1 Petrus 4:19 - En Taar Weru a nunuwu' é Tontemboan

¹⁹ Wo in taniitu, sa awéan tou niokoi ampa'paan en itu kasalé'- an i Casuruan, sia musti mengéma-ngéma' im butul wo sumarakan in owakna a si Casuruan si méma' sia. Sia ro'na papercayan ampa'paan Sia mengema-ngéma' sapa si aijanji-Na.

1 Petrus 4:19 ပူးပေါင်းရင်းမြစ်များ

Lukas 23:46

Wo si Yesus kumua in taangko', “O Amang, ang kakawasaan-Muo, isarakan-Ku e mu'kur-Ku.” Kekawusai kumua in taniitu wo Sia maté.

Kisah Para Rasul 7:59

Ang karoro'an éra i mawangkil si Stefanus, sia sumombayang, “O Apo' Yesus, terimano mangé e rohku.”

Roma 2:7

Sé tou le'tek mengaéma' sé loor sé masalé' makéré i rarayo wo in sisiri' wo ing katouan sé ra'ica maka'pu, séra wéan-Na oka ing katouan akar ing kauré-uré.

2 Timotius 1:12

Ampa'paan aku makua in Abar Kaaruien itu, akar sangkumku eng kawenduan am bui anio'. Taan aku ra'ica malawi', ampa'paan kailekanku si Apo' Yesus si paémanenku. Émanenku Sia awéan kawasa en tuméir in tawoien si aitoké-Na a yaku akar asi endo kaka'puan ing kayo'baan.

1 Petrus 2:15

Ampa'paan icasalé' i Amang Kasuruan kamu méma' sé loor, wosama' si tou ra'ica wana eng kailekan andumoro' ing kasalé'an-Na, sia ra'io ka'i memaa-maar sé ra'ica wutul andumoro' icamu.

1 Petrus 3:17

Aweso taré kamu mawendu ampa'paan mengaéma' sé loor, sa en itu kasalé'an i Amang Kasuruan, wo taré kamu mawendu ampa'paan mengaéma' sé léwo'.

1 Petrus 3:20

Sé roh itu, roh é tou ra'ica le'tek asi Amang Kasuruan an jaman i Nuh. Ang karoro'an i Nuh maéma' ing kapal wangker, si Amang Kasuruan talesen maento-ento' sé tou e mape'dis mengéma-ngéma' ing kaléwo-léwo'an. An tutuw en sonop wangko' itu imayo, wayake' i walu tou sé malowir asi sonop wangko' itu. Sérao sé an untep ing kapal wangker itu.