1 Tesalonika 5:5 - En Taar Weru a nunuwu' é Tontemboan

⁵ Kamu im baya tou menonou ang kasendotan, meputé wo sé tou menonou an tutuw in endopé'. Kita ra'ica meputé wo sé tou menonou an tutuw im bengi kuma'pa sé tou ang kariréimbengan.

1 Tesalonika 5:5 ပူးပေါင်းရင်းမြစ်များ

Lukas 16:8

Wo si tou mengaurus in doit péngkor en até itu iparayo i tuangna ampa'paan sia pandéi maéré-éré lalan torona ing kalooranna in esa. Mémang wutul, sé tou makiit ing kasalé'an ing kayo'baan, séra en lébé pandéi maéré-éré lalan torona ing kalooran éra in esa wotaré sé tou makiit ing kasalé'an i Amang Kasuruan.

Yohanes 12:36

Anaé, ang karoro'an in sendot mewali-walipé' wo icamu, musti percayan iow en sendot itu wosama' kamu mamuali toya-toyaang in sendot.” Kekawus i Yesus kumua in taniitu, Sia mangé an tampa si ra'- ica kailekan é tou keli.

Kisah Para Rasul 26:18

e mangé muka' im bewerot éra wosama' séra ra'io ka'i menonou ang kariréimbengan taan menonou ang kasendotan, wo ka'i séra ra'io pakakawasan i kikiiten é sétang taan pakakawasan i Amang Kasuruan. Wo in taniitu ampa'paan séra maéman a Yaku, eng kamesé-meséaan éra makéré oka kaampungan wo makéré oka ka'i bagéan si aitantuo i Amang Kasuruan a sé tou sé line'nas-Na.’

Efesus 5:8

Indior kamu toya-toyaang ing kariréimbengan, taan intarépé' kamu imamualio tou i Casuruan, anaé icamuo sé toyaang in sendot. Ampa'paan in itu menonouo mangé tanu toya-toyaang in sendot,

1 Tesalonika 5:8

Taan kita anio' sé maéman a si Casuruan, musti kumawasa in owak tanu ing katouan é tou in sendot. Kita ka'i musti maéman a si Amang Kasuruan wo meupu-upusan, siituo en tuméir icita aipeputé wo si suraro mengapaké ing karai bési pari'dir in owak. Kita ka'i musti mauli-ulit maarap sapaoka kita lowiren oka i Casuruan, aipeputé wo si suraro makapaké in topi waja en tuméir in do'kosna.

1 Yohanes 2:8

Taan em perénta si aipaticku anio' ro'na mamuali perénta weru, ampa'paan em perénta anio' wutu-wutul pinengaéma' i Yesus, wo émaan iow ka'i en itu. Ampa'paan eng kariréimbengan ang karoro'ano icatala wo en sendot wutul mato'tolo masendot.