1 Tesalonika 5:6 - En Taar Weru a nunuwu' é Tontemboan

⁶ Ampa'paan in ituo, kita ra'ica toro asalo meneke-nekel meputé wo sé tou walina, taan matéi-téiro mangé wo kawasan angé sumama-sama' en owak.

1 Tesalonika 5:6 ပူးပေါင်းရင်းမြစ်များ

Matius 13:25

Taan asi sangawengi an tutuw é tou kinakili'ano waya, si kaséké' i makauma itu mai muras in lulumbo ing kuung an uner ing gandum itu wo sia maréng.

Matius 24:42

Ampa'paan in iitu matéi-téiro mangé, ampa'paan ra'ica kailekan iow asi endo kawisa si Casuruan maai.

Matius 25:13

“Ampa'paano in itu kamu matéi-téiro mangé, ampa'paan ra'- ica kailekan iow en endo wo en orasna si Toyaang i Tou maai sumawel.”

Matius 25:5

Taan ampa'paan si tuama kumawéng itu uré-uréanai, sé sangapulu' mangala'un itu makili'o keli akar séra kinakili'ano.

Matius 26:38

Wo icua-Na ai séra, “En até-Ku wenduo keli, kapendaman tanu matawio maté. Mentoo mio' am bia'i kamu wo matéi-téiro mangé ang karapi-Ku.”

Markus 13:37

Sapa en aicua-Ku ai camu, aicua-Ku ka'i a sé pakasa in tou, ‘Matéi-téiro mangé!’ ”

Lukas 12:37

Pakakamangen sé ata sa kaumaan i tuang éra ang karoro'an i mengento-ngento' sia an tutuw sia i maréngai. En ulitna icua-Ku mangé ai camu, si tuang itu tu'tulo en sumelewir sé atana itu, wo iru'du'na séra lumukut wo wéanna kanen.

Lukas 12:39

Taan musti kailekan iow en anio'! Sa kailekan i makawalé en oras i rombit muntep am baléna, tantu em balé itu téiranna wosama' ra'ica untepan é rombit.

Lukas 21:36

Ampa'paano in itu matéi-téiro mangé kamu wo menomba-nombayango mangé, wosama' kamu keter en sumangkum ing kawenduan sé mamuali oka sa wo ka'i makawoo tumulung an dior i Toyaang i Tou tutuw Sia mai makim icamu.”

Lukas 22:46

Wo icua-Na ai séra, “Kéitu réén kamu asaloke' i makatekel? Tumooro wo sumombayango wosama' kamu ra'ica makéré im pangepé'an.”

Kisah Para Rasul 20:31

Ampa'paan in ituo, mareti-retio mangé kamu. Musti pena'né-na'néi iow sapaoka ang kauré in telu ngata'un aku mewali-wali wo icamu, endo wo em bengi kamu pengasina'uenku si esa wo si esa akar en danona im berenku menii-niis.

1 Korintus 15:34

Anaé, mawutu-wutulo mangé mape'dis wo ra'io toro ka'i mengéma-ngéma' ing kamesé-meséaan. Ampa'paan an uner iow awéan sé ra'ipé' makatuus si Amang Kasuruan. Icuaku en anio' wosama' kamu malawi' wo mape'dis.

1 Korintus 16:13

Mareti-retio mangé! Wo kasake' i makatimboi asi paémanenmu. Mabrani-branio wo makete-ketero.

Efesus 2:3

En ulitna indior icita im baya ka'i meputé wo sé tou ra'ica le'tek itu, ampa'paan kita makiité' ing kasalé'an in owak sé ra'ica wutul, asalo maarui in owak wo asalo memero-merot in léwo'. Kita anio' sé tou patus ukumen i Amang Kasuruan kaputé é tou walina.

Efesus 5:14

Ampa'paan in ituo awéan en aipatic in tana'i, “Éi camu sé makatekelé', tumooro, wo tumouo mai sumawel am papaté wo si Kristus tumélang oka mai camu.”

Efesus 6:18

Émaano mangé waya en itu ang karapi i masombayang susur in oras wo mangileko mangé a si Amang Kasuruan ang karapi im pakaakinen i Roh Le'nas. Menomba-nombayango mangé, wo tatapke' matéi-téir am pakasa in témpo wo tioo mento' taan tatapke' masombayang. Susur iow in sumombayang, ipengasombayang angé waya sé tou le'nas.

Filipi 4:5

Iwayao mio' eng kasamaan in atému kakailekan é pakasa in tou. Si Apo' Yesus ra'io uré maai sumawel.

Kolose 4:2

Masombayango mangé in re'dem kamu ang karapi im bewerot weresi wo ka'i makua mangé i makapulu'sama' a si Amang Kasuruan.

