1 Timotius 4:1 - En Taar Weru a nunuwu' é Tontemboan

¹ Icua i Roh Le'nas ang karapi i mauli-ulit, sa matawio en endo kaka'puan ing kayo'baan, awéan oka tou sé maémano a si Casuruan, ra'io ka'i maéman ai Sia. Sé tou itu makiit oka sé sétang wo masélé'kow in tou wo ka'i mengaéma' oka in sususuien é sétang.

1 Timotius 4:1 ပူးပေါင်းရင်းမြစ်များ

Matius 18:7

Icawangkuro eng kayo'baan ampa'paan kelian sé maéma' sé tou mengaéma' ing kamesé-meséaan. Mémang andumoro' in itu tantu awéan, taan icawangkuro si tou imakawali sé tou walina meséa'!

Lukas 17:1

Icua i Yesus a sé murit-Na, “Ang kayo'baan anio', tantu awéan en andumoro' sé ro'na méma' si tou katawéran méma' ing kamesé-meséaan. Taan icawangkuro mio' si tou makawali sé tou walina ang kamesé-meséaan!

Yohanes 16:13

Taan sa Sia maai, Siao e Roh si tumuru' in sususuien wutul i Amang Kasuruan, isusui-Na oka ai camu akar kailekan iow pakasa sé sususuien wutul andumoro' i Amang Kasuruan. Ampa'paan Sia ra'ica kawisa mengaroma' makiit im bewerot-Na in esa, taan Sia maroma' kumiit sapa sé lininga-Na. Wo icua-Na oka ka'i ai camu andumoro' in sapa sé mamuali sa.

Kisah Para Rasul 13:2

Asi makasa, an tutuw éra mapuasa wo maapo' a si Amang Kasuruan, e Roh Le'nas kumua ai séra, “Tanéo mangé si Barnabas wo si Saulus e méma' in tawoien si aitantu-Kuo ai séra in dua.”

Kisah Para Rasul 17:18

Ang kota Atena awéan golongan Epikuros wo golongan Stoa. Sé tou pinter asé reru itu meindo-indoan roma' wo si Paulus, awéan e makua, “Sapa réén eng kailekan i tou anio'? Eng kailekanna waya im pira taan keli nuwu'.” Wo sé walina ka'i makua, “Si tou anio' makua wona' andumoro' é opo-opo' é bangsa walina.” Icua éra in taniitu ampa'paan si Paulus mengakua andumoro' i Yesus wo andumoro' Sia si tinou sumawel am papaté.

Kisah Para Rasul 20:23

Taan am bisa-wisa kota si niangéankuo, e Roh Le'nas icumuao a yaku sa an Yerusalem aku meta'up ing kawenduan wo yuntep ka'i am bui.

Kisah Para Rasul 21:11

Sia mai ai cami wo indonna en tali si pakawe'ber am pinggang i Paulus. Wa'kesenna eng kama wo eng kécéina wo kumua, “Aicua i Roh Le'nas tana'i, ‘Si tou makaanu in tali anio', sia wa'kesen oka é tou Yahudi an Yerusalem wo isarakan éra oka a sé tou ra'ica Yahudi.’ ”

Kisah Para Rasul 28:25

Anaé, pakasa séra ra'ica esa wewerot andumoro' in itu wo séra mentalicuran asi tampa itu. Taan, ra'ipé' mentalicuran séra, icua ka'i sumawel i Paulus ai séra, “Wutulo en aicua i Roh Le'nas a sé apo-apo'ta si aipatic ang kitap i nabi Yesaya.

1 Korintus 10:20

Icuaku in taniitu ampa'paan e raragés ayumper éra itu, asaloke' a sé roh léwo' ra'ica a si Amang Kasuruan. Wo ra'ica kiimku kamu meesa ang karapi é roh léwo'.

1 Korintus 11:19

Wutul musti awéan papetanéan an uner iow, wosama' kaséréan oka sa si séi ai camu sé wutu-wutul le'tek maéman a si Amang Kasuruan.

1 Korintus 12:11

Pakasa en itu niéma' i Roh Le'nas si wayake' in esa wo si meputé. Si esa wo si esa tou winéan-Na mai kamang aitambér sé membam-balinaan kumiit ing kasalé'an i Roh.

1 Korintus 2:10

Taan intarépé' si Amang Kasuruan imaké i Roh-Na en tumi'tir waya in itu ai cita. Aicuao i Roh-Na ai cita ampa'paan e Roh-Na makailek im baya-waya, akar sé icaenep an owak i Amang Kasuruan.

