1 Tesalonika 2:7 - En Taar Weru a nunuwu' é Tontemboan

⁷ Taan ituru'o ami eng kasama-samaan ami ai camu an tutuwta mewali-wali, tanu si inang maurus si toyaangna.

1 Tesalonika 2:7 ပူးပေါင်းရင်းမြစ်များ

Kisah Para Rasul 13:18

Wo séra menonou an tana' kapayasan epat ngapulu' ngata'- un eng kauréna. Am bitu em peri ing katouan éra ra'ica makiit ing kasalé'an i Amang Kasuruan. Taan Sia kasake' talesen ai sera.

1 Korintus 2:3

Wo an tutuwku maento' ang karapi miow, en owakku uli-ulit lembi wo maindé' keli akar en owakku gume'ger.

1 Korintus 9:22

An tutuwku an uner é tou ra'ipé' keter em paémanen, émaanku ka'i en owakku meputé wo iséra, wosama' aku ro'na maakin iséra a si Kristus. Niéma'kuo en owakku meputé wo sé pakasa in tou sé paselewiranku wo lalan sapake' mangé en itu, émaanku, en lumowir piraan tou ai séra.

2 Korintus 10:1

Awéan ai camu makua sapaoka aku toloindé' en tumegor sa ang karapi miow, taan branike' tumegor sa mentayangan wo icamu. Ampa'paan in ituo ita'néiku ai camu ang karapi i ngaran i Kristus si ko'kos en até wo sama' en até,

2 Korintus 13:4

Wutul an tutuw i Kristus aisalip, Sia lembi, taan Sia menonou ampa'paano ing kawasa i Amang Kasuruan. Kami ka'i ra'ica keter tanu si Kristus, taan kami ka'i menonou tanu si Kristus ampa'paano ing kawasa i Amang Kasuruan. Anaé, tindaken oka ami ang karapi ing kawasa i Amang Kasuruan torona ing kalooran iow.

Galatia 4:19

Éi toya-toyaang sé caupusku, ampa'paan maindé' in andumoro' icamu, yaku ka'i mawendu puté wo ing kawenduan si pinendamo mai i esa wéwéné tutuw makéré toyaang. Yaku mawendu oka melala'us tanu siitu akar em peri i Kristus kaséréan an owak iow.

1 Tesalonika 2:11

Kailekan iow sapaoka kamu im baya pasérén ami tanuoka si amang maséré sé toyaangna in esa. Pasina'uen ami kamu wo pawéan ami kaketeran en até miow.

Yakobus 3:17

Taan si tou awéan kapinteran asi Amang Kasuruan owo itu, tana'i: Kataré sia menonou ang karapi in até weresi wo masalé' meelu-eluran wo sé tou, sama' a sé tou, téés, wuta ing kaupusan a sé tou wo mengéma-ngéma' andumoro' sé loor, ra'ica marapit wo ra'ica punek.