1 Petrus 4:9 - En Taar Weru a nunuwu' é Tontemboan

⁹ Wo wéano mio' tampa en loséran asi esa wo sé walina ang karapi in arui en até wo ra'ica mengi-ngimbulu.

1 Petrus 4:9 ပူးပေါင်းရင်းမြစ်များ

Roma 12:13

Tawangeno mangé sé tou le'nas sa awéan em paperlun éra, wo tatapke' materima sé tou sé masalé' lumosér am balé miow.

Roma 16:23

Si Gayus ka'i méé mai in siri' ai camu. Yaku si Paulus winéanna kaloasan mento' am baléna, taniitu ka'i sé jamaat ami mengali'us maapo' am baléna. Si Erastus si tinokéan mengaurus in doit ing kota, wo si Kwartus poowta esa paémanen méé ka'i in siri' ai camu. [

2 Korintus 9:7

Sa woo ro'na si esa wo si esa tou musti musé' an até e mengawéé. Tioo manesel mengawéé kuma'pa ampa'paan pinelesé'. Ampa'paan si Amang Kasuruan mengaupus sé tou sé mengawéé ang karapi in arui en até.

Filipi 2:14

Sapake' en émaan iow, émaano mangé en itu ang karapi i ra'ica mengi-ngimbulu wo tioo ka'i meindo-indoan roma',

1 Timotius 3:2

Si mengatilik an jamaat, sia itu musti ra'ica wana tou e ro'na méé kaséaan, si wéwéné penanaanna waya in esa, makawoo tumang in owak, mengapaké ing kapinteran asi Casuruan owo, makaperi sumoma, tansaléén mengaterima sé tou am baléna, pinter masusui sé tou,

Titus 1:8

Taan séra musti masalé' materima sé tou walina en lumosér am baléna, masalé' mengaéma' sé loor, pinter, ra'ica marapit, menonou le'nas wo makawoo tumang ing kasalé'an in owak.

Filemon 1:14

Taan sa ra'ica énanmu, ra'- ica kiimku méma' in sapa-sapa wosama' eng kalooran émaanmu ra'ica ampa'paan pinelesé' taan émaanmu eng kalooran itu ang karapi lekep en até.

Ibrani 13:16

Tioo ilupa miow mengaéma' in loor wo mengatawang sé tou sé perlu tawangen. Siituo e raragés en icasalé' i Amang Kasuruan.

Ibrani 13:2

Tioo marua-rua até en tumerima si séike' en lumosér am balé miow mandé ka'i ra'ipé' katuusan iow. Ampa'paan ang karapi méma' in taniitu, awéan sé piraan tou indior ra'ica kinailekan éra itumerimao sé malaékat am balé éra.

Yakobus 5:9

Poo-poow, tioo kamu mengimbu-ngimbulu wo membém-béan séa' wosama' kamu ra'ica ukumen i Casuruan. En ulitna, si Akim maayo, Sia an dioro im papalen.