1 Tesalonika 4:13

Poo-poow, sa awéan tou maté, ra'ica kiim ami kamu mawendu keli kaputé sé tou ra'io wana em paarapen. Ampa'paan in itu, icasale' ami kumua ai camu sapa si mamuali oka a sé tou matéo.

1 Tesalonika 5:10

Sia imatéo torona icita wosama' sa Sia maai sumawel, mandé ka'i an oras itu kita imatéo kuma'pa kita menonoué', kita ro'na menonou mewali-wali wo Sia.

1 Tesalonika 5:8

Taan kita anio' sé maéman a si Casuruan, musti kumawasa in owak tanu ing katouan é tou in sendot. Kita ka'i musti maéman a si Amang Kasuruan wo meupu-upusan, siituo en tuméir icita aipeputé wo si suraro mengapaké ing karai bési pari'dir in owak. Kita ka'i musti mauli-ulit maarap sapaoka kita lowiren oka i Casuruan, aipeputé wo si suraro makapaké in topi waja en tuméir in do'kosna.

1 Timotius 2:15

Taan si wéwéne itu malowir oka ampa'paan si toyaang aitouna, sa sia uli-ulit maéman a si Casuruan mandé meta'up in okoi wo mengaupus sé tou walina, menonou ang karapi in até weresi an dior i Casuruan wo ka'i em perina ra'ica tirayo.

1 Timotius 2:9

Taniitu ka'i wo sé wéwéné, mengakarai angé sé patus am beren é tou, masoma-soma mangé wo tioo tirayo, tioo maéma' im buuk megioo, makasondol i mas kuma'pa mutiara, kuma'pa mekarai ing karai sosor ulit em bééna.

1 Timotius 3:11

Taniitu ka'i wo sé penanaan éra, em peri é penanaan éra musti loor akar pasiri-siriin é tou, ra'ica mengawuruk i ngaran é tou walina, makailek matang in owak wo ro'na papercayan am baya-waya.

1 Timotius 3:2

Si mengatilik an jamaat, sia itu musti ra'ica wana tou e ro'na méé kaséaan, si wéwéné penanaanna waya in esa, makawoo tumang in owak, mengapaké ing kapinteran asi Casuruan owo, makaperi sumoma, tansaléén mengaterima sé tou am baléna, pinter masusui sé tou,

2 Timotius 4:5

Taan ko é Timotius, kawasanmu mangé en owakmu mandé sapake' e mamuali. Malese-leseno mangé masaru ing kawenduan, émaano mangé melala'us en tawoien mengakua in Abar Kaaruien andumoro' i Yesus Kristus wo émaan sumama-sama' en tawoien si aiwéé i Casuruan ai co.

Titus 2:12

Wo en upus aitambér-Na itu ka'i en sumusui ai cita wosama' tioo menonou ra'ica maindé' a si Casuruan wo tioo makiit ing kasalé'an ing kayo'baan. En upus aitambér-Na itu isumusui ai cita e makawoo tumang in owak, menonou ra'ica marapit wo maapo' kumiit ing kasalé'an-Na ang kayo'baan ya'sa.

Titus 2:6

Taniitu ka'i wo sé mangalitou, sina'uen angé séra wosama' makakawoo tuméir in owak am baya-waya.

1 Petrus 1:13

Keliano e niéma' i Amang Kasuruan ai camu, ampa'paan in ituo tu'tuleno mio' em bewerot iow e méma' andumoro' sé loor wo tumang in owak ra'ica méma' andumoro' in léwo' wo ituliro mio' waya em paarapen iow asi kamang si tambér oka mai i Amang Kasuruan ai camu an tutuw i Yesus Kristus maai sumawel.

1 Petrus 4:7

En endo kaka'puan ing kayo'baan makatawio. Ampa'paano in itu, musti kawasan iow en owak asé kaléwo-léwo'an wo elur em bewerot wosama' kamu ro'na sumombayang.

1 Petrus 5:8

Maténga-téngamo wo matéi-téiro mangé kamu! Ampa'paan si kikiiten é sétang si kaséké' miow itu mawaya-waya' tanu si singa mengua-nguang maéré-éré tou en lo'motenna.

Wahyu 16:15

Icua i Casuruan “Séréno, Yaku maai oka tanu rombit. Pakakamangen sé tou sé tumu'tulo ing katouanna, sia itu puté wo sé tou en tumu'tulo ing karaina wosama' sia ra'ica malawi' kaséréan é tou sa sia metangkol.”

Wahyu 3:2

Menonouo mangé sumawel maéman a Yaku wo keteren sumawel em paémanen iow si matawio maté, ampa'paan kailekan-Ku ra'ipé' wana en lekep mandé esake' en tinawoi miow an dior i Amang Kasuruan.