1 Timotius 3:1 - En Taar Weru a nunuwu' é Tontemboan

¹ Ulito si nunuwu' anio': “Sé tou masalé' mamuali tou mengatilik an jamaat, sia sumisiro in tawoien loor.”

1 Timotius 3:1 ပူးပေါင်းရင်းမြစ်များ

Lukas 15:10

Icua-Ku ai camu, tanu siitu ka'i sé malaékat i Amang Kasuruan an sorga séra ka'i maaru-arui oka sa awéan esa tou mape'dis ang kamesé-meséaan.”

Kisah Para Rasul 1:20

Wo icua ka'i Petrus, “Aipatic ka'i ang kitap Mazmur, tana'i, ‘Mandéo en tampa pengaento'anna mamuali lulu in tou, wo ra'ica wana tou maento' am bitu.’ Wo aipatic ka'i tana'i, ‘Mandéo indon é tou walina en tawoienna.’

Kisah Para Rasul 20:28

Ampa'paan in ituo, musti téiran iow sumama-sama' en owak iow in esa wo sé jamaat si aiwéé i Roh Le'nas en téiran iow. Téiran iow sé jamaat i Amang Kasuruan tanu si gembala matéir sé domba-Na. Sé jamaat itu mamuali anu i Amang Kasuruan ampa'paan linowir-Na séra in enda'-Na in esa.

Roma 11:13

Taan intarépé' icuaku ai camu é bangsa ra'ica Yahudi: Yaku ayutusai mamuali ruru'du'an i Apo' Yesus eng kumua in Abar Kaaruien a sé tou ra'ica Yahudi. Wo anggapenku en tawoien itu patus irayo.

Efesus 4:12

Sé kamang itu aiwéé i Kristus wosama' sé tou le'nas makawoo mengaéma' in tawoien torona i Amang Kasuruan, wo tanu in owak i Kristus, kita ro'na makaketer am paémanen,

Filipi 1:1

En surat anio' a yaku owo Paulus wo si Timotius ata-ata i Kristus Yesus. Icirimku en surat anio' a sé pakasa in tou le'nas sé meesao wo si Yesus Kristus an Filipi, icauntep sé tou mengatilik sé jamaat wo sé maselewir an jamaat.

1 Tesalonika 5:14

Pangileken ami ka'i ai camu é poo-poow, pengaromaan angé in sama' sé tou ra'ica kiim tumawoi, keteran angé en até é tou toloindé', tawangen angé sé tou patus tawangen wo malese-lesen angé a sé im pakasa é tou.

1 Timotius 1:15

Sé nunuwu' anio' ulit wo ro'na teriman wo percayanmu. En aicua tana'i: Si Kristus Yesus mai ang kayo'baan en lumowir sé tou ang kamesé-meséaan. Wo a sé im pakasa in tou sé sumangkumo mengaéma' ing kamesé-meséaan, yakuo si kumeli-keli mengaéma' ing kamesé-meséaan.

1 Timotius 4:9

E nunuwu' anio' wutul, wo patus terimanta wo kiitenta ang kerapi mauli-ulit.

2 Timotius 2:11

Ulito e nunuwu' anio', “Sa kita imatéo ang karapi-Na kita ka'i menonou oka ang karapi-Na.

Titus 1:7

Sé mengatilik an jamaat en tawoienna mengatu'tul sé jamaat i Amang Kasuruan, sia musti menonou ra'ica wana e ro'na méé kaséaan, ra'ica tirayo, ra'ica tae'bow, ra'ica lalangun, ra'ica tampenokolen wo ra'ica ata in doit.

Titus 3:8

Pakasa e nunuwu' sé aicuaku anio' wutul wo loor wo awéan torona a sé pakasa in tou. Icasalé'ku icuamu waya en sususuien itu a sé tou maéman a si Amang Kasuruan wosama' séra uli-ulit rumaméji tumawoi loor.

Ibrani 12:15

Mareti-retio mangé oréoka awéan esaan ai camu kumélong in upus aitambér i Amang Kasuruan. Ampa'paan sa awéan tou tanu siitu, sia mamuali tanu in tinanem racung an uner iow akar méma' ing kasusaan wo en racungna luméwo' sé tou keli.

1 Petrus 2:25

Ampa'paan kamu indior tanuoka sé domba icasélé'kowo, taan intarépé' kamu imaréngo mai asi gembala si matéir i mu'kur iow.

1 Petrus 4:15

Tioo awéan esaan ai camu si musti okoien ampa'paan mapaté tou, marombit, maéma' in léwo' kuma'pa marambét in urusan é tou walina.

1 Petrus 5:2

Téiran iow sé tou maéman a si Yesus sé aitoké i Amang Kasuruan ai camu. Téiran iow séra kaputé i gembala matéir sé dombana. Téiran iow séra ra'ica ampa'paan pinelesé' taan ang karapi in arui en até, kumiit ing kasalé'an i Amang Kasuruan. Wo tioo ampa'paan maéré-éré ing kalébéan, taan ang karapi i mauli-ulit tumawang iséra.