1 Petrus 5:6 - En Taar Weru a nunuwu' é Tontemboan

⁶ Ampa'paan in ituo, ko'koso mio' en owakmu an dior i Amang Kasuruan si kumete-keter, wosama' asi oras si aitantu-Nao, irangka'-Na oka kamu.

1 Petrus 5:6 ပူးပေါင်းရင်းမြစ်များ

Matius 23:12

Si séi e mengarangka' in owak, sia iwawa' oka. Taan si séike' e mengawawa' in owak, sia iparangka-rangka' oka.”

Lukas 1:52

Émaan-Na sé tou makatimboi ing kawasa ra'io ka'i makakawasa, wo sé tou wawa' irangka'-Na oka.

Lukas 14:11

Ampa'paan, si séike' mengarangka' in owak, sia iwawa' oka wo si séike' e mengawawa' in owakna, sia iparangka-rangka' oka.”

Lukas 18:14

Icua-Ku ai camu: An tutuw si tou matagi im pajak itu maréng am baléna, sia si nianggap wutul i Amang Kasuruan, taan si tou ang golongan Farisi itu ra'ica. Ampa'paan si séi e mengarangka' in owak, sia iwawa' oka. Wo si séike' e mengawawa' in owak, sia iparangka-rangka' oka.”

Roma 5:6

An tutuw kita ra'ica toro méma' in sapa-sapa eng kumesot ang kawasa ing kamesé-meséaan, si Kristus imatéo asi témpo si aitantuo i Amang Kasuruan en tumu'bus ing kamesé-meséaanta sé mengaéma' ing kaléwo-léwo'an.

1 Korintus 10:22

Sa kita kumiit kuman sé airagéso a sé roh léwo', niéma'tao si Casuruan mae'bow. Tioo mawerot icita en lébé keter wo si Casuruan.

1 Timotius 2:6

Sia isumarakano in owak-Na en tumu'bus im pakasa ing kamesé-meséaan é tou. Siituo eng kasairian i Amang Kasuruan si mamuali tuus asi oras si aitantu-Nao.

Titus 1:3

Wo asi témpo si aitantuo i Amang Kasuruan, ituru'-Na ai cita en lalan makéré ing katouan akar ing kauré-uré. Aitoké-Nao a yaku eng kumua in Abar Kaaruien andumoro' i Yesus Kristus itu wo icuaku kiit im perénta-Na. Siao si Lumolowirta.

Yakobus 4:10

Ko'koso mio' en owakmu an dior i Casuruan wo irangka'-Na oka kamu.

Yakobus 4:7

Ampa'paano in itu, male'te-le'teko mangé a si Amang Kasuruan wo kiiteno mangé Sia. Sundureno mangé ka'i si kikiiten é sétang, wosama' sia tumayang oka ai camu.

Yakobus 5:10

Poo-poow, ta'néieno mangé sé nabi indior sé makua in taar i Casuruan. An tutuw itu séra meta'up ing keli kawenduan, taan séra kasake' talesen. Anaé, kiiteno mangé eng katalesenan éra itu.