1 Petrus 4:14 - En Taar Weru a nunuwu' é Tontemboan

¹⁴ Pakakamangeno kamu, sa kamu iparoros é tou ampa'paan makiit si Kristus, ampa'paano e Roh i rarayo wo in sisiri'-Na ai camuo. Siituo si Roh i Amang Kasuruan.

1 Petrus 4:14 ပူးပေါင်းရင်းမြစ်များ

Matius 5:11

Pakakamangen kamu, sa ampa'paan Yaku kamu ipaséro', paokoien wo patudun am pakasa in léwo'.

Matius 5:16

Tanu siituo ka'i wo icamu, en sendotmu musti tumélang an dior é tou wosama' sérén éra em pengaémaanmu loor wo marayo-rayo si Amangmu an sorga.”

Lukas 6:22

Pakakamangen kamu sa kamu icasuut é tou, ra'ica wana tou eng kumarapi, kamu ipawawa' é tou wo pawuruken éra e ngaran iow, ampa'paano kamu makiit Yaku, si Toyaang i Tou.

Yohanes 15:21

Taan séra mokoi oka icamu, ampa'paan kamu makiit Yaku. Niéma' éra in taniitu ampa'paan Si Amang si mutusai Yaku ra'ica katuusan éra.

Yohanes 8:48

Wo isowat é kikiiten é agama Yahudi a si Yesus, “Wutul em pakua ami anio', Ico tou Samaria wo rinasuko i sétang.”

Yohanes 9:28

Ang karapi i maséro' icua éra ai sia, “Ico asalo makiit si Tou itu, taan icami makiit si Musa.

Yohanes 9:34

Isowat éra ai sia, “Ketoumuke' mai ico wutao ing kamesé-meséaan, wo icasalé'mu réén en sumusui icami?” Wo sia yusér éra kumesot am balé paapo'an.

Kisah Para Rasul 13:45

Taan an tutuw sérén é kikiiten é tou Yahudi sé tou keli itu, en até é kikiiten itu manganat keli. Anaé pakasa sé ipakua i Paulus wo si Barnabas, ipakélong wo ka'i paroros éra.

Kisah Para Rasul 18:6

Taan aicélongke' é tou itu em pakua i Paulus wo maroros sia, wo itangkarna en awu ang karaina, wo icuana ai séra, “Kamu in esa e mamuléng in ukuman i Amang Kasuruan, en itu ra'ica kameséaanku! Tumo'tol intarépé', aku mangé a sé bangsa walina e mangé kumua in Abar Kaaruien andumoro' si Yesus Kristus.”

Kisah Para Rasul 28:22

Taan kami in esa masalé' luminga ai co andumoro' in sususuien é golongan Nasrani itu. Kailekan ami am bisa-wisa awéan sé tou makélong in sususuien itu.”

Kisah Para Rasul 5:41

Wo itela'u é ruru'du'an itu en sidang Mahkamah Agama ang karapi in arui ampa'paan weroten éra sapaoka séra nianggapo i Amang Kasuruan patus meta'up ing kawenduan ampa'paan i ngaran i Yesus.

2 Korintus 12:10

Ampa'paan in ituo en atéku arui an tutuw aku ra'ica keter. Yaku ka'i arui mandé ipaséro', mawendu, pinaokoi, ang kasusaan ampa'paan makiit asi Kristus. Ampa'paan an tutuw aku ra'ica keter, yaku maketer ampa'paan i Kristus.

2 Korintus 4:10

Am bisake' en angéan ami tatap mapendam im patén tanu im pinendam mai i Yesus, wo in taniitu kaséréano sapaoka si Yesus menonou an owak ami.

2 Korintus 4:16

Ampa'paan in ituo kami ra'ica mateké' en até. Mandé ka'i en owak ami makauré makalembi, taan e roh ami susur in endo pemeru-merun wo makaketerke'.

Galatia 1:24

Ampa'paan sapa e niéma' i Amang Kasuruan a yaku, séra rumayo wo sumiri' Sia.

Ibrani 11:26

Si Musa kumélong en tumerima im pakasa ing kasiyaan a Mesir, wo en lébé icasalé'na iséro' ampa'paano im paémanenna a si Kristus si maai sa. Ampa'paan si Musa maarap in laasa iwéé oka i Amang Kasuruan ai sia.

Yakobus 1:12

Pakakamangeno sé tou talesen masaru im pangepé'an wo kasake' maéman a si Amang Kasuruan, ampa'paan kéréanna oka e mahkota ing katouan akar ing kauré-uré si aijanji-Nao a sé tou sé mengaupus ai Sia.

Yakobus 5:11

En ulitna, sé tou talesen makiit si Casuruan mandé ka'i meta'up ing kawenduan, séra itu tou pakakamangen. Wo tantu pinalingao miow andumoro' ing katalesenan i Ayub. Wo kailekan iow kekawus ako in itu, sia kinamang i Amang Kasuruan, ampa'paan si Amang Kasuruan taloso taupus wo wuta ing kaupusan a sé tou.

1 Petrus 2:12

Em peri miow musti loor an dior é tou sé ra'ica makatuus si Amang Kasuruan. Mandé ka'i patudun éra kamu tou léwo', sérén éra oka sé pengaémaan iow loor wo in taniitu séra rumayo wo sumiri' oka si Amang Kasuruan, an tutuw maai en endo-Na sa.

1 Petrus 3:14

Taan pakakamangen oka kamu, mandé kamu musti mawendu ampa'paan maéma' ing kasalé'an i Amang Kasuruan. Ampa'paano in itu tioo kamu maindé' a si séike' mangé wo tioo maindé-indé'.

1 Petrus 3:16

Sa kamu sumowat, musti uli-ulit ang karapi in até weresi, wosama' sé tou maroros icamu ampa'paan kamu makiit si Kristus, séra in esa e malawi' ampa'paan sé iparoros éra itu ra'ica wutul.

1 Petrus 4:16

Taan sa kamu okoien ampa'paan tou Krésten, kamu ra'ica toro malawi'. Aweso taré kamu rumayo wo sumiri' si Amang Kasuruan ampa'paan kamu patuulen makiit si Kristus.

2 Petrus 2:2

Wo kelian sé tou kumiit oka ing katouan é guru ra'ica wutul itu sé makiit ing kasalé'an in owak sé ra'ica loor. Wo ampa'paano sé pinengaéma' éra itu, kelian tou mojat oka in sususuien wutul i Amang Kasuruan.