1 Tesalonika 2:19 - En Taar Weru a nunuwu' é Tontemboan

¹⁹ Kami maangé ai camu, ampa'paan icamuke' e mamuali arapan wo kaaru-aruian ami. Anaé, sa si Yesus Apo'ta itu imayo sumawel tantu kita sumaru Sia wo icamuo itu e mamuali kaaru-aruian ami an dior-Na.

1 Tesalonika 2:19 ပူးပေါင်းရင်းမြစ်များ

Matius 16:27

Ampa'paan si Toyaang i Tou maai oka mewali-wali wo sé malaékat-Na ang kawasa wangko' i Amang-Na. An tutuw itu suliin-Na oka sé tou kiit im pinengaéma' éra.

Markus 8:38

Ampa'paan si séike' mangé e malawi' ampa'paan Yaku wo in sususuien-Ku an dior é tou sé ra'ica le'tek wo keli kamesé-meséaan anio', si Toyaang i Tou ka'i malawi' oka mangaku si tou itu an tutuw-Na maai ang kawasa wangko' i Amang-Na, mewali-wali wo sé malaékat le'nas.”

Yohanes 21:22

Isowat i Yesus ai sia, “Sa icasalé'-Ku sia menonouke' melala'us akar Aku maai sumawel, en itu ra'ica urusanmu. Taan ko kumiito mai Yaku.”

1 Korintus 15:23

Taan esa wo si esa touen sumawel kumiit in urutan: kataré si Kristus si tinouo sumawel tanu jaminan ai cita. Wo an tutuw Sia maai sumawel, gilirano é tou-Na en touen.

1 Korintus 4:5

Ampa'paan in tuo tioo kamu mario-rior en tumantu si esa tou meséa' kuma'pa ra'ica, sa ra'ipé' an témpona. Entoon akar si Apo' Yesus maai sumawel. Sia oka e muka' im pakasa sé pakaenep é tou ang kariréimbengan wo Sia oka ka'i en tumuru' pakasa em pawasa-wasan é tou an até. Asi témpo itu oka ka'i si Amang Kasuruan méé mai i rarayo a sé tou asi esa wo si esa sé patus tumerima i rarayo.

2 Korintus 1:14

Intarépé', mandé kamu ra'ipé' talos makailek andumoro' icami, taan an tutuw i Apo' Yesus maai sumawel, kamu tirayo oka ampa'paan kami taniitu ka'i kami tirayo oka ampa'paan icamu.

Filipi 2:16

Ang karoro'an in itu turu'o miow ka'i ai séra en Taar si mawéé ing katouan. Wo in taniitu an tutuw i Kristus maai sa, yaku ro'na tumirayo ampa'paan pakasa sé pinaraméjianku a si tawoienku ra'ica mara'i-ra'i wo sé pinala'lé-la'léanku mai awéan en torona.

Filipi 4:1

Ampa'paano in itu, é poo-poow sé icaupusku wo sé pengalelonku, pangilekenku entééno mangé em paémanen iow a si Apo' Yesus tanu in tou si uli-ulit keter makatulung. Icamuo eng kaaruianku wo eng katirayoanku si tanu mahkotaku.

1 Tesalonika 2:20

Ulit, icamuo e méma' icami iparayo wo pasiriin wo iméma' icami arui.

1 Tesalonika 3:13

Pangileken ami a si Casuruan eng kumeter in até miow wosama' en até miow ra'ica wana kaséaan wo le'nas an dior i Amang Kasuruan si Amangta, an tutuw i Yesus Apo'ta maai sumawel mewali-wali ang kerapi é tou le'nas-Na.

1 Tesalonika 4:15

Si Apo' Yesus in esa sumangkumo icumua sa Sia maai oka sumawel. Wo kita sé menonoué' an tutuw Sia maai sumawel, ra'ica icaangkai rior wo sé tou imatéo.

1 Tesalonika 5:23

Pangileken ami a si Amang Kasuruan wosama' émaan-Na eng katouan iow male'nas. Siao ka'i méma' icita menonou ang kaeluran. Pangileken ami ka'i téiran-Na mai en owak, en até wo e mu'kur iow wosama' an tutuw si Apo'ta Yesus Kristus maai sumawel, kamu ra'ica wana kaséaan ampa'paan kamu ra'ica iméma' ing kameséaan sapa-sapa.

