1 Petrus 5:8 - En Taar Weru a nunuwu' é Tontemboan

⁸ Maténga-téngamo wo matéi-téiro mangé kamu! Ampa'paan si kikiiten é sétang si kaséké' miow itu mawaya-waya' tanu si singa mengua-nguang maéré-éré tou en lo'motenna.

1 Petrus 5:8 ပူးပေါင်းရင်းမြစ်များ

Matius 13:39

Si kaséké' si muras in lulumbo ing kuung, siao si kikiiten é sétang. En oras imaupu' siituo en endo kaka'puan ing kayo'baan wo sé tou imaupu' itu, sérao sé malaékat.

Matius 24:42

Ampa'paan in iitu matéi-téiro mangé, ampa'paan ra'ica kailekan iow asi endo kawisa si Casuruan maai.

Matius 25:41

Wo icua-Na oka ka'i a sé tou ang ka'biri-Na, ‘Kamu itu sé tou kinutuko. Tumayango mangé kamu an dior-Ku wo mangé muntep an api ra'ica mape'de-pe'del akar ing kauré-uré an tampa si aitu'tulo torona i kikiiten é sétang wo sé makiit sia.

Matius 4:1

Kekawus in itu si Yesus iwali i Roh Le'nas an tana' kapayasan em pangepé'an i kikiiten é sétang.

Matius 4:11

Kekawus in itu, si Yesus itela'u i kikiiten é sétang. Wo sé malaékat mai en sumelewir Sia.

Markus 4:15

En lulumbo irumongkor an tembir in lalan ayandé sé tou iluminga in Taar-Na, wo en Taar si aicua ai séra itu maike' niindo i kikiiten é sétang.

Lukas 21:34

Wo icua i Yesus, “Téirano mangé sumama-sama' en owak iow, tioo en até miow wuta ing kasalé-salé'an sé ra'io masoma wo mengele-ngelep akar i malangu wo tioo kamu maindé-indé' andumoro' ing kaperluan iow susur in endo. Sa kamu mengéma-ngéma'ke' tanu siitu, an tutuw si Toyaang i Tou maai sumawel, kamu ra'ipé' tu'tul. Ampa'paan si endo itu tumarépé'anke'mai, tanuoka in ta'kong ipatangka' sé binatang.

Lukas 21:36

Ampa'paano in itu matéi-téiro mangé kamu wo menomba-nombayango mangé, wosama' kamu keter en sumangkum ing kawenduan sé mamuali oka sa wo ka'i makawoo tumulung an dior i Toyaang i Tou tutuw Sia mai makim icamu.”

Lukas 22:31

Wo icua i Yesus a si Simon Petrus, “Simon, Simon, wéanmu rékén sumama-sama'! Si kikiiten é sétang imakéréo kaloasan asi Amang Kasuruan e mangepé' ai camu im baya, akar catané a Yaku. Si kikiiten é sétang itu tanu si menganguma tumaap im béné' en tumané im béné' loor wo sé wéné' pesel.

Yohanes 8:44

Si kikiiten é sétango si amang iow, wo icasalé' miow mengaéma' sapa si casalé' i amang iow. Tumo'tolai indior akar intarépé' sia mapaté sé tou, wo ra'ica kiimna mengaéma' in sususuien wutul, ampa'paan en sususuien wutul ra'ica an aténa. Casalé'na mengatowo ampa'paan in ituo em peri aselina. Sia kotowo wo palemboian waya in towo.

2 Korintus 2:11

Émaanku en itu wosama' si kikiiten é sétang ra'ica wana témpo loor muwak icita, ampa'paan kailekanta em pawasa-wasanna léwo'.

Efesus 4:27

wo tioo pengawéan témpo a si kikiiten é sétang en tumawér icamu.

Efesus 6:11

Pakéno mangé waya em pakakas ipaperang si aiwéé i Casuruan ai camu, wosama' kawooan iow sumundur im pakauwak i kikiiten é sétang.

1 Timotius 2:15

Taan si wéwéne itu malowir oka ampa'paan si toyaang aitouna, sa sia uli-ulit maéman a si Casuruan mandé meta'up in okoi wo mengaupus sé tou walina, menonou ang karapi in até weresi an dior i Casuruan wo ka'i em perina ra'ica tirayo.

1 Timotius 2:9

Taniitu ka'i wo sé wéwéné, mengakarai angé sé patus am beren é tou, masoma-soma mangé wo tioo tirayo, tioo maéma' im buuk megioo, makasondol i mas kuma'pa mutiara, kuma'pa mekarai ing karai sosor ulit em bééna.

1 Timotius 3:11

Taniitu ka'i wo sé penanaan éra, em peri é penanaan éra musti loor akar pasiri-siriin é tou, ra'ica mengawuruk i ngaran é tou walina, makailek matang in owak wo ro'na papercayan am baya-waya.

