1 Tesalonika 3:11 - En Taar Weru a nunuwu' é Tontemboan

¹¹ Kami maarap si Amang Kasuruan Amangta wo si Yesus Kristus si Apo'ta e méé mai lalan wosama' kami ro'na meta'up sumawel wo icamu.

1 Tesalonika 3:11 ပူးပေါင်းရင်းမြစ်များ

Matius 6:14

Sa ampungan iow eng kameséaan sé niéma' é tou ai camu, si Amang iow an sorga ka'i méé oka ing kaampungan ai camu.

Matius 6:18

wosama' ra'ica kailekan é tou sapaoka kamu ang karoro'an imapuasa, taan wayake' si Amang iow si an tampa ra'ica kaséréan e makailek. Wo si Amang iow si makaséré mai sé caenep, suliin-Na oka mai sapa e niéma' miow itu.”

Matius 6:26

Séréno mangé sé burung an langit, sé ra'ica mausew wo ra'ica maupu' wo ra'ica wana paumungan im buéna, taan pengawéanai kanen i Amang iow an sorga. Ra'ica réén icamu en lébé awéan wééna wo sé burung itu?

Matius 6:32

Pakasa en itu pinangéré é bangsa sé ra'ica makatuus si Amang Kasuruan. Taan kailekan i Amang iow an sorga pakasa sé paperlun iow.

Matius 6:4

Anaé, en aiwéé miow itu iwééo mangé i maene-enep, wo in taniitu si Amang iow si makaséré mai sé icaenep, suli'an-Na oka ai camu sapa si niéma' miow itu.”

Matius 6:6

Taan sa kamu sumombayang, muntepo ang kamar iow, palenano em papalen wo sumombayango mangé a si Amang iow si an tampa caenep. Wo in taniitu, si Amang iow si makaséré mai sé caenep, suli'an-Na oka sapa e niéma' miow itu.

Markus 1:3

Sia mengangko-ngangko' oka an tana' kapayasan, ‘Tu'tuleno en lalan torona i Casuruan, wo rondoren en lalan langkoian-Na.’ ”

Lukas 12:30

Pakasa en itu paérén é tou ang kayo'baan sé ra'ica makatuus si Amang Kasuruan. Taan pakasa sé paperlun iow kailekan i Amang iow an sorga.

Lukas 12:32

“Mandé kamu wayake' im pira, taan tioo kamu maindé'! Ampa'paan si Amang iow an sorga masalé' sumungkul icamu mamuali tou ang Kakolanoan-Na.

Yohanes 20:17

Icua i Yesus ai sia, “Tioo timboienmu en owak-Ku, ampa'paan Aku ra'ipé' imangé a si Amang-Ku. Taan mangéo taré ko a sé poo-poow-Ku, wo icuao mangé ai séra sapaoka intarépé' Aku maangém a si Amang-Ku wo ka'i Amangmu, siituo si Amang Kasuruan-Ku wo ka'i Amang Kasuruanmu.”

Roma 1:3

En Abar Kaaruien itu andumoro' i Toyaang-Na, si Apo'ta Yesus Kristus. Sa sérén eng katouan tanu in tou, Sia itu taranak i colano Daud,

2 Korintus 6:18

Wo Aku mamuali oka Amangmu, wo kamu mamuali oka toya-toyaang-Ku, taniituo en aicua i Amang Kasuruan si Makakawasa.”

Galatia 1:4

Kumiit ing kasalé'an i Amang Kasuruan Amangta, si Yesus si sumarakano in owak-Na en tumu'bus ing kamesé-meséaanta wosama' kita icawekar asi kaléwo'an si awéan ang kayo'baan intarépé'.

Kolose 1:2

En surat anio' aicirim ami a sé poo-poow le'nas ang Kolose, sé maémano a si Kristus. Pekiupusenku a si Amang Kasuruan, Amangta, sa woo ro'na Sia tumambérai in upus wo ing kaeluran-Na ai camu.

1 Tesalonika 3:13

Pangileken ami a si Casuruan eng kumeter in até miow wosama' en até miow ra'ica wana kaséaan wo le'nas an dior i Amang Kasuruan si Amangta, an tutuw i Yesus Apo'ta maai sumawel mewali-wali ang kerapi é tou le'nas-Na.

1 Tesalonika 4:16

Sa Sia maayo, awéan oka esa perénta an sorga kumua in taangko', si Kikiiten é malaékat mangko' repet wo en terompét i Amang Kasuruan tuméngé. Asi témpo ituo si Apo' Yesus tumumpa mai a mangé en sorga owo, wo sé tou maéman ai Sia sé matéo, séra en dior touen sumawel.

1 Tesalonika 5:23

Pangileken ami a si Amang Kasuruan wosama' émaan-Na eng katouan iow male'nas. Siao ka'i méma' icita menonou ang kaeluran. Pangileken ami ka'i téiran-Na mai en owak, en até wo e mu'kur iow wosama' an tutuw si Apo'ta Yesus Kristus maai sumawel, kamu ra'ica wana kaséaan ampa'paan kamu ra'ica iméma' ing kameséaan sapa-sapa.

2 Tesalonika 2:16

Si Apo'ta Yesus Kristus wo si Amang Kasuruan, Amangta mengaupuso mai cita. Aitambér-Nao mai en upus-Na ai cita wosama' ro'na méé ing kaketeran an até akar ing kauré-uré, wo méé mai im paarapen ai cita e makéré oka sé loor.

2 Tesalonika 3:16

Wayake' si Casuruan e ro'na méma' in até é tou elur. Pangileken ami ai Sia wosama' endo wo em bengi émaan-Na en até miow elur am baya-waya. Pangileken ami ai Sia ka'i wosama' mewali-wali wo icamu im baya.

2 Tesalonika 3:5

Pangileken ami a si Casuruan wosama' akinen-Na mai kamu akar en até miow makailek sapaoka si Amang Kasuruan mengaupus icamu wo ka'i si Yesus Kristus mengawéé ing katalesenan ai camu.

1 Yohanes 3:1

Weroteno mio' sumama-sama', wangko' ulit en upus i Amang Kasuruan ai cita, akar cita patuulen toya-toyaang-Na. Wo ulit kita anio' toya-toyaang i Amang Kasuruan. Ampa'paano in itu sé tou makiit ing kayo'baan léwo', séra ra'ica makatuus cita' ampa'paan séra ra'ica makatuus si Amang Kasuruan.

Wahyu 21:3

Wo kalingaanku en suara taangko' keli am palukutan pasiri-siriin itu makua, “Séréno! Intarépé' em paento'an i Amang Kasuruan an unero é tou. Sia mai oka mento' mewali-wali wo iséra, wo séra mamuali oka tou-Na. Sia in esa mewali-wali oka wo iséra, wo mamuali Amang Kasuruan éra.