1 Tesalonika 4:6 - En Taar Weru a nunuwu' é Tontemboan

⁶ Andumoro' in ubungan iow mempenanaan, tioo kamu mengauwak kuma'pa mengaéma' ing kaséaan a sé poo-poow iow. Ampa'paan ukumen i Amang Kasuruan sé tou mengaéma' in tanu siitu, puté wo sé aicuao ami wo sé wutu-wutul aipokéi ami ai camu indior.

1 Tesalonika 4:6 ပူးပေါင်းရင်းမြစ်များ

Markus 10:19

Tantu kailekanmu em perénta-perénta i Amang Kasuruan anio': Tioo mengapaté tou, tioo mengaéma' in sina, tioo mengarombit, tioo mengasairi in towo, tioo mengauwak in tou, siriin angé si amang wo si inangmu.”

Lukas 12:5

Intarépé' icua-Ku ai camu andumoro' si séi e musti caindé' miow. Si musti caindé' miow wayake' si Amang Kasuruan! Ampa'paan Sia awéan kawasa e maté in owak é tou wo ka'i awéan kawasa en tuméndél i mu'kur é tou an api si ra'ica mape'de-pe'del akar ing kauré-uré. Anaé, icua-Ku ai camu, wayake' si Amang Kasuruan e musti caindé' miow.

Lukas 16:28

A mangé mbitu awéané' lima metuari tuama. Anaé, ru'du'o si Lazarus e mangé mokéi ai séra akar séra ra'ica muntep an tampa kawenduan anio' sa.’

Roma 1:18

Si Amang Kasuruan an sorga itumuru' ing kae'bowan-Na a sé pakasa in tou sé ra'ica maindé' ai Sia wo sé tou mengaéma' ing kaléwo-léwo'an. Ampa'paan, sé kaléwo-léwo'an ituo en sumépe'd sé tou e makailek in sususuien wutul andumoro' i Amang Kasuruan.

Roma 12:19

Poo-poow sé icaupusku, tioo pasuliin iow in léwo' sé tou mengaéma' in léwo' ai camu, taan mandéo si Amang Kasuruan en tumuru' ing kae'bowan-Na. Ampa'paan ang Kitap Le'nas aipatic in tana'i, “Icua i Casuruan: Yakuo en awéan hak en sumuli', Yaku oka e méé in ukuman.”

Roma 13:4

Ampa'paan sé pemerénta itu mengaselewir a si Amang Kasuruan si matawoi torona ing kalooran iow. Taan sa kamu mengaéma' in léwo', kamu musti maindé' ai séra, ampa'paan séra itu wutu-wutul awéan kaloasan e mukum sé tou. Sé pemerénta itu mengaselewir a si Amang Kasuruan en sumuli' ing kae'bowan-Na a sé tou sé mengaéma' ing kaléwo-léwo'an.

2 Korintus 7:11

Anaé, intarépé' séréno sapa sé imamuali ai camu ampa'paano ing kawenduan si casalé' i Amang Kasuruan itu. En itu, iméma' icamu lébé mauli-ulit kumiit ing kasalé'an i Amang Kasuruan; wo kamu rumaméji méé tuus sapaoka kamu ra'ica meséa'; kamu masuut wo maindé' mengaéma' ing kamesé-meséaan; kamu lébé lumelo wo makaincaya' méma' sapa sé loor wo ra'ica marapit ; wo kamu méé ukuman a sé tou meséa'. Anaé, kamu itumuru'o in tuus, kamu ra'ica meséa' am pakasa in itu.

Galatia 5:21

kokanat, malangu-langu, wo pésta ing kuman wo mengele-ngelep sé pakalangun wo pakasa sé léwo'. Andumoro' in itu aicuakuo indior, wo intarépé' ita'néiku sumawel: Sé tou menonou tanu siitu ra'ica makéré im bagéan ang Kakolanoan i Amang Kasuruan.

Efesus 4:17

Ampa'paan in itu, icuaku wo ita'néiku mangé ai camu ang karapi ing kawasa si aiwéé i Casuruan: Kamu ra'io toro menonou kaputé é tou sé ra'ica makatuus si Amang Kasuruan, sé asalo mawerot andumoro' sé ra'ica wana en torona.

Efesus 4:28

Si tou si sumangkumo rumombit, yentoo mio' marombit. Aweso taré sia rumaméji tumawoi sapake' sé loor ang karapi ing kamana in esa, wosama' sia makaanu in sapa-sapake' si ro'na iwéténg a sé tou lengéi.

Efesus 5:6

Tioo kamu isélé'kow é tou i nunuwu' sé ra'ica wana torona, ampa'paan en itu iméma' ing kae'bowan i Amang Kasuruan a sé tou sé ra'ica le'tek ai Sia.

1 Tesalonika 2:11

Kailekan iow sapaoka kamu im baya pasérén ami tanuoka si amang maséré sé toyaangna in esa. Pasina'uen ami kamu wo pawéan ami kaketeran en até miow.

2 Tesalonika 1:8

Wo ukumen-Na oka sé tou sé ra'ica kiim mengkatuusan wo si Amang Kasuruan wo ra'ica kiim kumiit in Abar Kaaruien andumoro' i Yesus Kristus Apo'ta.

Ibrani 13:4

Pakasa in tou musti sumiri' ing kawéng wo sé mempenanaan musti le'tek esa wo si esa. Ukumen oka i Amang Kasuruan sé tou sundal wo sé tou mabersina.

Ibrani 2:6

Taan eng kawasa i merénta ing kayo'baan weru itu aiwéé i Amang Kasuruan a si tou. Awéan en aipatic ang Kitap Le'nas icumua in tana'i, “Amang Kasuruan, si séi réén si tou itu akar sia tina'néi-Mu? Si séi réén si toyaang i tou itu akar sia pawéan-Mu rékén?

Yakobus 2:6

Taan aiséro'ke' miow sé tou lengéi itu. En ulitna sé tou siya'o e maokoi wo makawali icamu am pangadilan.

Yakobus 5:4

Ra'ica winéran iow sé tou matawoi maupu' an uma miow. Séra mapatawa-tawango wo em pinangimbulu éra itu kinalingaano i Casuruan si Makakawasa.