1 Timotius 4:10 - En Taar Weru a nunuwu' é Tontemboan

¹⁰ Siituo imangémai kita rumaméji mauli-ulit re'dem mengaselewir a si Amang Kasuruan. Kita méma' in taniitu ampa'paan kita asaloke' mamangén a si Amang Kasuruan si menonou. Sia itu si méé mai ing kalowiran a sé pakasa in tou, lébé-lébépé' ka'i a sé tou maéman.

1 Timotius 4:10 ပူးပေါင်းရင်းမြစ်များ

Matius 16:16

Isowat i Simon Petrus, “Si Guruo si Mesias itu, si Toyaang i Amang Kasuruan si menonou!”

Matius 27:43

Sia maéman a si Amang Kasuruan, wo isumangkumo icumua sa Sia itu Toyaang i Amang Kasuruan. Anaé, intarépé' mandéo Sia lowiren i Amang Kasuruan, sa icasalé'-Na.”

Yohanes 1:29

Asi woondona mai sérén i Yohanes si Yesus mai ai sia wo icuana a sé tou, “Sérén, si anioo si Toyaang i Domba i Amang Kasuruan si mai misi ing kamesé-meséaan é tou ang kayo'baan.

Yohanes 4:42

Icua éra a si wéwéné itu, “Percayaan ami si Yesus ra'icake' ampa'paan sé aicuamu asi kaawii makasa, taan ampa'paan intarépé' icami in esa lumingao Sia. Kailekan amio sa Sia itu wutu-wutul Lumolowir é tou.”

Yohanes 5:24

En ulitna icua-Ku mangé ai camu, si séike' mangé en luminga i nunuwu'-Ku wo mercaya a si Amang Kasuruan si mutusai Yaku, kéréanna oka eng katouan akar ing kauré-uré. Wo sia ra'ica ukumen. Sia aicawekaro am papaté wo tumerima ing katouan akar ing kauré-uré.

1 Korintus 15:10

Taan ampa'paan in upus si aitambér i Amang Kasuruan, yaku ro'na mamuali ruru'du'an tanu intarépé'. Wo en upus si aitambér i Amang Kasuruan itu uli-ulit awéan wuéna. Sé tinawoiku lumébé mai asé im pakasa é ruru'du'an. En itu ra'ica ampa'paan ing kaketeranku in esa, taan ampa'paano in upus aitambér i Amang Kasuruan mewali-wali wo yaku.

2 Korintus 1:10

Siao en lumowir icami asi papaté si kaindéén itu. Wo Siao ka'i en lumowir icami asi endo maai sa, ampa'paan ai Siake' em paarapan ami.

1 Timotius 2:3

Siituo en loor wo maarui in até-Na, si Lumolowirta,

1 Timotius 2:4

wo icasalé'-Na ka'i wosama' pakasa in tou malowir wo makailek in sususuien wutul.

1 Timotius 2:6

Sia isumarakano in owak-Na en tumu'bus im pakasa ing kamesé-meséaan é tou. Siituo eng kasairian i Amang Kasuruan si mamuali tuus asi oras si aitantu-Nao.

1 Timotius 3:15

sa aku icasomoi maai, en suratku anio' icateka' owo mangé ai co. Wo asi suratku anio', ro'nao kakailekanmu musti tumambisa eng katouan é tou maéman sé imuntepo am pamalé i Amang Kasuruan. Séra itu mamuali tuura wo totombol an esa walé. Tanu siituo sé jamaat-Na musti menonou, tanu tuura wo totombol in sususuien wutul itu.

1 Timotius 6:17

Pokéianmu mangé sé tou siya' ang kayo'baan anio' wosama' séra tioo mengatirayo wo tioo menonou mamangén ang kasiyaan. Ampa'paan eng kasiyaan ing kayo'baan anio' ra'ica akar ing kauré-uré, si endo anio' awéan woondo maka'puo. Aweso taré séra itu menonou mamangén a si Amang Kasuruan, si méé mai im baya-waya sé paperlunta wosama' ro'na kaipianta waya en itu.

Ibrani 11:26

Si Musa kumélong en tumerima im pakasa ing kasiyaan a Mesir, wo en lébé icasalé'na iséro' ampa'paano im paémanenna a si Kristus si maai sa. Ampa'paan si Musa maarap in laasa iwéé oka i Amang Kasuruan ai sia.

Ibrani 13:13

Ampa'paano in itu, mayoo kita mangé meta'up wo Sia ang kesot in ténda, wo mendam im paséro' é tou kaputé si pinendam-Na.

1 Petrus 1:21

Ampa'paan e niéma' i Kristus ituo, kamu maéman a si Amang Kasuruan, Siao en tumou sumawel si Kristus an unér é tou imaté wo ka'i méma' si Kristus iparayo-rayo wo pasiri-siriin. Wo in taniitu em paémanen iow wo em paarapen iow toronake' i Amang Kasuruan.

1 Yohanes 2:2

Sia imaté mamuali raragés wosama' pakasa eng kamesé-meséaanta ro'na ampungan-Na. Wo ra'ica ing kamesé-meséaantake' en ampungan, taan ka'i eng kamesé-meséaan é pakasa in tou ang kayo'baan anio'.

1 Yohanes 4:14

Wo sinéréo ami in esa wo sinairi ami sa si Amang imutuso si Toyaang-Na mai lumowir ing kayo'baan anio'.