1 Timotius 3:2 - En Taar Weru a nunuwu' é Tontemboan

² Si mengatilik an jamaat, sia itu musti ra'ica wana tou e ro'na méé kaséaan, si wéwéné penanaanna waya in esa, makawoo tumang in owak, mengapaké ing kapinteran asi Casuruan owo, makaperi sumoma, tansaléén mengaterima sé tou am baléna, pinter masusui sé tou,

1 Timotius 3:2 ပူးပေါင်းရင်းမြစ်များ

Lukas 1:6

Séra in dua mengaéma' im butul an dior i Amang Kasuruan wo wutu-wutul makiit waya im perénta wo in atoran i Amang Kasuruan.

Lukas 2:36

Awéan ka'i am bitu esa nabi wéwéné matu'ao, e ngaranna Hana, toyaang i Fanuel an suku Asyer owo. Makakawéng ako, sia menonou mewali-wali wo si penanaanna pitu ngata'un eng kauré,

Roma 12:13

Tawangeno mangé sé tou le'nas sa awéan em paperlun éra, wo tatapke' materima sé tou sé masalé' lumosér am balé miow.

Filipi 2:15

wosama' kamu menonou ang karapi in até weresi wo ra'ica wana kaséaan. Wo in taniitu, ituru' miow sapaoka kamu toya-toyaang i Amang Kasuruan sé ra'ica wana kaséaan an uner é tou léwo' wo a sé tou icasélé'kow. Anaé icamu oka e mamuali sendot an unér éra kaputé sé sumesendot mengatélang an untep ing kayo'baan.

1 Timotius 3:12

Sé maselewir e masémbong tumu'tul sé jamaat itu, musti wayake' in esa wéwéné em penanaanna. Sia musti makailek maurus ang karapi in loor sé toyaangna wo em pamaléna.

1 Timotius 3:8

Taniitu ka'i wo sé maselewir sé jamaat, séra sumémbong tumu'tul sé jamaat, em peri éra musti loor akar pasiriin é tou, ra'ica punek, ra'ica lalangun wo ra'ica longi'.

1 Timotius 4:3

Pengasusui éra a sé tou ra'ica toro kumawéng, wo ra'ica toro ka'i kuman sé piraan kakanen sé ra'ica toro kanen. En ulitna pakasa eng kakanen niéma'o i Amang Kasuruan ro'na kanen. Wo sé tou maéman sé makaileko in sususuien wutul, sa séra kuman, kumua owo mangé makapulu'sama' a si Amang Kasuruan wo ro'nao kuman.

1 Timotius 5:10

wo kailekan ka'i é tou sapaoka sia matawoi in loor tanumai: pengaurusenna in sama' sé toyaangna, pengasungkulenna in sama' sé tou mengaai am baléna, pengaselewiranna in sama' sé tou maéman wo pengatawangenna sé tou ang kasusaan wo mengéma-ngéma' in loor a sé pakasa in tou.

1 Timotius 5:22

Tioo ko taporak maro ing kama a si séike' mangé en lumantik sia mamuali kikiiten an jamaat. Sa awéan tou méma' ing kamesé-meséaan, tioo ko kumiit mengaéma' ing kamesé-meséaan kaputé éra. Téirano mangé eng kale'nasan ing katouanmu.

1 Timotius 5:9

Anaé, si balu wéwéné e ro'na daftar é jamaat en tawangen, en atorana tana'i: en umurna ra'ica maina' an enem ngapulu' ngata'- un, wayake' i makasa kawéngen,

2 Timotius 2:24

Taan si tou matawoi torona i Casuruan tanu ico ra'ica toro meindo-indoan roma' taniitu. Aweso taré si tou itu musti sama' a sé pakasa in tou, pandéi masusui wo ka'i talesen a sé pakasa in tou.

Titus 2:2

Sina'uenmu mangé sé tuama matu'a wosama' makawoo tumang in owak, makaperi loor akar pasiriin é tou, mapaké ing kapinteran asi Casuruan owo, tatapke' maéman a si Casuruan, mengaupus sé kakélé tou wo talesen mengasaru ing kawenduan.

Ibrani 13:2

Tioo marua-rua até en tumerima si séike' en lumosér am balé miow mandé ka'i ra'ipé' katuusan iow. Ampa'paan ang karapi méma' in taniitu, awéan sé piraan tou indior ra'ica kinailekan éra itumerimao sé malaékat am balé éra.

Ibrani 3:14

Ampa'paan kita imeesao wo si Kristus, anaé timboienta sumama-sama' em paémanenta akar ing kaka'puan ing katouan, kaputé kita ing kataré-tarépé' maéman ai Sia.

1 Petrus 4:7

En endo kaka'puan ing kayo'baan makatawio. Ampa'paano in itu, musti kawasan iow en owak asé kaléwo-léwo'an wo elur em bewerot wosama' kamu ro'na sumombayang.

1 Petrus 4:9

Wo wéano mio' tampa en loséran asi esa wo sé walina ang karapi in arui en até wo ra'ica mengi-ngimbulu.

1 Petrus 5:8

Maténga-téngamo wo matéi-téiro mangé kamu! Ampa'paan si kikiiten é sétang si kaséké' miow itu mawaya-waya' tanu si singa mengua-nguang maéré-éré tou en lo'motenna.