1 Tesalonika 4:1 - En Taar Weru a nunuwu' é Tontemboan

¹ Poo-poow, aisusuio ami ai camu tambisa em peri mengaarui in até i Casuruan, wo kamu wutu-wutul menonouo tanu siitu. Wo intarépé' pangileken ami ai camu ang karapi ing kawasa i Apo' Yesus, wosama' kamu rumaméjipé' mangé menonou mengaarui si Amang Kasuruan.

1 Tesalonika 4:1 ပူးပေါင်းရင်းမြစ်များ

Yohanes 15:2

Pakasa em pangana sé a Yaku sé ra'ica mengawua' pokolen-Na, wo pakasa em pangana sé a Yaku sé mengawua' weresin-Na wosama' em bua'na makaawes eng kakeli.

Kisah Para Rasul 20:27

Ampa'paan kasake' pengua-nguaku ai camu pakasa sé andumoro' im basa i Amang Kasuruan ai camu.

Roma 8:8

Anaé, sé tou menonou makiit ing kasalé'an in owak, ra'ica makawoo marui si Amang Kasuruan.

1 Korintus 11:23

Aisusuikuo ai camu indior andumoro' ing kaangéan im Perjamuan Le'nas. Wo sapa sé aisusuiku itu tinerimaku asi Apo' Yesus. An tutuw i Apo' Yesus wo sé murit-Na makan mewali-wali asi wengi Sia isarakan, indon-Na e roti,

1 Korintus 15:1

Poo-poow, intarépé' casalé'ku en tuma'néi sumawel ai camu en Abar Kaaruien andumoro' i Yesus Kristus si aicuakuo indior ai camu. En Abar Kaaruien itu tinerimao miow wo akar intarépé' pakatimboiané' miow.

1 Korintus 15:58

Ampa'paan in ituo é poo-poow sé icaupusku, keteren em paémanen iow wo ra'ica toro marua-rua wasa. Wo mare'de-re'dem an tawoien i Casuruan, ampa'paan kailekano miow sapaoka sé tinawoi iow an dior i Casuruan ra'ica wana si ra'ica wana en torona.

2 Korintus 10:1

Awéan ai camu makua sapaoka aku toloindé' en tumegor sa ang karapi miow, taan branike' tumegor sa mentayangan wo icamu. Ampa'paan in ituo ita'néiku ai camu ang karapi i ngaran i Kristus si ko'kos en até wo sama' en até,

2 Korintus 13:11

Anaé é poo-poow, maaru-aruio mangé, wutuleno em peri miow si suméa'. Terimano mangé pakasa en sina'uku! Meesao mangé en até wo em bewerot iow wo menonouo mangé ang kaeluran. Si Amang Kasuruan, pelemboian in upus wo ing kaeluran, mewali-wali oka wo icamu!

2 Korintus 5:9

Ampa'paano in itu raméjin ami mauli-ulit marui in até-Na, an tutuw ami maento' an untep i owak ang kayo'baan anio' kuma'pa an tutuw ami maento' ang karapi-Na an sorga.

2 Korintus 6:1

Ampa'paan kami matawoi mewali-wali wo si Amang Kasuruan, pekiupusen ami imauli-ulit ai camu wosama' tioo paepesen iow im beren en upus aitambér i Amang Kasuruan si tinerimao miow itu.

Galatia 6:1

Poo-poow, sa si esa tou an uner iow kinakailekan méma' ing kaséaan, kamu sé menonou pakaakinen i Roh Le'nas, musti akinen iow si tou itu an lalan wutul ang karapi ing ko'kos en até. Wo téirano en owak iow in esa wosama' ra'ica katawéran im pangepé'an kaputé i tou méma' ing kaséaan itu.

Efesus 4:1

Yaku Paulus si binui ampa'paan maselewir si Casuruan, sina'- uenku kamu sé tinowao i Amang Kasuruan wosama' kamu menonou kumiit in totowa itu.

Efesus 4:20

Taan en sususuien andumoro' i Kristus si liningao miow, ra'ica masusui menonou tanu siitu!

Efesus 5:17

Ampa'paan in itu tioo mamuali tou bodok, taan rumaméjio mangé makailek sapa si casalé' i Casuruan.

Filipi 1:27

Anaé, em penting keli kamu musti menonou kumiit in sapa sé aisusui an Abar Kaaruien andumoro' i Kristus. Wo in taniitu, aku maai meta'up wo icamu kuma'pa ra'ica, kailekanku oka sapaoka kamu enté' makatulung an esa wasa wo rumaméji mewali-wali an esa até torona im paémanen ampa'paan makiit in Abar Kaaruien.

