1 Petrus 5:7 - En Taar Weru a nunuwu' é Tontemboan

⁷ Isarakano mangé ai Sia pakasa eng kaindé'anmu, ampa'paan Siao si makatéir icamu.

1 Petrus 5:7 ပူးပေါင်းရင်းမြစ်များ

Matius 6:27

Si séi réén an esaan ai camu ampa'paan i maindé-indé', ro'na lumambot in umurna ang katouanna?

Matius 6:28

Kéitu réén kamu maindé-indé' andumoro' ing karai? Wéanio' rékén em bungang bakung am pangumaan, si tumou ra'ica matawoi wo mawi'bit.

Matius 6:31

Ampa'paan in itu, tioo kamu maindé-indé' wo makua, ‘Sapa eng kanen oka ami?’ wo ‘Sapa en elepen oka ami?’ kuma'pa ‘Sapa ka'i eng karaien oka ami?’

Markus 4:38

An tutuw itu si Yesus kinakili'an an londéi am paulunan an diit im palukutan an somoi. Wo polon é murit-Na Sia wo kumua, “Guru, tioo iwaya kami maté.”

Lukas 12:22

Icua i Yesus a sé murit-Na, “Ampa'paan in itu icua-Ku mangé ai camu, tioo maindé-indé' andumoro' ing katouan iow, andumoro' ing kakanen iow, wo tioo maindé-indé' andumoro' in owak iow, andumoro' in sapa em pakén iow.

Lukas 12:26

Sa kamu ra'ica toro mawes in umur iow mandé wayake' im pira, kéitu réén kamu maindé-indé' andumoro' ing katouan iow?

Yohanes 10:13

Si tou itu tumincas ampa'paan sia asalo pate'tekan, wo ra'ica pandungenna sé domba itu.

Filipi 4:6

Tioo maindé-indé' andumoro' in sapa-sapake' mangé, taan icuao mangé eng kasalé'anmu an sombayangmu a si Amang Kasuruan am pakasa ing kaadaan wo mekiupus ang karapi ing kumua makapulu'sama' ai Sia.