1 Timotius 3:10 - En Taar Weru a nunuwu' é Tontemboan

¹⁰ Wo an tutuw éra ra'ipé' niangkai mamuali maselewir an jamaat, séra ujin owo sumama-sama' é jamaat sapaoka eng katouan éra ra'ica wana tou e ro'na méé kaséaan.

1 Timotius 3:10 ပူးပေါင်းရင်းမြစ်များ

1 Korintus 1:8

Sia oka ka'i e méma' mai im paémanen iow kasake' keter akar ing kaka'puan ing kayo'baan, akar kamu kéréan-Na ra'ica wana kaséaan asi endo si Apo'ta Yesus Kristus maai sumawel.

Kolose 1:22

Taan intarépé' kamu niéma'o i Amang Kasuruan meelurano sumawel wo Sia ampa'paan im papaté in owak i Kristus, wosama' kamu menonou le'nas wo ra'ica wana kaséaan wo ra'ica wana e ro'na itudu an dior-Na.

1 Timotius 3:13

Sa pengaselewiran éra in sumama-sama' sé jamaat, tantu sé mengaselewir itu ka'i pasiri-siriin é jamaat, wo in taniitu ra'ica wana eng kaindé'an éra manuwu' a sé jamaat andumoro' im paémanen éra a si Yesus Kristus.

1 Timotius 3:2

Si mengatilik an jamaat, sia itu musti ra'ica wana tou e ro'na méé kaséaan, si wéwéné penanaanna waya in esa, makawoo tumang in owak, mengapaké ing kapinteran asi Casuruan owo, makaperi sumoma, tansaléén mengaterima sé tou am baléna, pinter masusui sé tou,

1 Timotius 3:6

Sé tou mengatilik an jamaat ra'ica toro sé werupé' maéman a si Casuruan, wosama' sia ra'ica matirayo, ampa'paan sa sia matirayoo, ukumen oka i Casuruan sia tanu si Casuruan mukum si kikiiten é sétang.

1 Timotius 5:22

Tioo ko taporak maro ing kama a si séike' mangé en lumantik sia mamuali kikiiten an jamaat. Sa awéan tou méma' ing kamesé-meséaan, tioo ko kumiit mengaéma' ing kamesé-meséaan kaputé éra. Téirano mangé eng kale'nasan ing katouanmu.

1 Yohanes 4:1

Poo-poow sé icaupusku, ra'ica toro percayan iow sé im pakasa in tou sé mangaku sa séra awéan Roh i Amang Kasuruan. Taan aweso taré ujin owo mio' séra wosama' ro'na kakailekan sa e Roh ai séra itu uli-ulit asi Amang Kasuruan owo. Ampa'paan kelian nabi ra'ica wutul imapaturu'o wo isumeraro ang kayo'baan anio'.