2 Korintus 11:3

Taan en caindé'ku em bewerot iow kauwakan akar ra'io ka'i wutu-wutul le'tek a si Kristus, kaputé i Hawa indior ka'i kinatawéran i ula' ampa'paano im pakauwak i ula' itu.

Kolose 2:18

Anaé, tioo en laasa ing katouan iow itu léwoon in sususuien in tou si maturu' kéndo' ko'kos en até wo maapo' a sé malaékat wo mengatirayo andumoro' im papaturu'an sé aipapaturu' ai sia wo ka'i mengarangka' in owak ang karapi ra'ica wana alasan ampa'paan asalo imawero-werot ing kasalé'an ing kayo'baan.

2 Timotius 3:13

Taan sé tou léwo' wo sé tou mengauwak, séra itu makaléwo' oka. Séra mengauwak sé tou, taniitu ka'i wo sé tou walina maréng sumawel sumuli' muwak iséra.

2 Timotius 4:4

Séra ra'ica kiim luminga in sususuien wutul i Casuruan, taan masalé'ke' luminga in sisisilen sé asalo niéma' é tou.

Yakobus 3:15

Sa eng kapinteran iow tanuke' siitu, eng kapinteran itu ra'ica asi Amang Kasuruan owo taan asi cayo'baan anio' owo, ang kasalé'an in owak owo wo asé sétang owo.

1 Petrus 1:20

Si Kristus sinisiro i Amang Kasuruan an tutuw eng kayo'baan anio' ra'ipé' niéma'. Wo matawio ing kaka'puan ing kayo'baan anio', Sia imayo ang kayo'baan wosama' kamu im baya ro'na makéré ing kalowiran an ukuman ing kamesé-meséaan.

2 Petrus 2:1

Indior, an uner é tou i Amang Kasuruan, imapaturu'o sé nabi ra'ica wutul. Tanu siituo ka'i an uner iow, mapaturu' oka mai ka'i sé guru ra'ica wutul. Em paangé-angén éra en sumusui in sususuien mengasélé'kow si mengawali sé tou am papaté. Sé guru ra'ica wutul itu mengakélong si Apo' Yesus si Makakawasa si tumu'buso ing kamesé-meséaan éra. Ampa'paano in itu, séra makala'us oka patén.

2 Petrus 3:3

Kataré-taré si musti kailekan iow tana'i: asé endo-endo matawio kaka'puan ing kayo'baan, mapaturu' oka mai sé tou eng katouan éra pakakawasan ing kasalé'an in owak éra in esa sé ra'ica wutul, séra maai oka suméro' icamu.

1 Yohanes 2:18

Toya-toyaangku, asi oras anio' makatawio en endo kaka'puan ing kayo'baan. Wo sumangkumo lininga miow sapaoka maai oka si kaséké' i Kristus, wo intarépé' kelio sé kaséké' i Kristus mapaturu'o mai. Wo in taniitu kakailekantao sa si endo kaka'puan ing kayo'baan makatawio.

1 Yohanes 4:6

Kami anio' asi Amang Kasuruan owo. Si tou makatuus si Amang Kasuruan, sia itu mengalinga cami. Taan en tou si ra'ica asi Amang Kasuruan owo, sia ra'ica mengalinga icami. Wo in taniitu ra'ica toro ipeputéta si Roh mawéé in sususuien wutul wo si roh mengasusui in sélé'kow.

Yudas 1:18

Aicua éra, “Sa maayo en endo kaka'puan ing kayo'baan, mapaturu' oka mai sé tou koséro'. Séra itu menonou makiitke' ing kasalé'an in owak éra sé ra'ica loor.”

Yudas 1:4

Icuaku in taniitu, ampa'paan awéan tou sé sumolisipo mai an uner iow. Séra itu sé tou ra'ica makiit in lalan i Casuruan. Séra itumerimao in upus aitambér i Amang Kasuruan taan ra'ica pengakiiten éra eng kasalé'an-Na, wo isuméa' mengapaké in upus aitambér-Na itu wosama' ro'na isalu éra eng kasalé'- an in owak éra sé ra'ica loor. Wo ka'i ra'ica pangakun éra sapaoka wayake' si Yesus Kristus si Makakawasa wo Apo'ta. Sé tou tanu isérao sé indioré'wo aitantuo makéré oka in ukuman.

