1 Timotius 3:9 - En Taar Weru a nunuwu' é Tontemboan

⁹ Séra musti menonou ang karapi in até weresi wo uli-ulit makiit in sususuien si aituru'o i Casuruan.

1 Timotius 3:9 ပူးပေါင်းရင်းမြစ်များ

1 Timotius 1:19

Ico ka'i musti tatap maéman a si Apo' Yesus karapi in até weresi wo le'nas. Ampa'paan awéan tou ra'io mengakiit in até weresina akar em paémanen éra materi.

1 Timotius 1:5

Sina'uku waya en anio' ai co wosama' sé tou meupu-upusan. Wo en upus itu musti lumembomai an até le'nas wo an até weresi owo wo am paémanen imauli-ulit.

1 Timotius 3:16

Indior en sususuien wutul itu ra'ica kailekan é tou, taan intarépé' sé icaenep andumoro' in sususuien wutul sé ra'io cakua itu, winuka'o i Amang Kasuruan. Sé icaenep itu tana'i: “Si Yesus imayo wo mamualio tou, wo aituru' i Roh Le'nas sapaoka Sia itu wutul. Sia mapaturu'o in owak-Na a sé malaékat, wo en sisisilen andumoro' Sia itu icaseraro a sé bangsa. Wo Sia émanen é pakasa ing kayo'baan, wo Sia niangkaio mangé an sorga ang karapi i rarayo wo in sisiri'.”