1 Timotius 3:4 - En Taar Weru a nunuwu' é Tontemboan

⁴ mamuali kikiiten loor am pamaléna, pasiri-siriin wo pengalingan é toyaangna.

1 Timotius 3:4 ပူးပေါင်းရင်းမြစ်များ

Kisah Para Rasul 10:2

Sia le'tek mengakiit ing kasalé'an i Amang Kasuruan. Sia wo sé pamaléna maapo' a si Amang Kasuruan. Sia mengatawang sé tou Yahudi lengéi wo ka'i sia tatap menomba-nombayang a si Amang Kasuruan.

Efesus 5:24

Ampa'paan in itu, tanu in jamaat sé le'tek a si Kristus, taniitu ka'i mai sé wéwéné kinawéngo musti le'tek a si penanaanna am baya-waya.

Filipi 4:8

Anaé, é poo-poow, icuaku mangé ai camu, pakasa sé paanggapen wutul i Amang Kasuruan, pakasa e rarayo wo in sisiri', pakasa sé ra'ica marapit, pakasa sé le'nas, pakasa sé loor, pakasa sé manam pengalingan, pakasa sé patus paangkaian im bawangko' wo patus iparayo, weroteno mangé sumama-sama' en itu.

1 Timotius 3:12

Sé maselewir e masémbong tumu'tul sé jamaat itu, musti wayake' in esa wéwéné em penanaanna. Sia musti makailek maurus ang karapi in loor sé toyaangna wo em pamaléna.

Titus 1:6

Sé tou angkaien mamuali penatua musti tanu sia'i: ra'ica wana e ro'na méé kaséaan ai sia, wayake' in esa wéwéné e mamuali penanaan, sé toyaangna maéman a si Casuruan wo in taniitu ra'ica wana tou e makua sapaoka sé toyaang itu makaperi ra'ica loor kuma'pa tansunduren.

Titus 2:2

Sina'uenmu mangé sé tuama matu'a wosama' makawoo tumang in owak, makaperi loor akar pasiriin é tou, mapaké ing kapinteran asi Casuruan owo, tatapke' maéman a si Casuruan, mengaupus sé kakélé tou wo talesen mengasaru ing kawenduan.

Titus 2:7

Wo ko é Titus, em perimu musti mengaéma' in loor wosama' ko ro'na mamuali paandéan é tou. Sa ko sumusui, mengasusui angé ang karapi i makakii-kiit wo rondor en até.