1 Timotius 1:10 - En Taar Weru a nunuwu' é Tontemboan

¹⁰ torona ka'i é tou mengacabul, sé tuama mengacabul a sé kakéléna tuama, sé mapu'is in tou en wangkér émaan ata, sé kotowo, sé tou mengasairi in towo wo ka'i sé tou makélong in sususuien wutul.

1 Timotius 1:10 ပူးပေါင်းရင်းမြစ်များ

Yohanes 8:44

Si kikiiten é sétango si amang iow, wo icasalé' miow mengaéma' sapa si casalé' i amang iow. Tumo'tolai indior akar intarépé' sia mapaté sé tou, wo ra'ica kiimna mengaéma' in sususuien wutul, ampa'paan en sususuien wutul ra'ica an aténa. Casalé'na mengatowo ampa'paan in ituo em peri aselina. Sia kotowo wo palemboian waya in towo.

Roma 1:26

Ampa'paano séra mengaéma' in taniitu, akar séra iwaya i Amang Kasuruan kumiit ing kasalé'an in owak éra sé kalawiin keli. Sé wéwéné ra'io kiim tumekel mewali-wali ang karapi é tuama tanu ing kanaramen, taan masalé-salé'ke' tumekel mewali-wali ang karapi é kakélé éra wéwéné.

1 Timotius 4:6

Timotius, sa sé aisusuiku itu icuamu waya a sé poo-poow esa paémanen, ico imamualio ata maselewir in loor a si Kristus Yesus. Wo kete-ketereno mangé en atému ang karapi i nunuwu' i Amang Kasuruan si paémanenta wo karapi in sususuien wutul sé kiniitmuo mai akar intarépé'.

1 Timotius 6:3

Si séi masusui in sususuien walina wo maanggap in sususuien wutul i Apo'ta Yesus Kristus suméa', wo ka'i ra'ica makiit in sususuienta mengaapo',

2 Timotius 1:13

Anaé, kiiteno mangé en sususuien si liningamuo a yaku. En sususuien itu ulit wo ro'na mamuali andéan ai co en sumusui sé tou walina. Ico musti maéman a si Kristus Yesus wo mengaupus pakasa in tou, en itu tumuru'o sapaoka ko meesa wo si Kristus Yesus.

2 Timotius 4:3

Émaanmu waya en itu, ampa'paan asi esa endo mengangai sa, sé tou ra'io kiim luminga in sususuien wutul itu. Taan taré towan éra sé guru sé icasalé' éra e marui in até éra ang karapi i nunuwuun manam pengalingan.

Titus 1:13

En aicua i nabi itu wutul. Ampa'paan in ituo, sina'uenmu mangé séra ang karapi i mauli-ulit wosama' séra tatapke' mercaya in sususuien wutul.

Titus 1:9

Séra ka'i musti tou wutu-wutul makiit in sususuien wutul si sususuien aisusuio ai séra. Wo in taniitu kawooan éra maké in sususuien wutul itu en sumina'u sé tou wo ka'i makawoo rumondor im bewerot é tou sé masundur in sususuien itu.

Ibrani 13:4

Pakasa in tou musti sumiri' ing kawéng wo sé mempenanaan musti le'tek esa wo si esa. Ukumen oka i Amang Kasuruan sé tou sundal wo sé tou mabersina.

Yudas 1:7

Taniitu ka'i eng kota Sodom wo eng Gomora wo sé kota an sangkumna. Sé tou a mangé mbitu mengaéma' sé meputé wo im pinengaéma' é malaékat itu, ampa'paan séra mengabersina wo maéma' ing kasalé'an in owak sé ra'ica loor. Ampa'paan in itu séra makéré in ukuman an api si ra'ica mape'de-pe'del akar ing kauré-uré, en itu mamuali popokéi a sé pakasa in tou.

Wahyu 18:13

kuli'na ing kayu manis, sé nanamur, sé mawou manam, mur, kamenyan, anggor, solo in zaitun, topong wo eng gandum, sapi, domba, kawayo wo eng kerétana, ata wo sé tou tawanan im perang.

Wahyu 21:27

Taan sapake' mangé sé najis kuma'pa sé tou mengaéma' sé karican oka mai kuma'pa kotowo ra'ica toro muntep asi kota itu. Sé ro'na muntep asi kota itu, wayake' sé tou e ngaran éra aipatico an untep ing kitap katouan i Toyaang i Domba itu.

Wahyu 21:8

Taan sé tou toloindé' mengasairi andumoro' i Yesus, sé tou ra'ica maéman, sé tou mengaéma' ing kaléwo-léwo'an sé karican oka mai, sé tou mengapaté tou, sé tou mengasundal, sé tou mengasihir, sé tou mengaapo' a sé opo-opo' wo pakasa sé tou kotowo, séra im baya yuntep oka an untep in ta'sic api walélang si mengembu-ngembung. Si anioo em papaté karua.”

Wahyu 22:15

Sé tou makaperi tanu sé asu wo sé mengasihir, sé mengasundal, sé mengapaté tou, sé mengaapo' a sé opo-opo', wo sé masalé' mengatowo wo mengaéma' in towo, séra musti mento' ang kesot ing kota itu.