1 Tesalonika 3:10 - En Taar Weru a nunuwu' é Tontemboan

¹⁰ Endo wo em bengi kami menomba-nombayang wosama' kami ro'na meta'up sumawel wo icamu. Wo susuian ami oka kamu en lumekep sé ra'ipé' lekep am paémanen iow.

1 Tesalonika 3:10 ပူးပေါင်းရင်းမြစ်များ

Lukas 2:37

wo si penanaanna matéo anaé sia balu oka. Wo intarépé' en umurna walu ngapulu' epat ngata'uno. Sia ra'ica kawisa tumela'u im Balé Le'nas. Endo wo em bengi sia maapo' a si Amang Kasuruan ang karapi mapuasa wo masombayang.

Kisah Para Rasul 26:7

wo ka'i si paarapen é sangapulu' rua suruta in tou Israel. Endo wo em bengi séra ra'ica maento' mengaapo' karapi in le'tek a si Amang Kasuruan ampa'paan maarap Sia lumekep in janji-Na. En janji-Na itu sapaoka sé tou imatéo touen oka sumawel. Anaé, é kolano Agripa, ampa'paano im percayanku en janji itu, sé tou Yahudi tumudu yaku.

2 Korintus 1:15

Ampa'paan im paémanen ituo, asi kataré aku imawasao maangé ing karua ai camu wosama' kéréan iow en upus tatambér makarua lumepet.

2 Korintus 1:24

Kami ra'ica ilumesé' icamu sapa sé musti émanen iow. Taan kami asalo tumawoi mewali-wali wo icamu wosama' kamu makaaru-arui. Émaan ami taniitu ampa'paan em paémanen iow ketero.

2 Korintus 13:11

Anaé é poo-poow, maaru-aruio mangé, wutuleno em peri miow si suméa'. Terimano mangé pakasa en sina'uku! Meesao mangé en até wo em bewerot iow wo menonouo mangé ang kaeluran. Si Amang Kasuruan, pelemboian in upus wo ing kaeluran, mewali-wali oka wo icamu!

2 Korintus 13:9

Arui kami sa kamu keter, mandé ka'i kami ra'ica keter. Isombayang ami wosama' kamu maréng sumawel menonou wutul.

Filipi 1:25

Percayanku kamu maperlupé' yaku, anaé aku tatapke' mento' ang kayo'baan anio' mewali-wali wo icamu im baya wosama' kamu makaketer wo makaarui am paémanen a si Kristus.

Kolose 1:28

Anaé, si Kristus ituo sé ipakua ami a sé im pakasa in tou. Kami masina'u wo masusui iséra ang karapi wuta ing kapinteran asi Amang Kasuruan owo, wosama' kami ro'na makawali pakasa in tou wutu-wutul lekep ampa'paan meesao wo si Kristus.

Kolose 4:12

Si Epafras méé ka'i mai in siri' ai camu. Sia esaan an jamaat iow wo ata i Yesus Kristus. Kamu penomba-nombayangna wosama' em paémanen iow a si Kristus Yesus makaenté-enté' tanu tou wangkoo wosama' kamu ka'i wutu-wutul makailek sapa waya sé icasalé' i Amang Kasuruan.

1 Tesalonika 3:11

Kami maarap si Amang Kasuruan Amangta wo si Yesus Kristus si Apo'ta e méé mai lalan wosama' kami ro'na meta'up sumawel wo icamu.

2 Tesalonika 1:11

Ampa'paan in itu ipenomba-nombayang ami kamu wosama' kamu anggapen i Amang Kasuruanta patus towan-Na, wosama' lekepen-Na eng kasalé'an iow e méma' sé loor ang karapi ing kaketeran-Na wo lekepen-Na ka'i pakasa en tawoien im paémanenmu.

2 Timotius 1:3

Endo wo em bengi ipasombayangku wo mengakua i makapulu'sama' a si Amang Kasuruan ampa'paano ico. Pengakuaku i makapulu'sama' a si Amang Kasuruan si pengaselewirenku ang karapi in até weresi meputé wo im pengaémaan é apo-apo'ta indior.

Filemon 1:22

Wo ka'i tu'tulio' tampa en loséranku am balému, ampa'paan aku maarap, en somba-sombayang iow sowaten i Amang Kasuruan wosama' yaku ro'na maréng angé sumawel ai camu.

Wahyu 4:8

Sé epat mahluk itu maka- anu mekélé enem en tétéléw, en an untep wo ang kesot in tétéléw mawuta-wuta im beren. Endo wo em bengi sé mahluk itu ra'ica maento-ento' i makantar, “Le'nas, le'nas, le'nas si Amang Kasuruan Si Makakawasa, Si awéano indior, intarépé', wo si maai oka sa.”

Wahyu 7:15

Ampa'paan in ituo, séra makatulung an dior im palukutan pasiri-siriin i Amang Kasuruan wo sumelewir Sia endo wo em bengi an untep im Balé Le'nas. Wo Sia si makalukut asi palukutan pasiri-siriin itu mewali-wali oka ang karapi éra en lumoindong iséra.