1 Timotius 1:9 - En Taar Weru a nunuwu' é Tontemboan

⁹ En ukum ang Kitap Le'nas itu ra'ica niéma' torona é tou sé maéma' im butul, taan niéma' torona é tou sé ra'ica makiit in ukum wo sé tou ra'ica le'tek, torona é tou léwo' wo sé tou mengaéma' ing kamesé-meséaan, torona é tou makiit ing kasalé'an ing kayo'baan wo ra'ica maéman a si Casuruan, torona é tou sé mengapaté si amang wo si inang, torona é tou sé kinakelian mengapaté tou,

1 Timotius 1:9 ပူးပေါင်းရင်းမြစ်များ

Matius 10:21

Wo mamuali oka ka'i, si esa tou sumarakan oka si poowna in esa em patén. Tanu siitu ka'i e mamuali a si esa amang wo sé toyaangna. Sé toyaang ka'i sumundur oka sé matu'a wo maté iséra.

Roma 1:30

Séra masalé' memaa-maar in léwo' andumoro' sé tou walina, masalé' mengawuruk i ngaran é tou walina, séra masuut si Amang Kasuruan, ra'ica mengaadat a sé tou walina, tirayo wo maangkai in owak in esa. Séra pandé mawasa-wasa in léwo', masundur sé matu'a,

Roma 4:13

Si Amang Kasuruan jumanjio a si Abraham wo a sé tara-taranakna, sapaoka iwéé-Na oka eng kayo'baan anio' mamuali anu éra. Si Amang Kasuruan jumanji tanu siitu ra'ica ampa'paan si Abraham le'tek mengaéma' in ukum Torat, taan ampa'paan sia maéman a si Amang Kasuruan akar sia nianggap-Na wutul.

Roma 5:20

En ukum Torat itu aiwéé mai i Amang Kasuruan a sé tou wo eng kasiwakana eng kamesé-meséaan é tou makaawes eng kakeli ampa'paan séra ra'ica le'tek maéma' in ukum itu. Taan mandé eng kamesé-meséaan makaawes eng kakeli, en upus aitambér i Amang Kasuruan makalepe-lepet eng kakeli.

Roma 6:14

Anaé, kamu ra'io toro pakakawasané' ing kamesé-meséaan, ampa'paan kamu ra'io menonou makiit in ukum Torat, taan kamu menonou asi upus aitambér i Amang Kasuruan.

Galatia 3:19

Aiwéé i Amang Kasuruan eng kamang ciit in janji-Na. Sa taniitu, kéitu réén Sia méé in ukum Torat itu? En ukum Torat itu aiwéé-Na wosama' ro'na kakailekan é tou eng kamesé-meséaan éra. Wo en ukum itu asalo mapaké akar maai si taranak i Abraham si aicua an janji-Na a si Abraham itu. En ukum itu aicua é malaékat a si Musa si makawali itu, wo icuana a sé tou Israel.

Galatia 5:18

Taan sa iwaya miow e Roh Le'nas merénta in owak iow, kamu ra'ica menonou pakaakinen in ukum Torat.

Galatia 5:21

kokanat, malangu-langu, wo pésta ing kuman wo mengele-ngelep sé pakalangun wo pakasa sé léwo'. Andumoro' in itu aicuakuo indior, wo intarépé' ita'néiku sumawel: Sé tou menonou tanu siitu ra'ica makéré im bagéan ang Kakolanoan i Amang Kasuruan.

Galatia 5:23

ko'kos en até, kumawasa in owak. Ra'ica wana ukum e ro'na sumundur sé tou mengaéma' pakasa in itu.

2 Tesalonika 2:8

An tutuw ituo si tou luméwo-léwo' itu mai mapaturu' in owakna. Taan si tou luméwo-léwo' itu patén oka i Apo' Yesus ang karapi in aseng-Na. Wo an tutuw i Apo' Yesus maai sumawel, teri-terin-Na oka ang karapi in télang an owak-Na.

1 Timotius 4:7

Taan tumayang angé a sé tou sé masisil in sisisilen sé asalo niéma' é tou wo in sisisilen ra'ica wana torona. Aweso taré penganaramenmu sumama-sama' en owakmu mengaapo' a si Amang Kasuruan.

1 Timotius 6:20

Timotius, musti téiranmu sumama-sama' waya sé aitoké i Casuruan ai co. Ra'ica toro kumiit memaa-maar sé ra'ica wana torona sé ra'- ica masiri' si Amang Kasuruan, wo ka'i tioo kumiit meindo-indoan roma' in andumoro' sé pakua é tou “kapinteran”, en ulitna siitu ra'ica kapinteran taan asalo meindo-indoan roma' andumoro' i nunuwu'.

2 Timotius 2:16

Ico ka'i tioo sumusut a sé tou mapaar im papaaren sé ra'ica wana torona wo a sé tou sé ra'- ica mengasiri' si Casuruan. Ampa'paan sé tou mapaar in taniitu méma'ke' taré iséra ra'ica maindé' ai Sia.