2 Tesalonika 1:4

Ampa'paan in itu, kami arui masisil a sé jamaat in andumoro' icamu, ampa'paan kamu kasake' maéman a si Yesus wo kasake' talesen mandé ka'i kamu mendam in okoi wo ing kawenduan.

2 Tesalonika 1:7

Émaan-Na oka ka'i kamu wo icami cawekar an okoi wo ang kawenduan an tutuw si Apo' Yesus tumumpa mai a mangé en sorga owo. En itu mamuali an tutuw i Apo' Yesus mapaturu' in owak-Na mewali-wali wo sé malaékat-Na si wuta ing kawasa.

2 Tesalonika 2:1

Poo-poow, en andumoro' i Apo'ta Yesus Kristus maai sumawel wo andumoro' in li'usen-Na kita mewali-wali wo Sia, pangileken ami ai camu,

Titus 2:13

Émaanta waya en itu ang karoro'anta mengento-ngento'pé' wo maarap in endo i Casuruan maai sumawel. Sia itu si Amang Kasuruan mangko-wangko', Siao si Yesus Kristus si Lumolowirta. Sia maai wuta i rarayo wo in sisiri' wo maali mai ing kamang ai cita im baya.

Yakobus 5:7

Ampa'paan in ituo é poo-poow, malese-leseno mangé kamu akar si Apo' Yesus maai sumawel. Séréno tambisa si tou menganguma talesen keli mengento-ngento' in uran an oras i mausew wo an oras in tinanem mua'. Sia talesen mengento-ngento' im buéna si awéan em bééna asi tana'na itu.

Yakobus 5:8

Taniituo ka'i kamu, malese-leseno mangé wo kete-ketereno mangé en até miow ampa'paan ra'io uré en orasna si Apo' Yesus maai sumawel.

1 Petrus 5:4

Wo an tutuw i Yesus si Gembala Wangko' imayo sumawel, kamu makéré oka mahkota a rarayo wo in sisiri' ai Sia. Siituo e mahkota si ra'ica materi.

2 Petrus 1:16

Aisusuio ami ai camu andumoro' ing kawasa i Apo'ta Yesus Kristus wo andumoro' ka'i Sia maai sumawel. Sapa sé aisusui ami itu ra'ica sisisilen sé asalo niéma' é tou, ampa'paan icamio in esa en suméré ing kawangko'-Na.

2 Petrus 3:4

Icua éra oka tana'i, “Aijanji i Kristus sapaoka Sia maai sumawel. Kéitu réén akar intarépé' ra'ipé' mai ako? Sé apo-apo'ta imatéo, taan pakasa sé ang kayo'baan ra'ipé' wana e mawalina, meputépé' tanu asi kataré eng kayo'baan niéma' i Amang Kasuruan.”

1 Yohanes 2:28

Anaé intarépé', toya-toyaangku, menonouo mangé meesa wo si Kristus, wo in taniitu, kita ra'ica oka maindé' wo ra'ica malawi' meta'up wo Sia an tutuw-Na maai sumawel.

Yudas 1:24

Si Amang Kasuruanke' si makakawasa en tuméir icamu wosama' kamu ra'ica icasu'su'. Siao e makawoo maali icamu sé ra'ica wana kaséaan a si tampa-Na si parayo-rayo wo pasiri-siriin, wo am bitu oka kamu masalé-salé'.

Wahyu 1:7

Sérénno, Sia maai pakali'ciren ing kambung-kambung. Wo pakasa é tou suméré oka Sia, icauntep sé tou imengkow Sia. Wo Sia paamé'an oka waya é bangsa asi cayo'baan anio'. Tanu siituo e mamuali sa. Ulit.

Wahyu 22:12

Icua i Yesus ka'i, “En ulitna, ra'io uré ka'i Aku maai e maali in laasa-Ku en sumuli' a si esa wo si esa tou kiit im pinengaéma' éra.