1 Timotius 4:8 - En Taar Weru a nunuwu' é Tontemboan

⁸ Numaram in owak akar i maketer wayake' im pira eng katoronaan taan numaram in owak mengaapo' a si Amang Kasuruan, kelian eng katoronaanna. En itu tanu si aijanji-Na e maali mai ing kamang ang katouanta intarépé' asi cayo'baan anio' wo ka'i ang katouanta sa.

1 Timotius 4:8 ပူးပေါင်းရင်းမြစ်များ

Matius 12:32

Sa awéan tou manuwu' en sumundur si Toyaang i Tou, si tou itu ampungan oka. Taan sa sé ipanuwu'na maojat si Roh Le'nas, sia ra'ica kawisa kaampungan, intarépé' wo ka'i akar ing kauré-uré.”

Matius 19:29

Wo si tou itumela'- uo im baléna, sé metuari wo isia tuama kuma'pa wéwéné, si amangna kuma'pa si inangna, kuma'pa sé toyaangna kuma'pa umana ampa'paano ing kumiit Yaku, terimanna oka waya en iitu sangaatus lumepet wo makéré oka ing katouan akar ing kauré-uré.

Matius 6:33

Anaé, pangérén owo eng Kakolanoan i Amang Kasuruan wo eng kasalé'an-Na, wo pakasa em paperlun iow itu yawes-Na oka ai camu.

Markus 10:30

si tou itu, an jaman anio'ke' makéré oka sumawel sangaatus lumepet: walé, kapetuari tuama kuma'pa wéwéné, inang, toyaang wo uma, mandé ka'i meta'up in okoi, wo an jaman mengangai kéréanna oka eng katouan akar ing kauré-uré.

Lukas 5:38

Anaé, en anggor weru musti ipumpun asi papumpunan in anggor weru.

Roma 8:28

Kailekanta intarépé' sapaoka si Amang Kasuruan mengatu'tul im baya-waya, wosama' méé ing kalooran a sé tou sé menga- upus Sia, sé tinowa-Na iciit im pawasa-wasa-Na.

1 Korintus 3:22

Yaku si Paulus, si Apolos wo si Petrus aiwéé i Amang Kasuruan ai camu. Aiwéé-Na ka'i ai camu eng kayo'baan, eng katouan wo em papaté, si endo anio' wo ka'i si endo maai sa, pakasa en itu torona miow.

1 Korintus 8:8

En ulitna, eng kakanen ra'ica méma' icita makatawi kuma'pa makatayang a si Amang Kasuruan. Mandé ka'i kita ra'ica kuman ing kakanen si airagéso a sé opo-opo', kita ra'ica marugi. Taniitu ka'i mandé kita kuman ing kakanen itu, kita ra'ica muntung.

1 Timotius 4:7

Taan tumayang angé a sé tou sé masisil in sisisilen sé asalo niéma' é tou wo in sisisilen ra'ica wana torona. Aweso taré penganaramenmu sumama-sama' en owakmu mengaapo' a si Amang Kasuruan.

1 Timotius 6:3

Si séi masusui in sususuien walina wo maanggap in sususuien wutul i Apo'ta Yesus Kristus suméa', wo ka'i ra'ica makiit in sususuienta mengaapo',

1 Timotius 6:5

meindo-indoan roma', mawasa-wasa sé ra'ica loor wo ra'io makailek in sususuien wutul. Pawerotenna sa sia mengaapo' a si Amang Kasuruan, sia ro'na masiya'.

1 Timotius 6:6

En ulitna sa sé tou uli-ulit mengaapo' a si Amang Kasuruan wo ka'i makapendam in arui asi sapake' in anuna, sia makéréo kamang wangko'.

2 Timotius 3:5

Sa asalo suméré im paémaan éra, séra itu tanuoka woo mengaapo' wutul a si Amang Kasuruan, taan en ulitna séra ra'ica masalé' maké ing kawasa i Casuruan. Anaé, séra ra'ica wutul makiit si Casuruan. Ampa'paan in itu tumayango mangé ai séra!

Titus 3:8

Pakasa e nunuwu' sé aicuaku anio' wutul wo loor wo awéan torona a sé pakasa in tou. Icasalé'ku icuamu waya en sususuien itu a sé tou maéman a si Amang Kasuruan wosama' séra uli-ulit rumaméji tumawoi loor.

Ibrani 13:9

Tioo kamu isélé'kow in sususuien sé membam-balinaan sé ra'ica meputé wo in sususuien i Kristus. Lébé loor en até miow keteren ampa'paan kamu asalo makawangén asi upus aitambér i Amang Kasuruan. Sé atoran andumoro' ing kakanen, mandé kiiten iow, en itu ra'ica méé katoronaan ai camu.

1 Yohanes 2:25

Wo si anioo en aijanji-Nao in esa ai cita: kita menonou oka akar ing kauré-uré.

Wahyu 3:12

Si séi e muntung, émaan-Ku oka sia mamuali totombol am Balé Le'nas i Amang Kasuruan-Ku, wo sia mento' oka am bitu akar ing kauré-uré. Ipatic-Ku oka ka'i ai sia e ngaran i Amang Kasuruan-Ku, e ngaran ing kota i Amang Kasuruan-Ku Yerusalem weru. Wo eng kota itu itumpa oka mai i Amang Kasuruan an sorga owo. Wo ipatic-Ku oka ai sia e ngaran weru-Ku.

Wahyu 3:21

Si tou muntung ilukut-Ku oka sia ang karapi-Ku asi palukutan pasiri-siriin-Ku, meputé wo Yaku si muntungo wo lumukut mewali-wali wo si Amang-Ku asi palukutan pasiri-siriin-Na.