1 Timotius 2:4 - En Taar Weru a nunuwu' é Tontemboan

⁴ wo icasalé'-Na ka'i wosama' pakasa in tou malowir wo makailek in sususuien wutul.

1 Timotius 2:4 ပူးပေါင်းရင်းမြစ်များ

Matius 28:19

Ampa'paano in itu, mangém am pakasa im bangsa, wo émaano mangé séra mamuali murit-Ku. Baptiseno mangé séra ang karapi ngaran i Amang, i Toyaang wo i Roh Le'nas.

Markus 16:15

Wo icua-Na ai séra, “Mangém kamu am pakasa ing kayo'baan, wo icuao mangé en Abar Kaaruien-Na a sé im pakasa in tou.

Lukas 1:77

Ico maali mai in abar a sé tou i Casuruan tumambisa wosama' séra ro'na makailek ing kalowiran kumiit ing kaampungan ing kamesé-meséaan éra.

Lukas 14:23

Wo icua i tuang itu a si atana, ‘Mangém an lala-lalan wangko' wo an lala-lalan pesut ang kesot ing kota wo leséénai waya sé tou am bitu wosama' em palukutan mawuta.’

Lukas 24:47

Wo aipatic ka'i sapaoka en abar anio' musti sisil angé maké ing kawasa i ngaran-Na a sé pakasa im bangsa tumo'tol an Yerusalem akar am pakasa ing kayo'baan: Si séike' e mape'dis ang kamesé-meséaan ampungan oka i Amang Kasuruan.

Yohanes 14:6

Wo icua i Yesus, “Yakuo en lalan maangé a si Amang Kasuruan, Yaku ka'i si mengakua in sususuien wutul andumoro' i Amang Kasuruan, wo Yaku ka'i si mengawéé mai ing katouan akar ing kauré-uré. Ra'ica wana esake' tou e maai a si Amang sa ra'ica ipakawali-Ku.

Yohanes 17:17

Émaano mangé séra menonou le'nas ang karapi in sususuien wutul-Mu. Pakasa en taar-Mu siituo en sususuien wutul.

Yohanes 6:37

Pakasa en tou sé aiwééo i Amang-Ku a Yaku maai oka a Yaku, wo si séike' si maai a Yaku, sia ra'ica kawisa yusér-Ku.

Roma 11:14

Arapenku, ang karapi in tawoienku itu sé tou Israel sé esa taranak wo yaku manganat ai camu tou ra'ica Yahudi. Ang karapi in tumaniitu, arapenku aku ro'na lumowir piraan tou asé tou Israel.

1 Timotius 4:10

Siituo imangémai kita rumaméji mauli-ulit re'dem mengaselewir a si Amang Kasuruan. Kita méma' in taniitu ampa'paan kita asaloke' mamangén a si Amang Kasuruan si menonou. Sia itu si méé mai ing kalowiran a sé pakasa in tou, lébé-lébépé' ka'i a sé tou maéman.

2 Timotius 2:25

Sia musti masusui ang karapi ing ko'kos en até a sé tou sé mengasundur in sususuien wutul. Sia musti mengaéma' in taniitu ampa'paan sa si Casuruan méé mai témpo ai séra, séra ro'na mape'dis akar séra ro'na makailek in sususuien wutul itu.

2 Timotius 3:7

Sé wéwéné itu mangile-ngilek in susuian é tou walina, taan en até éra ra'ica kiim tumerima in sususuien wutul itu.

Titus 1:1

En surat anio' a yaku owo, Paulus. Yaku anio' ata i Amang Kasuruan wo ruru'du'an i Yesus Kristus. Yaku ayutus en tumawang sé tou sinisiro i Amang Kasuruan wosama' em paémanen éra makaketer wo ro'na makailek in sususuien wutul. En sususuien itu en tumawang iséra tumambisa menonou mengaapo' a si Amang Kasuruan.

Titus 2:11

Ampa'paan si Amang Kasuruan itumambéro mai in upus-Na en lumowir waya sé tou.

Ibrani 10:26

Ampa'paan sa kita makaileko in sususuien wutul asi Amang Kasuruan wo kita metutu'ke' taré mengéma-ngéma' ing kamesé-meséaan, ra'io wana ka'i raragés binatang pinokol em patu'bus ing kamesé-meséaan,

Yakobus 3:14

Taan sa en até miow awéan em panganaten wo menonou ang katoronaanke' in owakna in esa, tioo kamu tirayo wo tioo matowo eng kumua sa kamu itu awéan kapinteran asi Casuruan owo, wo in taniitu ra'ica toro sélé'kow iow en sususuien wutul.

2 Petrus 3:9

Awéan tou mawerot si Amang Kasuruan mauré-urépé' lumekep in janji-Na sapaoka si Kristus maai sumawel, taan en ulitna Sia talesen mengento-ngento' icamu mape'dis ampa'paan ra'ica icasalé'-Na sa awéan esake' ai camu meta'up im papaté. Taan en icasalé'-Na wosama' pakasa in tou ra'io mengéma-ngéma' ing kamesé-meséaan wo maréng sumawel méma' ing kasalé'an-Na.

2 Yohanes 1:1

En surat anio' a yaku owo si penatua an jamaat. Ipaticku en surat anio' a si inang si sinisir i Amang Kasuruan, wo ka'i a sé toyaang i inang sé icaupusku kumiit in sususuien wutul i Amang Kasuruan. Wo ra'ica yakuke' e mengaupus icamu, taan pakasa in tou sé makailek in sususuien wutul mengaupus camu.

Wahyu 14:6

Wo kaséréanku si esa malaékat walina ituméléw rumangka-rangka' an langit. Sia itu maali-ali in Abar Kaaruien si akar ing kauré-uré torona icua a sé tou sé maénto' ang kayo'baan. Séra ituo sé pakasa im bangsa, in suku, i nunuwu' wo i negara.