2 Timotius 3:2

Wo asé endo itu ka'i, sé tou asalo oka mengaupus in owak éra in esa wo mamuali ata in doit. Séra mengatowo oka wo mengatirayo in owak éra in esa, mengawuruk i ngaran é tou. Séra mengasundur sé matu'a, ra'ica makailek mengawéé i makapulu'sama' wo ra'ica mapandung i mengaapo' a si Casuruan.

Titus 1:10

Icuaku in taniitu ampa'paan kelio sé tou masalé' mengasundur in sususuien wutul. An uner éra itu awéan tou Yahudi si maémano a si Yesus, pengasusuina sapaoka sé tou ra'ica Yahudi sa masalé' mamuali anggota jamaat musti sunaten owo. Séra itu mengauwak sé tou walina ang karapi in doroma' éra sé ra'ica wana en torona.

Titus 1:16

Séra ka'i mangaku makatuus si Amang Kasuruan taan sa sérén em paémaan éra, séra meputé wo sé tou makélong Sia. Séra karican oka mai wo ra'ica le'tek ampa'paan masundur im perénta i Amang Kasuruan wo ra'ica makawoo mengaéma' in sapake' mangé sé loor.

Titus 1:6

Sé tou angkaien mamuali penatua musti tanu sia'i: ra'ica wana e ro'na méé kaséaan ai sia, wayake' in esa wéwéné e mamuali penanaan, sé toyaangna maéman a si Casuruan wo in taniitu ra'ica wana tou e makua sapaoka sé toyaang itu makaperi ra'ica loor kuma'pa tansunduren.

Titus 3:3

Kailekanmu é Titus, indior kita ra'ipé' makailek sapa-sapa. Ampa'paan in itu kita ra'ica le'tek a si Amang Kasuruan, icasélé'kow wo kinatawéranke' mengaéma' in léwo', kita mamuali ata ing kasalé'an ing kayo'baan si asalo maarui in owak in esa, kita menonou mengéma-ngéma'ke' in léwo', kokanat a sé tou walina, bengis, mengkasuutan asi esa wo sé walina.

Ibrani 11:31

Ampa'paan si Rahab si wéwéné sundal itu awéan paémanen, sia ra'ica mekiit pinaté kaputé é tou ang kotana sé ra'ica le'tek a si Amang Kasuruan, ampa'paan sinungkulna am baléna kerapi in elur sé mawere-weren é Israel.

Ibrani 12:16

Matéi-téiro mangé wosama' ra'ica wana esaan ai camu sé mengaéma' andumoro' sé sundal wo ra'io masiri' si Amang Kasuruan meputé wo si Esau, si mangkér in hakna tanu toyaang luluna ampa'paan in esa piring kakanen.

1 Petrus 2:7

Si Yesus Kristus uli-ulit sosor em bééna torona é tou maéman ai Sia. Taan sé tou ra'ica maéman, tantu icawangkur, tanu si aipatic ang Kitap Le'nas tana'i, “Watu aitiya' é bas, imamualio watu patuuran si kumataré-taré.”

1 Petrus 3:20

Sé roh itu, roh é tou ra'ica le'tek asi Amang Kasuruan an jaman i Nuh. Ang karoro'an i Nuh maéma' ing kapal wangker, si Amang Kasuruan talesen maento-ento' sé tou e mape'dis mengéma-ngéma' ing kaléwo-léwo'an. An tutuw en sonop wangko' itu imayo, wayake' i walu tou sé malowir asi sonop wangko' itu. Sérao sé an untep ing kapal wangker itu.

1 Petrus 4:18

Ang Kitap Le'nas aipatic in tana'i, “Sé tou maéman sé mengéma-ngéma' im butul musti mawendu owo, kumawus in itu séra ro'na makéré ing katouan akar ing kauré-uré. Sa taniitu, tambisa e mamuali oka a sé tou sé ra'ica maéman a si Casuruan, wo sé tou iméma' ing kamesé-meséaan?”

Yudas 1:15

Wo susur in tou akimen-Na oka wo mukum sé tou mengaéma' ing kamesé-meséaan, ampa'paan pakasa eng kaléwo'- an sé pinengaéma' éra wo pakasa em pakaroma' éra mengawawa' wo mengawuruk i ngaran i Amang Kasuruan.”

Wahyu 21:8

Taan sé tou toloindé' mengasairi andumoro' i Yesus, sé tou ra'ica maéman, sé tou mengaéma' ing kaléwo-léwo'an sé karican oka mai, sé tou mengapaté tou, sé tou mengasundal, sé tou mengasihir, sé tou mengaapo' a sé opo-opo' wo pakasa sé tou kotowo, séra im baya yuntep oka an untep in ta'sic api walélang si mengembu-ngembung. Si anioo em papaté karua.”

Wahyu 22:15

Sé tou makaperi tanu sé asu wo sé mengasihir, sé mengasundal, sé mengapaté tou, sé mengaapo' a sé opo-opo', wo sé masalé' mengatowo wo mengaéma' in towo, séra musti mento' ang kesot ing kota itu.