1 Timotius 4:3 - En Taar Weru a nunuwu' é Tontemboan

³ Pengasusui éra a sé tou ra'ica toro kumawéng, wo ra'ica toro ka'i kuman sé piraan kakanen sé ra'ica toro kanen. En ulitna pakasa eng kakanen niéma'o i Amang Kasuruan ro'na kanen. Wo sé tou maéman sé makaileko in sususuien wutul, sa séra kuman, kumua owo mangé makapulu'sama' a si Amang Kasuruan wo ro'nao kuman.

1 Timotius 4:3 ပူးပေါင်းရင်းမြစ်များ

Matius 14:19

Wo iru'du'-Na sé tou keli lumukut an dukut. Kekawus in itu indon-Na sé lima roti wo sé rua sera' itu wo Sia kumanat angé an langit kumua i makapulu'sama'. Te'bi-te'biin-Na e roti itu wo yéké-éké a sé murit-Na. Wo yéké é murit-Na a sé tou keli.

Matius 15:11

“Lingan wo wéan rékén sumama-sama' en icua-Ku anio'! Sapa e muntep am ba'ba' é tou, siitu ra'ica iméma' sé tou manajis, taan sapa eng kumesot am ba'ba' é tou, siitu e méma' sé tou manajis.”

Matius 15:36

Kekawus in itu indon-Na sé pitu roti wo sé sera' itu wo kumua makapulu'sama' wo te'bi-te'biin-Na wo yéké-Na a sé murit-Na wo yéké ka'i é murit-Na a sé tou keli.

Lukas 24:30

An tutuw Sia lumukut kuman mewali-wali wo iséra, Sia mindo roti wo kumua i makapulu'sama' a si Amang Kasuruan wo te'bi-te'biin-Na e roti itu wo yéké-Na ai séra.

Yohanes 6:23

Ang karoro'an in itu awéan londé-londéi sé mai ang kota Tiberias owo wo sumuwa' an diit in tampa kinanan i roti é tou keli, kekawus i Apo' Yesus kumua i makapulu'sama'.

Kisah Para Rasul 27:35

Kekawus sia kumua in taniitu, sia mindo roti wo kumua mangé makapulu'sama' a si Amang Kasuruan an dior éra waya. Te'bi-te'biinna e roti wo tumo'tolo kuman.

Roma 14:17

Ampa'paan sa si Amang Kasuruan mamuali kolano ang katouanta, eng kumataré-taré ra'ica andumoro' ing kakanen kuma'pa in elepen, taan andumoro' tumambisa mamuali tou nianggap wutul i Amang Kasuruan, menonou meelu-eluran wo sé kakélé tou, wo maaru-arui ampa'paan i Roh Le'nas.

Roma 14:3

Si tou ro'na kuman pakasa ing kakanen tioo mengaséro' si tou kuman in séndéénke'. Taniitu ka'i si tou kuman in séndéénke', tioo mawéé kaséaan a si tou mengakan pakasa ing kakanen, ampa'paan si tou itu tinerimao i Amang Kasuruan.

Roma 14:6

Si tou maanggap si esa endo en lébé pentingai wo sé endo walina, niéma'na en itu e rumayo wo sumiri' si Casuruan. Wo si tou ro'na kuman pakasa ing kakanen, niéma'na en itu e rumayo wo sumiri' si Casuruan, ampa'paan an tutuw ra'ipé' icuman, sia mééo i makapulu'sama' a si Amang Kasuruan. Wo si tou kuman in séndéénke', niéma'na en itu e rumayo wo sumiri' si Casuruan wo sia ka'i kumua i makapulu'sama' a si Amang Kasuruan.

1 Korintus 6:13

Awéan ka'i makua, “Eng kakanen torona im poot wo em poot torona ing kakanen,” rua-rua itu terin oka i Amang Kasuruan. Si aicua miow itu wutul. Taan mandé ka'i en owak é tou terin oka, ra'ica toro pakén iow en owak e méma' in cabul. Taan pakéno en owakta asaloke' in sumelewir a si Amang Kasuruan, ampa'paan en owakta piniara-Na.

1 Korintus 7:28

Taan sa si tuama masalé' kumawéng, en itu ra'ica meséa'. Taniitu ka'i, sa si mangala'un masalé' kumawéng, en itu ra'ica meséa'. Taan sé tou icumawéngo, mendam oka ing keli kawenduan ang katouanna. Si icasalé'ku woo wosama' kamu ra'ica mamendam ing kawenduan itu.

1 Korintus 8:8

En ulitna, eng kakanen ra'ica méma' icita makatawi kuma'pa makatayang a si Amang Kasuruan. Mandé ka'i kita ra'ica kuman ing kakanen si airagéso a sé opo-opo', kita ra'ica marugi. Taniitu ka'i mandé kita kuman ing kakanen itu, kita ra'ica muntung.

Kolose 2:16

Ampa'paano in itu, tioo iwaya miow sé tou méé kaséaan ai camu, ampa'paan kamu ra'ica makiit in atoran é agama Yahudi andumoro' ing kakanen wo in elepen, kuma'pa andumoro' in endo-endo wangko', serap weru kuma'pa in endo Sabat.

Kolose 3:17

Wo sapake' mangé en émaan iow kuma'pa icua miow, émaano mangé waya en itu kumiit ing kasalé'an i Apo' Yesus, ang karapi i makua makapulu'sama' a si Amang Kasuruan, Amangta, ampa'paano i Yesus Kristus.

1 Timotius 2:4

wo icasalé'-Na ka'i wosama' pakasa in tou malowir wo makailek in sususuien wutul.

1 Timotius 4:4

Ampa'paan pakasa sé niéma' i Amang Kasuruan itu loor. Pakasa sé niéma'-Na itu ra'ica wana sé ra'ica toro kanen, sa terimanta ang karapi ing kumua makapulu'sama' a si Casuruan.

1 Timotius 5:14

Ampa'paan ituo icasalé'ku sé balu wéwéné wo'basé' wosama' séra masalé'pé' kawéngen sumawel. Sa séra kawéngené' sumawel, séra ro'napé' makéré toyaang wo murus im pamalé éra in esa. Wo in taniitu si kikiiten é sétang ra'- ica wana témpo e maké sé tou e muruk i ngaranta tou maéman.

Ibrani 13:4

Pakasa in tou musti sumiri' ing kawéng wo sé mempenanaan musti le'tek esa wo si esa. Ukumen oka i Amang Kasuruan sé tou sundal wo sé tou mabersina.

Ibrani 13:9

Tioo kamu isélé'kow in sususuien sé membam-balinaan sé ra'ica meputé wo in sususuien i Kristus. Lébé loor en até miow keteren ampa'paan kamu asalo makawangén asi upus aitambér i Amang Kasuruan. Sé atoran andumoro' ing kakanen, mandé kiiten iow, en itu ra'ica méé katoronaan ai camu.