1 Tesalonika 5:13 - En Taar Weru a nunuwu' é Tontemboan

¹³ Pengasiriin angé sumama-sama' séra ang karapi ing kaupusan ampa'paano in tawoien éra. Wo kamu ka'i musti menonou angé mensan-samaan wo sé tou walina.

1 Tesalonika 5:13 ပူးပေါင်းရင်းမြစ်များ

Matius 10:40

Si séike' en sumungkul icamu, en itu meputé sia isumungkulo Yaku. Wo si séike' en sumungkul Yaku, sia ka'i isumungkulo si Amang Kasuruan si mutusai Yaku.

Markus 9:50

Kamu sé makiit Yaku tanu asin. En asin itu mémang loor, taan sa en asin itu imata'pé'o, ra'io wana ka'i torona. Tioo kamu mamuali tanu asin si mata'pé'o, taan menonouo mangé meeluran si esa wo sé walina.”

Yohanes 15:17

Si anioo em perénta-Ku ai camu: Meupu-upusano mangé kamu si esa wo sé walina.”

2 Korintus 13:11

Anaé é poo-poow, maaru-aruio mangé, wutuleno em peri miow si suméa'. Terimano mangé pakasa en sina'uku! Meesao mangé en até wo em bewerot iow wo menonouo mangé ang kaeluran. Si Amang Kasuruan, pelemboian in upus wo ing kaeluran, mewali-wali oka wo icamu!

Galatia 4:14

Mandé ka'i en owakku sumakit méé pamuléngen ai camu, taan aku ra'ica aiséro' miow kuma'pa ra'ica marica yaku. Kamu sumungkul yaku tanuoka sumungkul si malaékat i Amang Kasuruan kuma'pa sumungkul si Kristus Yesus in esa.

Galatia 5:22

Taan sé tou pakaakinen i Roh Le'nas, wuéna ing katouanna tanu sé anio': awéan upus, kaaruian, kaeluran, katalesenan, kasamaan in até, kalooran, kale'tekkan,

Galatia 6:6

Si tou tumerima in sususuien andumoro' in Taar i Amang Kasuruan, pakasa sé loor musti iwéténg a si tou si iméé in sususuien itu en tumawang ing kaperluan éra.

Efesus 4:3

Rumaméjio mangé ang karapi i mauli-ulit menonou meesa wo meeluran ang karapi é tou walina, ampa'paan kamu niéma' i Roh Le'nas i meesa wo iséra.

Kolose 3:15

Iwayao mio' en até wo em pemero-meroten iow kawasan ing kaeluran si aiwéé mai i Kristus. Ampa'paan si Amang Kasuruan tumowao icamu mamuali tanuoka esa owak wosama' kamu si esa wo si esa menonou ang kaeluran. Wo ka'i mengawéé mangé i makapulu'sama' a si Amang Kasuruan.

1 Tesalonika 5:14

Pangileken ami ka'i ai camu é poo-poow, pengaromaan angé in sama' sé tou ra'ica kiim tumawoi, keteran angé en até é tou toloindé', tawangen angé sé tou patus tawangen wo malese-lesen angé a sé im pakasa é tou.

2 Tesalonika 3:16

Wayake' si Casuruan e ro'na méma' in até é tou elur. Pangileken ami ai Sia wosama' endo wo em bengi émaan-Na en até miow elur am baya-waya. Pangileken ami ai Sia ka'i wosama' mewali-wali wo icamu im baya.

2 Timotius 2:22

Ampa'paan ituo, tumayango mangé ko asé kasalé-salé'an sé manaram pengaémaan é tou wo'bas. Taan ko rumaméji mangé mengaéma' in tana'i: Ra'ica mengarapit, lume'tek angé a si Casuruan, mengaupus angé sé kakélé in tou wo menonou angé elur wo sé kakélé tou. Émaano mangé waya en itu mewali-wali wo sé pakasa in tou sé maémano a si Casuruan ang karapi in até weresi.

Ibrani 12:14

Rumaméjio menonou meelu-eluran ang karapi é pakasa in tou, wo rumaméji ka'i menonou le'nas. Ampa'paan sa si tou ra'ica menonou le'nas, sia ra'ica suméré si Amang Kasuruan sa.

Yakobus 3:18

Mémang wutul eng kalooran ituo wuéna in lulumbo ing kaeluran si aiwuras é tou sé masalé' ing kaeluran.