1 Tesalonika 4:17 - En Taar Weru a nunuwu' é Tontemboan

¹⁷ Kekawus in itu, kita sé menonoué' asi témpo itu, angkaien oka i Amang Kasuruan ang kambung mewali-wali wo sé tou sé tinou-Nao sumawel wo sumungkul si Apo' Yesus ang kambung. Wo icita im baya mento' oka mewali-wali ang karapi i Apo' Yesus akar ing kauré-uré.

1 Tesalonika 4:17 ပူးပေါင်းရင်းမြစ်များ

Matius 26:64

Wo isowat i Yesus, “Si Amango in esa en cumua in itu. Taan icua-Ku ai camu, tumo'tol asi oras anio' kaséréan iow oka si Toyaang i Tou makalukut ang kakan i Makakawasa, wo mai ang kayo'baan an dangka' ing kambung-kambung an langit.”

Markus 14:62

Wo isowat i Yesus, “Yakuo Sia. Kaséréan iow oka si Toyaang i Tou makalukut ang kakan i Makakawasa, wo mai an dangka' ing kambung-kambung an langit.”

Yohanes 12:26

Si séike' en sumelewir Yaku musti kumiit Yaku. Wo am bisake' en angéan-Ku, am bitu ka'i awéan si maselewir Yaku. Si séi e maselewir Yaku sia siriin oka i Amang-Ku.”

Yohanes 14:3

Sa Aku mangém am bitu wo en tampa miow tinu'tul-Kuo, Yaku maai oka sumawel wo makawali icamu maangé an tampa-Ku, wosama' am bisa Aku am bitu ka'i kamu.

Yohanes 17:24

O Amang, icasalé'-Ku wosama' sé tou sé aisarakan i Amang a Yaku awéan mewali-wali wo Yaku asi tampa angéan-Ku. Icasalé'-Ku taniitu wosama' ro'na kaséréan éra e rarayo wo en sisiri'-Ku, siituo e rarayo wo en sisiri' si aiwééo i Amang a Yaku ampa'paan si Amang mengaupuso Yaku an tutuw ra'ipé' niéma' eng kayo'baan anio'.

Kisah Para Rasul 1:9

Kumawusai si Yesus kumua in taniitu, Sia icaangkaio mangé an sorga pakasérén éra wo Sia saputen ing kambung akar ra'io kaséréan éra.

Kisah Para Rasul 8:39

An tutuw éra in dua kumesotai an dano, tumarépé'anke'mai iwali i Roh i Amang Kasuruan si Filipus wo sia ra'io kaséréan i kikiiten itu. Wo si kikiiten itu lumala'us im bawayaanna ang karapi in arui.

1 Korintus 15:52

En itu asalo mi'pit im beren tumarépé'anke'mai mamualio, an tutuw in téngén en terompét sosomoi. An tutuw i luminga in terompét itu, sé tou imatéo touen oka sumawel ang karapi in owak ra'ica ro'na materi, wo kita sé menonoué' roban oka.

2 Korintus 5:8

ampa'paan in ituo en até ami talesen. Icami lébé masalé' icawekar asi owak ami anio' wo mento' ang karapi i Amang Kasuruan.

Filipi 1:23

Ra'io kasisiranku asé rua sisiran itu. Yaku masalé' keli tumela'u ing kayo'baan anio' wo mangé mento' mewali-wali wo si Kristus, ampa'paan en itu si lumébé loorai.

1 Tesalonika 3:13

Pangileken ami a si Casuruan eng kumeter in até miow wosama' en até miow ra'ica wana kaséaan wo le'nas an dior i Amang Kasuruan si Amangta, an tutuw i Yesus Apo'ta maai sumawel mewali-wali ang kerapi é tou le'nas-Na.

1 Tesalonika 4:15

Si Apo' Yesus in esa sumangkumo icumua sa Sia maai oka sumawel. Wo kita sé menonoué' an tutuw Sia maai sumawel, ra'ica icaangkai rior wo sé tou imatéo.

1 Tesalonika 4:18

Ampa'paan in itu, musti isisil iow angé sumawel en sususuien anio' a sé tou walina wosama' kamu ro'na mengkeng-keteran in até.

1 Tesalonika 5:10

Sia imatéo torona icita wosama' sa Sia maai sumawel, mandé ka'i an oras itu kita imatéo kuma'pa kita menonoué', kita ro'na menonou mewali-wali wo Sia.

2 Petrus 3:13

Taan entoonta en langit weru wo eng kayo'baan weru si aijanji i Amang Kasuruan ai cita. A mangé mbitu, wayake' sé tou maéma' in sususuien wutul i Amang Kasuruan.

Wahyu 1:7

Sérénno, Sia maai pakali'ciren ing kambung-kambung. Wo pakasa é tou suméré oka Sia, icauntep sé tou imengkow Sia. Wo Sia paamé'an oka waya é bangsa asi cayo'baan anio'. Tanu siituo e mamuali sa. Ulit.

Wahyu 11:12

Wo sé rua nabi itu luminga awéan suara taangko' an sorga makua ai séra in dua, “Sumosoro mai am bia'i!” Wo séra in dua icaangkai angé an sorga pakasaputen ing kambung, pakasérén waya é kaséké' éra.

Wahyu 12:5

Wo si wéwéné itu makéré esa Toyaang tuama si merénta oka im pakasa im bangsa maké im beka' bési. Tumarépé'anke' si Toyaang itu andéten i esa malaékat wo uwitenna mangé a si Amang Kasuruan am palukutan pasiri-siriin-Na.