1 Petrus 4:15 - En Taar Weru a nunuwu' é Tontemboan

¹⁵ Tioo awéan esaan ai camu si musti okoien ampa'paan mapaté tou, marombit, maéma' in léwo' kuma'pa marambét in urusan é tou walina.

1 Petrus 4:15 ပူးပေါင်းရင်းမြစ်များ

Matius 5:11

Pakakamangen kamu, sa ampa'paan Yaku kamu ipaséro', paokoien wo patudun am pakasa in léwo'.

1 Tesalonika 4:11

Rumaméjio mio' kamu menonou mensan-samaan wo tioo icarambét an urusan é tou walina, taan aweso taré kamu tumawoi mangéré ing kakanen iow in esa tanu si sumangkumo aitaar ami ai camu.

2 Tesalonika 3:11

Icua ami en anio' ampa'paan liningao ami sapaoka an uner iow awéan sé tou weles, ra'ica kiim tumawoi. Séra itu masalé'ke' marambé-rambét in urusan é tou walina.

1 Timotius 5:13

Séra itu asalo mengéra-ngéra asi walé esa wo mangé am balé walina, wo in taniitu séra numaram in owak mengena-ngena'ke'. Wo ra'ica mengena-ngena'ke', séra ka'i mengapaar andumoro' ing kawurukan é tou, marambét in urusan é tou walina wo ka'i memaa-maar sé ra'ica patus.

2 Timotius 2:9

Ampa'paano aku makua in Abar Kaaruien itu, yaku pengaokoien é tou, pengawa'kesen éra i ranté tanuoka tou léwo', taan en taar i Amang Kasuruan ra'ica toro kawa'kesan.

1 Petrus 3:14

Taan pakakamangen oka kamu, mandé kamu musti mawendu ampa'paan maéma' ing kasalé'an i Amang Kasuruan. Ampa'paano in itu tioo kamu maindé' a si séike' mangé wo tioo maindé-indé'.

1 Petrus 3:17

Aweso taré kamu mawendu ampa'paan mengaéma' sé loor, sa en itu kasalé'an i Amang Kasuruan, wo taré kamu mawendu ampa'paan mengaéma' sé léwo'.