1 Petrus 5:3 - En Taar Weru a nunuwu' é Tontemboan

³ Wo tioo kamu asalo kaperé-perénta sé jamaat sé aitoké i Casuruan ai camu, taan kamu musti mamuali paandéan loor ai séra.

1 Petrus 5:3 ပူးပေါင်းရင်းမြစ်များ

Yohanes 13:15

Ampa'paan kamu winéan-Kuo paandéan loor, anaé musti émaan iow ka'i a si esa wo sé walina, kaputé si niéma'-Kuo ai camu.

Kisah Para Rasul 20:28

Ampa'paan in ituo, musti téiran iow sumama-sama' en owak iow in esa wo sé jamaat si aiwéé i Roh Le'nas en téiran iow. Téiran iow sé jamaat i Amang Kasuruan tanu si gembala matéir sé domba-Na. Sé jamaat itu mamuali anu i Amang Kasuruan ampa'paan linowir-Na séra in enda'-Na in esa.

1 Korintus 11:11

Mandé ka'i in taniitu, an dior i Casuruan ra'ica wana wéwéné sa ra'ica wana tuama, taniitu ka'i ra'ica wana tuama sa ra'ica wana wéwéné.

1 Korintus 3:5

Sa kumiit icamu, si séi réén si Apolos itu? Wo si séi réén si Paulus itu? Kami in dua asalo tou maselewir a si Amang Kasuruan. Kami sé makawalio icamu e maéman a si Kristus wo kami si esa wo si esa asalo maéma' in tawoien si airu'du' i Amang Kasuruan ai cami.

1 Korintus 3:9

Ampa'paan kami in dua sé matawoi mewali-wali wo si Amang Kasuruan wo kamu tanuoka in uma i Amang Kasuruan wo ka'i tanuoka im balé-Na.

2 Korintus 1:24

Kami ra'ica ilumesé' icamu sapa sé musti émanen iow. Taan kami asalo tumawoi mewali-wali wo icamu wosama' kamu makaaru-arui. Émaan ami taniitu ampa'paan em paémanen iow ketero.

2 Korintus 4:5

En Abar si pakua ami ra'ica andumoro' in owak ami in esa. En Abar itu andumoro' i Yesus Kristus si Apo' é pakasa in tou. Wo icami asaloke' imamuali tanu ata en sumelewir icamu kumiit ing kasalé'an i Yesus.

Filipi 3:17

Poo-poow, kiiteno mangé em pakatouku. Wo wéanio' rékén sé tou sé menonou mengakiit im pakatou ami.

Filipi 4:9

Émaano mangé waya sé pinekisusuio miow wo sé tinerimao miow wo sé liningao miow wo sé sinéréo miow a yaku. Wo in taniitu, si Casuruan palemboian ing kaeluran mewali-wali oka wo icamu.

1 Tesalonika 1:7

Wo in taniitu kamu mamuali paandéan é tou maéman a si Yesus an sangkum i Makedonia wo an Akhaya.

2 Tesalonika 3:9

Émaan ami en itu ra'ica ampa'paan kami ra'ica wana hak en tulungen é jamaat. Taan ra'ica kiim ami e maké in hak itu. Kami re'dem matawoi in taniitu ampa'paan kami masalé' mamuali paandéan wosama' kiiten iow.

1 Timotius 4:12

Tioo iwayamu sé tou maepes im beren ai co ampa'paan ko wo'basé'. Taan émaano mangé en owakmu mamuali paandéan an uner é tou maéman, am pakanuwu'mu, am perimu, ang kaupusanmu a sé tou walina, ang kale'tekanmu wo ang kale'nasanmu a si Casuruan.

Titus 2:7

Wo ko é Titus, em perimu musti mengaéma' in loor wosama' ko ro'na mamuali paandéan é tou. Sa ko sumusui, mengasusui angé ang karapi i makakii-kiit wo rondor en até.

1 Petrus 2:9

Taan kamu anio' bangsa sé sinisiro i Amang Kasuruan, imam sé maselewir a si Amang Kasuruan si Colanota, bangsa sé line'nas-Nao wo ka'i mamuali anu-Na. Kamu im baya imamuali tanu siitu wosama' ro'na ipakua-kua miow a sé tou andumoro' sé kakaya'kaan sé niéma'o i Amang Kasuruan. Siao en tumowa icamu kumesot ang kariréimbengan wo muntep asi sendot-Na wangko'.