Wahyu 13:14

Wo ampa'paan in tuu-tuus sé niéma'nao an dior i binatang kataré itu, sé tou ang kayo'baan anio' aisélé'kowna. Iru'du'na séra méma' im patong eng giona tanu si binatang kataré, si pinéla'o in sa'bel taan menonouke'.

Wahyu 16:14

Séra ituo sé roh é sétang sé mengaéma' in tuu-tuus kakaya'kaan. Wo séra mangé meta'up asé im pakasa é kolano am pakasa ing kayo'baan wo lumi'us iséra e mangé merang asi endo si Amang Kasuruan si Makakawasa makim sé tou.

Wahyu 18:2

Wo sia kumua in taangko' keli, “Matongkaro, matongkaro eng kota Babel wangker itu. Sia mamualio paento'an é roh léwo', wo paenepan waya é roh najis wo paenepan waya é binatang najis wo sé pasuu-pasut.

Wahyu 18:23

Wo ra'io ka'i kaséréanai en sendot in sosoloan an untepna, wo ra'io ka'i kalingaanai en suara im pésta ing kinawéngan. Sé mawangkér am bitu, sérao sé tou wangko' sé pasiri-siriin ang kayo'baan, wo em bangsa-bangsa aisélé'kowo in sihirna.”

Wahyu 19:20

Wo si binatang itu mewali-wali wo si nabi ra'ica wutul tinangka'o. Si nabi ra'ica wutul ituo si sumangkumo méma' in tuu-tuus kakaya'kaan an dior i binatang itu, akar sia sumélé'kow sé tou sé itumerimao in tuus i binatang itu wo si kumuru en sumiri' im patongna. Wo si binatang itu mewali-wali wo si nabi ra'ica wutul itu imenonoué' aiténdélo an ta'sic api walélang wangker si mengembu-ngembung.

Wahyu 2:11

Si séike' si makalunteng, aweso taré linganna sapa sé aicua i Roh a sé jamaat. Si séi si muntung ra'ica kawisa mawendu in sapa-sapa ampa'paano im papaté karua.”

Wahyu 2:17

Si séi si makalunteng, aweso taré sia luminga sapa en aicua i Roh a sé jamaat: Si séi si muntung, sia wéan-Ku oka kakanen manna si pakaenepé', wo wéan-Ku oka ka'i sia watu kulo' si pinatican i ngaran weru. E ngaran weru itu ra'ica wana e makailek, wayake' si tumerima.”

Wahyu 2:29

Si séi e makalunteng, aweso taré li- nganna sapa en aicua i Roh a sé jamaat.”

Wahyu 2:7

Si séi si makalunteng, lébé loor sia luminga sapa en aicua i Roh a sé jamaat. Si séi si muntung wéan-Ku oka sia kaloasan eng kuman im bua'na in tuura ing katouan si an untep in Taman Firdaus i Amang Kasuruan.”

Wahyu 20:10

Wo si kikiiten é sétang si sumélé'kowo sé tou itu, iténdél an untep in ta'sic api wo walélang. An tampa ituo en tinéndélan si binatang wo si nabi ra'ica wutul. Wo am bitu séra niokoi endo wo em bengi akar ing kauré-uré.

Wahyu 20:8

Wo mangéna oka isélé'kow sé bangsa sé am pakasa ing kayo'baan, sérao sé patuulen ‘Gog’ wo ‘Magog’. Wo séra li'usen oka i kikiiten é sétang e mangé merang. Eng kakeli éra tanu in dangi'ngis an tembir in ta'sic.

Wahyu 3:13

Si séi si makalunteng, aweso taré linganna sapa en aicua i Roh a sé jamaat.”

Wahyu 3:22

Si séi si makalunteng, aweso taré sia lumi- nga sapa en aicua i Roh a sé jamaat.”

Wahyu 3:6

Si séi si makalunteng, aweso taré linganna sapa en aicua i Roh a sé jamaat.”

Wahyu 9:20

Taan sé tou walina sé ra'ica imaté ing kawangkuran itu, ra'- ica kiim mape'dis mengéma-ngéma' sé léwo'. Séra ka'i ra'ica kiim mento' makuru en sumiri' a sé roh léwo' wo a sé patong-patong tanumai patong mas, pérak, tambaga, watu wo kayu sé ra'ica maséré, malinga, kuma'pa ka'i mawaya'.