1 Tesalonika 4:9 - En Taar Weru a nunuwu' é Tontemboan

⁹ Wo en andumoro' i meupu-upusan wo sé poo-poow maéman, werotenku kamu ra'io sangali susuian ampa'paan en itu aisusuio i Amang Kasuruan tambisa e meupu-upusan.

1 Tesalonika 4:9 ပူးပေါင်းရင်းမြစ်များ

Matius 22:39

Wo si ukum karua si puté wo siitu, ‘Mengaupus angé sé kakélému in tou meputé kamu mengaupus in owak iow in esa.’

Yohanes 14:26

Taan si Matawang si yutus oka mai i Amang-Ku ai camu en sumawel Yaku, Siao si Roh Le'nas. Sa Sia maai, isusui-Na oka em baya-waya ai camu wo ita'néi-Na ai camu im baya sé aicua-Kuo ai camu.

Kisah Para Rasul 4:32

Pakasa sé tou maéman meesa en até wo esa wewerot, ra'ica wana mandé esake' tou eng kumua sapaoka en anuna, anunake' in esa. Anaé, eng kasiyaan éra anu éra im baya.

Roma 12:10

Meupu-upusano mangé kamu si esa wo si esa tanu mepoow an esa paémanen. Wo kamu mengarior angé mawéé in siri' a sé tou walina.

2 Korintus 9:1

En ulitna ra'io sangali ipaticku ai camu andumoro' in doit tatawang en tumawang sé tou le'nas lengéi an Yerusalem.

Filipi 3:15

Ampa'paano itu, mayoo kita sé lekepo em paémanen e mawerot in taniitu. Sa awéan ai camu membalinaan em pakawerot wo yaku andumoro' in itu, ituru' oka i Amang Kasuruan ai camu sapaoka en aicuaku itu wutul.

1 Tesalonika 5:1

Poo-poow, ra'ica sangali ipatic ami ai camu kawisa en oras i Apo' Yesus maai sumawel.

Ibrani 10:16

“Si Amang Kasuruan kumua: ‘Si anioo em perjanjian weru si émaan-Ku oka ang karapi éra asé endo-endo mengangai. Iweta'-Ku oka en ukum-ukum-Ku an untep in até éra, wo ipatic-Ku en itu a ngaas éra.’

Ibrani 13:1

Poo-poow, meupu-upusano mangé tanu mepoow an esa paémanen.

1 Petrus 3:8

Anaé, kumusi' i nunuwu'ku anio' pangilekenku ai camu, musti meesa en até wo esa em pamendamen, meupu-upusan tanuoka sé mepoow wo tumuru' ing kaupusan wo ko'kos en até.

1 Petrus 4:8

Wo si kumataré-taré, kamu musti meupu-upusan. Ampa'paan sa kita meupu-upusan, ra'io ka'i kata'néianta eng kakeli ing kameséaan sé niéma' é tou walina ai cita.

2 Petrus 1:7

Wo menonou le'tek a si Amang Kasuruan musti awesan iow ka'i ang karapi i mengaupus a sé poo-poow esa paémanen. Wo asi mengaupus a sé poo-poow esa paémanen musti awesan iow ka'i ang karapi i mengaupus sé kakélé in tou.

1 Yohanes 2:10

Si séi si mengaupus si poowna, sia wutu-wutul an sendot wo ra'ica wana an owakna e ro'na méma' sé tou walina icasélé'kow akar méma' ing kameséaan.

1 Yohanes 3:11

Si anioo en abar si liningao miow tumo'tolai indior an tutuw kamu werupé' maéman: kita musti meupu-upusan.

1 Yohanes 3:23

Wo si anio' em perénta-Na: Kita musti maéman a si Toyaang-Na Yesus Kristus wo kita ka'i musti meupu-upusan tanu en aiperénta i Yesus Kristus ai cita.

1 Yohanes 4:21

Wo si anioo em perénta si tinerimatao a si Amang Kasuruan: Si séike' e mengaupus si Amang Kasuruan, sia ka'i musti mengaupus sé poo-poowna.