1 Timotius 3:2

Si mengatilik an jamaat, sia itu musti ra'ica wana tou e ro'na méé kaséaan, si wéwéné penanaanna waya in esa, makawoo tumang in owak, mengapaké ing kapinteran asi Casuruan owo, makaperi sumoma, tansaléén mengaterima sé tou am baléna, pinter masusui sé tou,

2 Timotius 4:17

Taan mandé ka'i aku aitela'u éra, si Casuruan kasake' ang karapiku. Kineter-Na mai aku wosama' aku ro'na kumua in Abar Kaaruien andumoro' i Yesus Kristus a sé tou ra'ica Yahudi ang karapi i makakii-kiit. Wo iwekar-Na ka'i aku am pakasa sé kaléwo-léwo'an, tanuoka aku icawekar am ba'ba' i singa.

Titus 1:8

Taan séra musti masalé' materima sé tou walina en lumosér am baléna, masalé' mengaéma' sé loor, pinter, ra'ica marapit, menonou le'nas wo makawoo tumang ing kasalé'an in owak.

Titus 2:12

Wo en upus aitambér-Na itu ka'i en sumusui ai cita wosama' tioo menonou ra'ica maindé' a si Casuruan wo tioo makiit ing kasalé'an ing kayo'baan. En upus aitambér-Na itu isumusui ai cita e makawoo tumang in owak, menonou ra'ica marapit wo maapo' kumiit ing kasalé'an-Na ang kayo'baan ya'sa.

Titus 2:2

Sina'uenmu mangé sé tuama matu'a wosama' makawoo tumang in owak, makaperi loor akar pasiriin é tou, mapaké ing kapinteran asi Casuruan owo, tatapke' maéman a si Casuruan, mengaupus sé kakélé tou wo talesen mengasaru ing kawenduan.

Titus 2:4

Wo in taniitu séra ro'na sumusui a sé inang-inang sé wo'basé' wosama' séra mengaupus sé penanaan éra wo sé toyaang éra.

Titus 2:6

Taniitu ka'i wo sé mangalitou, sina'uen angé séra wosama' makakawoo tuméir in owak am baya-waya.

Yakobus 4:7

Ampa'paano in itu, male'te-le'teko mangé a si Amang Kasuruan wo kiiteno mangé Sia. Sundureno mangé ka'i si kikiiten é sétang, wosama' sia tumayang oka ai camu.

1 Petrus 1:13

Keliano e niéma' i Amang Kasuruan ai camu, ampa'paan in ituo tu'tuleno mio' em bewerot iow e méma' andumoro' sé loor wo tumang in owak ra'ica méma' andumoro' in léwo' wo ituliro mio' waya em paarapen iow asi kamang si tambér oka mai i Amang Kasuruan ai camu an tutuw i Yesus Kristus maai sumawel.

1 Petrus 4:7

En endo kaka'puan ing kayo'baan makatawio. Ampa'paano in itu, musti kawasan iow en owak asé kaléwo-léwo'an wo elur em bewerot wosama' kamu ro'na sumombayang.

Wahyu 12:10

Wo kalingaanku en suara taangko' keli an sorga owo makua in tana'i, “Intarépé' imayo eng kalowiran asi Amang Kasuruan wo Sia tumuru' ing kawasa-Na wo merénta tanu Kolanota. Wo ka'i en témpona i Kristus si sinisir-Na tumuru' ing kakawasaan-Na. Ampa'paan si kikiiten é sétang aiténdélo ang kayo'baan, sia itu si menudu-nudu sé poo-poowta an esa paémanen endo wo em bengi an dior i Amang Kasuruan.

Wahyu 12:12

Ampa'paan in ituo éi sorga wo kamu im baya sé maento' an untepna maaru-aruio, éi camu sé ang katanaan wo sé an ta'sic icawangkuro! Ampa'paan kailekano i kikiiten é sétang sapaoka en témpona tawio maka'pu, wo tumumpao mai sia ai camu ang karapi i mae'bow keli.”

Wahyu 12:9

Si naga wangker ituo si ula' matu'a, si patuulen kikiiten é sétang kuma'pa Roh léwo', si mengasélé'kow pakasa in tou ang kayo'baan. Sia itu aiténdél ang kayo'baan mewali-wali wo sé malaékatna.

Wahyu 20:10

Wo si kikiiten é sétang si sumélé'kowo sé tou itu, iténdél an untep in ta'sic api wo walélang. An tampa ituo en tinéndélan si binatang wo si nabi ra'ica wutul. Wo am bitu séra niokoi endo wo em bengi akar ing kauré-uré.

Wahyu 20:2

Wo si naga ula' matu'a itu tangkaanna, siao si kikiiten é sétang. Wo ranténna si naga itu sangariwu ngata'un eng kauré.