Filipi 1:9

Wo si anioo en sombayangku, wosama' en upus iow a si Amang Kasuruan wo sé kakélé tou makaawes, wo makaawes ka'i eng kakailekan wutul andumoro' si wisa si wutul wo si wisa si ra'ica wutul,

Filipi 3:14

Wo aku menéro-néron akar in angéan ing ka'karan e makéré in laasa an sorga. Torona in ituo si Amang Kasuruan itumowao icita sé meesao wo si Kristus Yesus.

Kolose 1:10

Wo in taniitu kamu patus menonou an dior-Na wo maarui in até-Na am baya-waya wo ro'na méé im buéna loor am pakasa im pengaémaan wo makaawes makatuus si Amang Kasuruan.

Kolose 2:6

Kamu tumerimao si Kristus Yesus Apo' miow. Ampa'paano in itu, kamu musti menonou meesa wo Sia.

1 Tesalonika 3:12

Pangileken ami wosama' émaan i Casuruan kamu meupu-upusan asi esa wo si esa wo mengawe-ngawes ka'i eng kaupusan iow a sé tou, meputé icami mengaupus ai camu.

1 Tesalonika 4:2

Kailekano miow sé aisusuio ami ai camu maké ing kawasa i Apo' Yesus.

1 Tesalonika 5:12

Poo-poow, pangileken ami ai camu wosama' pasiriin angé sé tou an uner iow sé matawoi mauli-ulit torona i Casuruan. Séra mengaakin icamu wo masina'u icamu kumiit ing kasalé'an i Casuruan.

2 Tesalonika 1:3

Poo-poow, kami patus mengua-ngua i makapulu'sama' a si Amang Kasuruan ampa'paan icamu. Wo kami patus méma' in taniitu, ampa'paan em paémanen iow a si Yesus makaketero wo ka'i makaaweso eng kaupusan iow a sé tou walina.

2 Tesalonika 2:1

Poo-poow, en andumoro' i Apo'ta Yesus Kristus maai sumawel wo andumoro' in li'usen-Na kita mewali-wali wo Sia, pangileken ami ai camu,

2 Tesalonika 3:1

Poo-poow, pangileken ami ai camu isombayang angé kami, wosama' en taar i Casuruan si pakua ami rior icaserar am bisa-wisa wo ro'na iparayo-rayo é tou tanu si mamuali ai camu indior.

2 Tesalonika 3:13

Wo kamu é poo-poow, tioo mengasuut mengéma-ngéma' sapa sé loor.

1 Timotius 5:21

Timotius, iwééku en tawoien anio' ai co an dior i Amang Kasuruan wo si Kristus Yesus wo sé malaékat sé sinisir-Nao. Pangilekenku ai co wosama' émaano waya sé aicuaku anio' an jamaat wo ra'ica marapit.

2 Timotius 4:1

Si Kristus Yesus maai oka sumawel wo Sia mai kumawasa tanu Kolano. Siao e makim sé tou menonoué' wo sé tou imatéo. Ampa'paano in itu intarépé' an dior i Amang Kasuruan wo si Kristus Yesus, uli-ulit icuaku ai co é Timotius wosama':

Ibrani 11:6

Si tou ra'ica maéman a si Amang Kasuruan, sia ra'ica kawisa mako maarui in até-Na. Si tou mai a si Amang Kasuruan sia musti maéman sapaoka si Amang Kasuruan itu awéan, wo sia musti maéman ka'i sapaoka si Amang Kasuruan méé mai in laasa a sé tou sé uli-ulit mengaéré Sia.

Ibrani 13:16

Tioo ilupa miow mengaéma' in loor wo mengatawang sé tou sé perlu tawangen. Siituo e raragés en icasalé' i Amang Kasuruan.

Ibrani 13:22

Poo-poow, pekiupusenku ai camu wéanio' rékén sumama-sama' sé aisina'uku si aipatic an surat anio', ampa'paan ra'ica talos lambot.

2 Petrus 3:18

Taan aweso taré kamu makaawes mendam ing kamang aitambér i Amang Kasuruan, wo makalébéo makatuus si Yesus Kristus, Apo' wo si Lumolowirta. Ai Siake' pakasa e rarayo wo en sisiri' intarépé' akar ing kauré-uré. Ulit.

1 Yohanes 3:22

Wo sapake' em pangilekenta ai Sia, kéréanta oka, ampa'paan paémaanta waya em perénta-Na wo ka'i maéma' sapa si mengaarui in até-Na.