1 Timotius 4:12 - En Taar Weru a nunuwu' é Tontemboan

¹² Tioo iwayamu sé tou maepes im beren ai co ampa'paan ko wo'basé'. Taan émaano mangé en owakmu mamuali paandéan an uner é tou maéman, am pakanuwu'mu, am perimu, ang kaupusanmu a sé tou walina, ang kale'tekanmu wo ang kale'nasanmu a si Casuruan.

1 Timotius 4:12 ပူးပေါင်းရင်းမြစ်များ

Matius 18:10

“Ta'néien iow sumama-sama'! Tioo paepesen iow im beren sé toyaang teké' anio', ampa'paan itu icua-Ku mangé ai camu, séra itu awéan malaékat makatéir sé tatap mengapaar a si Amang-Ku an sorga. [

1 Korintus 11:1

Kiiteno mangé sé pengaémaanku, meputé ka'i yaku makiit im pengaémaan i Kristus.

Filipi 4:8

Anaé, é poo-poow, icuaku mangé ai camu, pakasa sé paanggapen wutul i Amang Kasuruan, pakasa e rarayo wo in sisiri', pakasa sé ra'ica marapit, pakasa sé le'nas, pakasa sé loor, pakasa sé manam pengalingan, pakasa sé patus paangkaian im bawangko' wo patus iparayo, weroteno mangé sumama-sama' en itu.

1 Tesalonika 1:6

Wo kamu mengakiito im peri ami wo im peri i Apo' Yesus. Mandé awéan tou maokoi camu, émaan i Roh Le'nas kamu kasake' tumerima in arui en taar i Casuruan.

1 Tesalonika 2:10

Icamuo in esa wo ka'i si Amang Kasuruan si mamuali sairi, sapaoka kami menonou ang karapi in até weresi, ra'ica marapit wo ra'ica iméma' ing kameséaan sapa-sapa ai camu sé maéman.

1 Timotius 1:14

Wopé'ka'i, si Casuruanta tumambéro mai ing kamang si lumébé-lébéo a yaku. Niéma'-Na ka'i aku akar makawoo maéman a si Kristus wo ka'i ro'na mengaupus sé tou walina.

2 Timotius 2:15

Émaano mangé sumama-sama' en tawoienmu wosama' si Amang Kasuruan masalé' ico. Ang karapi i méma' in taniitu, ko ra'ica malawi' an dior i Casuruan, wo ro'nao icuamu a sé tou ang karapi i makakii-kiit en sususuien wutul itu.

2 Timotius 2:22

Ampa'paan ituo, tumayango mangé ko asé kasalé-salé'an sé manaram pengaémaan é tou wo'bas. Taan ko rumaméji mangé mengaéma' in tana'i: Ra'ica mengarapit, lume'tek angé a si Casuruan, mengaupus angé sé kakélé in tou wo menonou angé elur wo sé kakélé tou. Émaano mangé waya en itu mewali-wali wo sé pakasa in tou sé maémano a si Casuruan ang karapi in até weresi.

2 Timotius 2:7

Wéanio' rékén sumama-sama' sé aicuakuo itu. Wo in taniitu, tantu ko wéan oka i Casuruan kawooan wosama' makailek waya in itu.

Titus 2:15

Éi Titus, musti isusuimu waya en itu a sé tou maéman. Sina'uen angé séra wosama' émaan éra waya en itu wo romaanmu sé tou mengaéma' ing kaséaan. An tutuw ko mengasusui, mengasina'u wo mengaroma', émaanmu waya en itu maké ing kawasa i Casuruan wosama' ko pasiri-siriin wo pengalingan é tou. Tioo iwayamu sé tou maepes im beren ai co.

Titus 2:7

Wo ko é Titus, em perimu musti mengaéma' in loor wosama' ko ro'na mamuali paandéan é tou. Sa ko sumusui, mengasusui angé ang karapi i makakii-kiit wo rondor en até.

Yakobus 3:13

Sa an esaan ai camu awéan kapinteran asi Amang Kasuruan owo wo keli eng kakailekan, musti ituru'na ang karapi i menonou in loor. Sia musti méma' in loor ang karapi ing kako'kosan in até si mai ang kapinteran i Casuruan owo.

Yakobus 3:17

Taan si tou awéan kapinteran asi Amang Kasuruan owo itu, tana'i: Kataré sia menonou ang karapi in até weresi wo masalé' meelu-eluran wo sé tou, sama' a sé tou, téés, wuta ing kaupusan a sé tou wo mengéma-ngéma' andumoro' sé loor, ra'ica marapit wo ra'ica punek.

1 Petrus 5:3

Wo tioo kamu asalo kaperé-perénta sé jamaat sé aitoké i Casuruan ai camu, taan kamu musti mamuali paandéan loor ai séra.