1 Tesalonika 4:11 - En Taar Weru a nunuwu' é Tontemboan

¹¹ Rumaméjio mio' kamu menonou mensan-samaan wo tioo icarambét an urusan é tou walina, taan aweso taré kamu tumawoi mangéré ing kakanen iow in esa tanu si sumangkumo aitaar ami ai camu.

1 Tesalonika 4:11 ပူးပေါင်းရင်းမြစ်များ

Markus 13:34

En oras itu tanu si esa tou tumela'u im baléna ampa'paan mangé an tampa tayang. Ra'ipé' mangé sia, tinokéannao sé atana e murus im balé wo ka'i icuana en tawoien éra si esa wo si esa. Iru'du'na si matéir im balé wosama' matéi-téir akar sia maréngai.

Kisah Para Rasul 18:3

wo sia mento' am bitu ang karapi éra, ampa'paan en tawoien éra puté. Si Paulus tumawoi mewali-wali wo iséra maéma' in ténda.

Kisah Para Rasul 20:35

Pakasa sé niéma'kuo itu, mééo esa tuus ai camu sapaoka ang karapi in tumawoi le'tek tanu siitu, ro'na sémbonganta sé tou lembi. Wo musti ta'néienta si aicua i Apo' Yesus in tana'i, ‘Lébé arui mengawéé wotaré mengaterima.’ ”

Roma 12:11

Tioo eng kare'deman iow maina', taan mandéo taré kamu incaya' maselewir a si Casuruan ang karapi i roh si aiwéé-Na.

Roma 15:20

Icasalé'ku keli mangé kumua in Abar Kaaruien itu an tampa-tampa sé ra'ipé' kawisa luminga i ngaran-Na. Ampa'paan ra'ica icasalé'ku mangun in jamaat an tampa awéano jamaat sé winangun é tou walina, wosama' aku ra'ica tanu sé tou si tumoor im bangunan am bawo im pandasi sé winanguno é tou walina.

1 Korintus 4:12

Kami matawoi ang karapi ing keter ami in esa torona ing katouan ami. Sa awéan tou mangawa'ba' icami, pekiupusen ami a si Amang Kasuruan eng kumamangai séra. Sa awéan tou maokoi icami, sarun ami ang karapi in talesen wo ra'ica suliin ami.

2 Korintus 5:9

Ampa'paano in itu raméjin ami mauli-ulit marui in até-Na, an tutuw ami maento' an untep i owak ang kayo'baan anio' kuma'pa an tutuw ami maento' ang karapi-Na an sorga.

Efesus 4:28

Si tou si sumangkumo rumombit, yentoo mio' marombit. Aweso taré sia rumaméji tumawoi sapake' sé loor ang karapi ing kamana in esa, wosama' sia makaanu in sapa-sapake' si ro'na iwéténg a sé tou lengéi.

1 Timotius 2:2

torona é kolano wo sé kikiiten wangko' wosama' kita ro'na menonou ang kaeluran wo ang kaaruian. Wo wuta ing kale'tekan wo in siri' a si Casuruan, siituo si patus émaan é tou maéman.

1 Timotius 5:13

Séra itu asalo mengéra-ngéra asi walé esa wo mangé am balé walina, wo in taniitu séra numaram in owak mengena-ngena'ke'. Wo ra'ica mengena-ngena'ke', séra ka'i mengapaar andumoro' ing kawurukan é tou, marambét in urusan é tou walina wo ka'i memaa-maar sé ra'ica patus.

Titus 3:14

Wo sé touta maémano, musti rumaméji maéma' in tawoien loor wosama' ro'na tumawang sé tou walina e makéré ing kaperluan éra mengendo-ngendo. Wo in taniitu eng katouan éra awéan en torona.

1 Petrus 3:4

Taan sa kamu masalé' uli-ulit kaséréan pasung, eng kapasungan iow itu musti kumesot an untep in até owo, tanumai: makaperi ko'kos en até wo elur. Siituo eng kapasungan akar ing kauré-uré wo sosor em bééna an dior i Amang Kasuruan.

1 Petrus 4:15

Tioo awéan esaan ai camu si musti okoien ampa'paan mapaté tou, marombit, maéma' in léwo' kuma'pa marambét in urusan é tou walina.