranna in sama' sé tou maéman wo pengatawangenna sé tou ang kasusaan wo mengéma-ngéma' in loor a sé pakasa in tou.

1 Timotius 5:10 ပူးပေါင်းရင်းမြစ်များ

Matius 25:17

Taniitu ka'i si ata tinokéana rua talenta. Sia ka'i mangé mangkér, wo en untungna ka'i rua talenta.

Matius 5:16

Tanu siituo ka'i wo icamu, en sendotmu musti tumélang an dior é tou wosama' sérén éra em pengaémaanmu loor wo marayo-rayo si Amangmu an sorga.”

Lukas 7:38

Wo sia mangé tumulung an somoi i Yesus an duru ing kécéi-Na. Wo sia maamé' akar eng kécéi i Yesus marames in dano im berenna. Kumawus in itu lapenna maké im buukna eng kécéi i Yesus, ciomenna eng kécéi wo naamenna in solo mawou manam.

Lukas 7:44

Wo si Yesus suméré a si wéwéné itu wo icua-Na a si Simon, “Simon, sinérémuo sapa e niéma' i wéwéné anio'? Yaku muntepai am balému, taan ra'ica aitu'tulmu rano wu'as ing kécéi-Ku tanu ing kanaramenta. Taan si wéwéné anio' rano im berenna em pinakéna e mu'as ing kécéiku wo lapenna im buukna.

Kisah Para Rasul 10:22

Wo isowat éra, “Kami airu'du' mai i Kornelius si perwira é Romawi. Sia tou sama' wo maapo' a si Amang Kasuruan wo pasiri-siriin é tou Yahudi. Asi makasa, sia pinapaturu'an i malaékat i Amang Kasuruan wo rumu'du' e menot ico mangé am baléna wosama' sia ro'na luminga sapa en icua i tuang.”

Kisah Para Rasul 22:12

An Damsyik, awéan si esa tou, makangaran Ananias. Sia le'tek makiit in ukum Torat. Wo pakasa sé tou Yahudi am bitu, makailek sa sia tou sama'.

Kisah Para Rasul 6:3

Anaé, tana'io é poo-poow, aweso taré sisiren iow pitu tou an uner iow. Séra itu musti tou sama', kinawasa i Roh Le'nas wo awéan kapinteran asi Casuruan owo. Sé tou anioo em béan ami oka in tawoien en tumu'tul ing kakanen.

Kisah Para Rasul 9:36

An Yope, awéan si esa wéwéné makangaran Tabita, a nunuwu' é Yunani sia patuulen Dorkas. Sia mengéma-ngéma' andumoro' sé loor wo pengatawangenna sé tou lengéi.

Kisah Para Rasul 9:39

Kelinga in itu, si Petrus makala'us tumu'tul wo mangé ang karapi éra. Icateka' mangé am bitu, iwali éra sia ang kamar an dangka'. Wo pakasa sé wéwéné balu tumulung rumuru mangé a si Petrus. Wo ang karapi i mengamé-ngamé' ituru' éra ai sia pakasa eng karai wo en juba si niéma'na tutuw i menonou.

Roma 12:13

Tawangeno mangé sé tou le'nas sa awéan em paperlun éra, wo tatapke' materima sé tou sé masalé' lumosér am balé miow.

Efesus 2:10

Ampa'paan si Amang Kasuruan in esa si iméma' icita mamuali tou weru an tutuwta maéman a si Kristus Yesus wo meesa wo Sia. Kita niéma'-Na tou weru wosama' émaanta sapa-sapake' sé loor sé aitantu-Nao tumo'tolke' mai indior wosama' émaanta waya sé loor.

Kolose 1:10

Wo in taniitu kamu patus menonou an dior-Na wo maarui in até-Na am baya-waya wo ro'na méé im buéna loor am pakasa im pengaémaan wo makaawes makatuus si Amang Kasuruan.

1 Timotius 2:10

Taan aweso taré sé wéwéné itu mengapasung in owak éra ang karapi mengaéma' sé loor sé patus pengaémaan é wéwéné sé mangaku maapo' a si Amang Kasuruan.

1 Timotius 3:2

Si mengatilik an jamaat, sia itu musti ra'ica wana tou e ro'na méé kaséaan, si wéwéné penanaanna waya in esa, makawoo tumang in owak, mengapaké ing kapinteran asi Casuruan owo, makaperi sumoma, tansaléén mengaterima sé tou am baléna, pinter masusui sé tou,

1 Timotius 3:7

Sé tou mengatilik an jamaat, e ngaran wo em perina musti loor a sé tou ra'ipé' maéman, wosama' sia ra'ica iséro' é tou wo ra'ica katawéran in ta'kong i kikiiten é sétang.

