1 Timotius 1:3 - En Taar Weru a nunuwu' é Tontemboan

³ An tutuwku maangém a Makedonia, pangilekenku ko mentoo mio' an Efesus. Am bitu ko ro'na sumina'u sé tou masusui in sususuien ra'ica wutul, wosama' yento' érao masusui in sususuien sé ra'ica wutul itu.

1 Timotius 1:3 ပူးပေါင်းရင်းမြစ်များ

Kisah Para Rasul 18:19

Kumawus in itu séra suméngkot wo icateka' an Efesus. Am bitu tela'u i Paulus si Priskila wo si Akwila. Wo sia in esa mangé muntep am balé paapo'an é agama Yahudi wo memaa-maar ang karapi éra andumoro' si Yesus.

Kisah Para Rasul 18:21

Mandé ka'i taniitu, cuana, “Sa énan i Amang Kasuruan, tantu aku maréng oka mai sumawel ai camu.” Kumawus in itu, itela'una en Efesus.

Roma 15:26

Ampa'paan sé jamaat a Makedonia wo an Akhaya lumi'uso roit em béé a sé tou lengéi an uner é tou le'nas an Yerusalem.

Roma 16:17

Poo-poowku, sina'uenku kamu, mareti-retio mangé a sé tou sé masalé' mengaéma' ing kapetanéan, wo sé masalé' mengasélé'kow im paémanen é tou a si Amang Kasuruan. Séra mengasusui in sususuien sé membalinaan wo in sususuien wutul sé kinéréano miow. Anaé, tumayango mangé ai séra.

2 Korintus 11:4

Ampa'paan kamu pakasérén talesenke' tumerima si esa tou mai wo masusui ai camu andumoro' in sususuien si ra'ica meputé wo sé ipasusui ami andumoro' i Yesus. Wo kamu ka'i tumerima i roh si ra'ica meputé wo i Roh Le'nas kuma'pa Abar Kaaruien si wutu-wutul ra'ica meputé wo in abar kaaruien si sumangkumo tinerima miow ai cami.

Efesus 4:14

Wo in taniitu, kita ra'io ka'i kaputé é toyaang sé taporakké' pauwaken wo ipawali-walipé' i membam-balinaan sususuien é tou sé ra'ica wutul. Séra mengasélé'kow sé tou ang karapi in sususuien sé mengauwak.

Filipi 2:24

Wo percayanku sa woo énannai i Apo' Yesus yaku in esa ka'i makala'us oka mai ai camu.

1 Timotius 4:11

Icua wo isusuio mangé pakasa en itu a sé tou.

1 Timotius 4:6

Timotius, sa sé aisusuiku itu icuamu waya a sé poo-poow esa paémanen, ico imamualio ata maselewir in loor a si Kristus Yesus. Wo kete-ketereno mangé en atému ang karapi i nunuwu' i Amang Kasuruan si paémanenta wo karapi in sususuien wutul sé kiniitmuo mai akar intarépé'.

1 Timotius 5:7

Ita'néi angé sumama-sama' a sé balu wéwéné pakasa en anio' wosama' séra menonou ang kale'nasan akar ra'ica wana tou muruk i ngaran éra.

1 Timotius 6:10

Icuaku in taniitu ampa'paan, sa sé tou longi' in doit, am bituo en tino'tolan ing kaléwo-léwo'an. Séra ka'i ra'io masalé' kumiit in sususuien i Yesus ampa'paan séra rumaméji masiya'. Wo eng kasiwakanna séra makéré keli kawenduan e méma' in até éra sumakit.

1 Timotius 6:17

Pokéianmu mangé sé tou siya' ang kayo'baan anio' wosama' séra tioo mengatirayo wo tioo menonou mamangén ang kasiyaan. Ampa'paan eng kasiyaan ing kayo'baan anio' ra'ica akar ing kauré-uré, si endo anio' awéan woondo maka'puo. Aweso taré séra itu menonou mamangén a si Amang Kasuruan, si méé mai im baya-waya sé paperlunta wosama' ro'na kaipianta waya en itu.

1 Timotius 6:3

Si séi masusui in sususuien walina wo maanggap in sususuien wutul i Apo'ta Yesus Kristus suméa', wo ka'i ra'ica makiit in sususuienta mengaapo',

2 Timotius 1:18

Kailekanmu wutul ka'i sapaoka sia tatap mengatawang yaku an Efesus. Ampa'paan in ituo pekiupusenku a si Casuruan wosama' asi endo kaka'puan ing kayo'baan si endo i Casuruan makim sé tou, iwéé-Na mai eng kaupusan-Na a si Onesiforus.

2 Yohanes 1:7

Kelio tou sé mengasélé'kow imapaturu'o wo isumeraro ang kayo'baan anio'. Séra itu ra'ica kiim mangaku sapaoka si Yesus Kristus imayo ang kayo'baan tanu in tou. Sérao sé mengauwak wo kaséké' i Kristus.

Wahyu 2:14

Taan awéan piraan sé ra'ica icasalé'-Ku ai camu: An uner iow awéan sé makiit im pasusui i Bileam. Si Bileam masusui a si Balak tumambisa en tumawér sé tou Israel kuman ing kakanen sé ayumpero a sé opo-opo', wo mengabersina.

Wahyu 2:20

Taan iséro'-Ku kamu, ampa'paan aiwayake' miow si esa wéwéné makangaran Izebel. Si wéwéné itu matuul in owakna nabi i Amang Kasuruan, taan sia masusui wo mengasélé'kow sé ata-Ku mengabersina wo mengakan ing kakanen sé ayumpero a sé opo-opo'.