1 Tesalonika 1:6 - En Taar Weru a nunuwu' é Tontemboan

⁶ Wo kamu mengakiito im peri ami wo im peri i Apo' Yesus. Mandé awéan tou maokoi camu, émaan i Roh Le'nas kamu kasake' tumerima in arui en taar i Casuruan.

1 Tesalonika 1:6 ပူးပေါင်းရင်းမြစ်များ

Matius 16:24

Wo icua i Yesus a sé murit-Na, “Si séike' e masalé' kumiit Yaku, sia musti sumangkal in owakna, muléng in salipna wo kumiit Yaku.

Yohanes 8:12

Kekawus in itu, icua i Yesus sumawel a sé tou keli in tana'i, “Yakuo en sendot ing kayo'baan. Si séi eng kumiit Yaku, sia itu ra'io menonou ang kariréimbengan, taan sia menonou an sendot si méma' isia menonou akar ing kauré-uré.”

Kisah Para Rasul 13:52

Taan sé murit an Antiokhia arui keli wo séra ka'i kinawasa i Roh Le'nas.

Kisah Para Rasul 5:41

Wo itela'u é ruru'du'an itu en sidang Mahkamah Agama ang karapi in arui ampa'paan weroten éra sapaoka séra nianggapo i Amang Kasuruan patus meta'up ing kawenduan ampa'paan i ngaran i Yesus.

Kisah Para Rasul 9:31

Wo pakasa sé jamaat an Yudea, ang Galilea wo an Samaria menonou meelu-eluran. Wo em paémanen éra maketer wo séra menonou masiri' si Amang Kasuruan, wo séra ka'i makaawes eng kakeli ampa'paan tinawang wo paiboren i Roh Le'nas.

Roma 15:13

Pekiupusenku a si Amang Kasuruan si palemboian im paarapen, e méé mai ing kaaruian wo ing kaeluran si mawuta-wuta ampa'paan kamu maéman ai Sia, wosama' eng kaketeran i Roh Le'nas lumepe-lepet ai camu, am paarapen a si Amang Kasuruan.

1 Korintus 11:1

Kiiteno mangé sé pengaémaanku, meputé ka'i yaku makiit im pengaémaan i Kristus.

1 Korintus 11:2

Yaku Paulus marayo icamu é jamaat ang Korintus ampa'paan kamu mena'né-na'néi im pakasa sé pengaémaanku wo ka'i kasake' tumimboi in sususuien sé pasusuiku ai camu.

1 Korintus 4:16

Ampa'paan in ituo pangilekenku ai camu wosama' kamu menonou kumiit tanu ing katouanku.

2 Korintus 6:10

Mandé en até ami wendu, taan kami mengaru-ngarui. Kami kaséréan lengéi, taan keliano sé tou niéma' ami imasiya'. Kami anio' kaséréan ra'ica makaanu in sapa-sapa, taan en ulitna kami makaanuo im baya-waya.

2 Korintus 8:5

Si aiwéé éra itu lumébé-lébéo mai asi pinaarap ami. Iwéé era en owak éra kataré-taré a si Amang Kasuruan, kumawus in itu sarakan éra en owak éra ai cami. Séra iméma' tanu siitu kumiit ing kasalé'an i Amang Kasuruan.

Galatia 5:22

Taan sé tou pakaakinen i Roh Le'nas, wuéna ing katouanna tanu sé anio': awéan upus, kaaruian, kaeluran, katalesenan, kasamaan in até, kalooran, kale'tekkan,

Efesus 5:1

Anaé, ampa'paan icamu toya-toyaang i Amang Kasuruan si ipaupu-upus-Na, mengaéma'o mangé tanu sé niéma'-Nao.

Filipi 3:17

Poo-poow, kiiteno mangé em pakatouku. Wo wéanio' rékén sé tou sé menonou mengakiit im pakatou ami.

2 Tesalonika 1:4

Ampa'paan in itu, kami arui masisil a sé jamaat in andumoro' icamu, ampa'paan kamu kasake' maéman a si Yesus wo kasake' talesen mandé ka'i kamu mendam in okoi wo ing kawenduan.

2 Tesalonika 3:7

Ampa'paan kailekan iow in esa tambisa e musti kumiit ing katouan ami, ampa'paan an tutuw kita mewali-walipé', kami re'dem matawoi.

2 Tesalonika 3:9

Émaan ami en itu ra'ica ampa'paan kami ra'ica wana hak en tulungen é jamaat. Taan ra'ica kiim ami e maké in hak itu. Kami re'dem matawoi in taniitu ampa'paan kami masalé' mamuali paandéan wosama' kiiten iow.

2 Timotius 4:2

icuamuo mangé en Taar i Casuruan a sé tou, loor kuma'pa ra'ica loor en orasna, ko musti tu'tul e mengua-ngua in Taar itu. Sina'ueno mangé sé tou mengaéma' ing kameséaan, romaan angé séra ang karapi wuta ing katalesenan an tutuw ko mengasusui iséra.

Ibrani 10:34

Mémang kamu kumiito mendam ing kawenduan é tou sé pakabuin. Wo an tutuw pakasa ing kasiyaan iow niandét, kamu maaru-aruike' ampa'paan kailekan iow sapaoka kamu in esa makaanu ing kasiyaan si lumoorai wo tumang akar ing kauré-uré.

1 Petrus 1:6

Ampa'paan in ituo maaru-aruio mangé, mandé ka'i intarépé' awéan en témpona kamu musti mawendu ampa'paan sumangkum ing kumeli-keli pangepé'an.

1 Petrus 1:8

Kamu mengaupus si Yesus Kristus, mandé ka'i Sia ra'ipé' sumangkum ako sinéré miow. Kamu maéman ai Sia, mandé intarépé' Sia ra'ica pakasérén iow. Kamu mendam ing kaaru-aruian wangko', ampa'paan eng kaaruian iow sé ra'io icakua itu.

1 Petrus 3:13

Sa kamu re'dem mengaéma' in loor, tantu ra'ica wana e méma' in léwo' ai camu.

3 Yohanes 1:11

Poowku Gayus si icaupusku. Tioo ko mengaandé andumoro' sapa si léwo', taan mengaandé mangé sapa si loor. Si séi e mengaéma' in loor, sia itu asi Amang Kasuruan owo. Taan si séi e mengaéma' in léwo', sia ra'ipé' makatuus si Amang Kasuruan.