1 Timotius 5:16

Taan sa awéan wéwéné maéman a si Casuruan wo an uner im pamaléna awéan wéwéné balu, si wéwéné maéman itu musti tumawang si balu itu wosama' sia ra'ica mamuali pamuléngen é jamaat. Wo in taniitu sé jamaat ro'na tumawang sé balu walina sé wutu-wutul ra'io wana kapoow.

1 Timotius 5:25

Taniitu ka'i awéan tou si méma'o in loor en itu uli-ulit kinakailekano. Taan awéan ka'i sé mengaéma' in loor taan ra'ica kinailekan, kakailekan oka asi endo mengangai.

1 Timotius 6:18

Ipokéi angé a sé tou siya' wosama' séra maéma' sé loor. Séra musti masalé' mengatambér, masalé' mengawéténg ing kasiyaan éra a sé tou walina.

2 Timotius 1:5

Kata'néianku ka'i sapaoka ko wutu-wutul maéman a si Kristus, kaputé wo si nénému Lois wo si inangmu Eunike si rioro maéman a si Kristus.

2 Timotius 2:21

Taniitu ka'i wo sé tou maéman. Sa awéan tou mento' maéma' ing kaléwo-léwo'an, sia asalo pengapakén i Casuruan asé tawo-tawoien loor. Émaan i Casuruan en até i tou itu male'nas. Si Casuruan arui maké isia ampa'paan sia ka'i tu'tul mengaéma' pakasa in tawoien loor.

2 Timotius 3:15

Ta'néienmu sumama-sama', tumo'tolai ko in toyaangé', ico makaileko ing Kitap Le'nas. Eng Kitap Le'nas itu ro'na méma' ico mapinter akar ko ro'na maéman a si Kristus Yesus wo Sia ro'na lumowir ico.

2 Timotius 3:17

Wo in taniitu, eng Kitap Le'nas itu méma' sé tou i Amang Kasuruan makawoo méma' im pakasa sé loor.

Titus 2:14

Aiwéé-Nao en owak-Na mamuali raragés en tumu'bus waya ing kaléwo-léwo'anta wo émaan-Na kita mamuali tou-Na le'nas wo re'dem mengaéma' in loor.

Titus 2:7

Wo ko é Titus, em perimu musti mengaéma' in loor wosama' ko ro'na mamuali paandéan é tou. Sa ko sumusui, mengasusui angé ang karapi i makakii-kiit wo rondor en até.

Titus 3:1

Éi Titus, ita'néimu mangé a sé tou maéman am pakasa in jamaat wosama' séra mengalinga wo mengaéma' sapa sé airu'du' é maperénta wo sé makakawasa i negara. Séra musti le'tek maéma' in loor a sé tou walina.

Titus 3:14

Wo sé touta maémano, musti rumaméji maéma' in tawoien loor wosama' ro'na tumawang sé tou walina e makéré ing kaperluan éra mengendo-ngendo. Wo in taniitu eng katouan éra awéan en torona.

Titus 3:8

Pakasa e nunuwu' sé aicuaku anio' wutul wo loor wo awéan torona a sé pakasa in tou. Icasalé'ku icuamu waya en sususuien itu a sé tou maéman a si Amang Kasuruan wosama' séra uli-ulit rumaméji tumawoi loor.

Ibrani 10:24

Wo mayoo kita mensén-séréan esa wo sé walina wosama' kita ro'na méé kaincayaan e mengaupus sé kakélé tou wo mengaéma' andumoro' sé loor.

Ibrani 13:2

Tioo marua-rua até en tumerima si séike' en lumosér am balé miow mandé ka'i ra'ipé' katuusan iow. Ampa'paan ang karapi méma' in taniitu, awéan sé piraan tou indior ra'ica kinailekan éra itumerimao sé malaékat am balé éra.

Ibrani 13:21

en tumu'tul im pakasa sé loor si paperlun iow e méma' sapa sé icasalé'-Na. Wo pekiupusenku ka'i wosama' si Amang Kasuruan matawoi an untep in atéta akar kita ro'na méma' sapa sé icasalé'-Na ampa'paano i Yesus Kristus. A si Yesus Kristuske' em pakasa i rarayo wo in sisiri' akar ing kauré-uré. Ulit.

1 Petrus 2:12

Em peri miow musti loor an dior é tou sé ra'ica makatuus si Amang Kasuruan. Mandé ka'i patudun éra kamu tou léwo', sérén éra oka sé pengaémaan iow loor wo in taniitu séra rumayo wo sumiri' oka si Amang Kasuruan, an tutuw maai en endo-Na sa.

1 Petrus 4:9

Wo wéano mio' tampa en loséran asi esa wo sé walina ang karapi in arui en até wo ra'ica mengi-ngimbulu.

3 Yohanes 1:12

Wo pakasa in tou rumayo si Demetrius. Wo sia patus irayo ampa'paan eng katouanna makiit in sususuien wutul. Iparayo ami ka'i sia wo kailekan iow sapaoka e rarayoan ami andumoro' sia itu wutul.