1 Petrus 4:13 - En Taar Weru a nunuwu' é Tontemboan

¹³ Taan maaru-aruio mangé, ampa'paan kamu kumiito imendam ing kawenduan tanu si pinendamai i Kristus, wosama' an tutuw i Kristus maai sumawel ang karapi i rarayo wo in sisiri'-Na, kamu ro'na masalé-salé' wo maaru-arui.

1 Petrus 4:13 ပူးပေါင်းရင်းမြစ်များ

Matius 16:27

Ampa'paan si Toyaang i Tou maai oka mewali-wali wo sé malaékat-Na ang kawasa wangko' i Amang-Na. An tutuw itu suliin-Na oka sé tou kiit im pinengaéma' éra.

Matius 25:21

Wo icua i tuangna, ‘Wutu-wutul loor e niéma'mu itu. Ico ata loor wo le'tek a yaku. Ampa'paan ko ro'na tinokéan andumoro' sé teké', tokéanku oka ka'i ko andumoro' sé tawoien wangker. Muntepo mai ko wo mayo maaru-arui ang karapiku!’

Matius 25:23

Wo icua i tuangna, ‘Loor ulit e niéma'mu itu. Ico ata loor wo le'tek a yaku. Ampa'paan ko ro'na tinokéan andumoro' in tawoien teké', tokéanku oka ka'i ko andumoro' sé tawoien wangker. Muntepo mai ko wo mayo maaru-arui ang karapiku!’

Matius 25:31

“Sa si Toyaang i Tou maai ang karapi i rarayo wo in sisiri'-Na mewali-wali wo sé malaékat-Na, Sia lumukut oka am palukutan pasiri-siriin.

Matius 25:34

Wo si Toyaang i Tou si tanu Kolano itu kumua oka a sé tou ang kakan-Na, ‘Mayo sumusuto mai kamu sé kinamango i Amang-Ku! Muntepo mai ang Kakolanoan si aitu'tulo ai camu tumo'tolai eng kayo'baan anio' niéma'.

Matius 5:12

Maaru-aruio wo masalé-salé'o, ampa'paan en laasamu wangko' an sorga. Sé nabi menonou indior ka'i niokoio tanu siitu.”

Markus 8:38

Ampa'paan si séike' mangé e malawi' ampa'paan Yaku wo in sususuien-Ku an dior é tou sé ra'ica le'tek wo keli kamesé-meséaan anio', si Toyaang i Tou ka'i malawi' oka mangaku si tou itu an tutuw-Na maai ang kawasa wangko' i Amang-Na, mewali-wali wo sé malaékat le'nas.”

Lukas 17:30

Taniituo ka'i eng katouan é tou sa, asi endo si Toyaang i Tou maai sumawel.

Kisah Para Rasul 16:25

Wona' ang katoora im bengi, si Paulus wo Silas sumombayang wo kumantar ing kakantaren rarayoan a si Amang Kasuruan wo palingan ka'i é tou walina am bui.

Kisah Para Rasul 5:41

Wo itela'u é ruru'du'an itu en sidang Mahkamah Agama ang karapi in arui ampa'paan weroten éra sapaoka séra nianggapo i Amang Kasuruan patus meta'up ing kawenduan ampa'paan i ngaran i Yesus.

Roma 5:3

Wo ra'ica siituke', kita ka'i ro'na maaru-arui an tutuw eng kawenduan sangkumenta. Ampa'paan kailekanta sapaoka eng kawenduan itu méma' icita makatalesen,

Roma 8:17

Wo sa kita toya-toyaang i Amang Kasuruan, kita awéan hak e makéré im bagéan asé im pakasa sé aitu'tulo i Amang Kasuruan torona é toyaang-Na. Wo terimanta oka en itu mewali-wali wo si Kristus. Wo sa kita mawendu meputé in sinangkumai i Kristus, kita ka'i tumerima oka i rarayo wo in sisiri' kaputé i Kristus.

Roma 8:18

Émanenku sapaoka eng kawenduan pasangkumenta intarépé', ra'ica ro'na ipeputé wo i rarayo wo in sisiri' si iwéé oka ai cita asi endo mengangai.

2 Korintus 1:5

Keliano eng kawenduan sé pinendam ami mai tanu ing kawenduan si pinendamai i Kristus. Wo ampa'paano i Kristus kami makéré im pangiboran sé kumeli-keli.

2 Korintus 1:7

Kamu uli-ulit percayan ami, ampa'paan kailekan ami sapaoka kamu mendamo mai ing kawenduan tanu im pinendam ami mai, anaé kamu tantu makéré oka pangiboran kaputé im pangiboran si sinangkum ami.

2 Korintus 4:10

Am bisake' en angéan ami tatap mapendam im patén tanu im pinendam mai i Yesus, wo in taniitu kaséréano sapaoka si Yesus menonou an owak ami.

2 Korintus 4:17

Wo eng kawenduan sé papendamen ami intarépé' ra'ica uter wo ang karoro'anke'. Taan teriman ami oka eng kaaruian si ra'io icakua wo eng kaaruian itu akar ing kauré-uré. Eng kaaruian itu ilumébé mai wo ing kawangko' sa ipeputé wo ing kawenduan si pinendam ami mai.

Filipi 3:10

Intarépé' en icasalé'ku asalo makatuus si Kristus Yesus wo ing kawasa si tumou Sia am papaté. Wo icasalé'ku imendam ing kawenduan si sinangkum-Nao wo mamuali tanu Sia si mawendu akar imaté,

Kolose 1:24

Intarépé' aku arui ampa'paan ro'na mendamai ing kawenduan torona ing kalooran iow. Wo eng kawenduan anio' musti pendamen in owakku tanu in lumekep ing kawenduan si musti wuléngen woo i Kristus torona in owak-Na siituo sé jamaat-Na.

2 Timotius 2:12

Sa kita kasake' le'tek maéman ai Sia, kita ka'i merénta oka sé tou mewali-wali wo Sia. Sa kita kumua ra'ica makatuus Sia, Icua-Na oka ka'i Sia ra'ica makatuus icita.

1 Petrus 1:13

Keliano e niéma' i Amang Kasuruan ai camu, ampa'paan in ituo tu'tuleno mio' em bewerot iow e méma' andumoro' sé loor wo tumang in owak ra'ica méma' andumoro' in léwo' wo ituliro mio' waya em paarapen iow asi kamang si tambér oka mai i Amang Kasuruan ai camu an tutuw i Yesus Kristus maai sumawel.

1 Petrus 2:21

Ampa'paan in ituo, kamu tinowao i Amang Kasuruan e méma' in loor mandé' ka'i kamu meta'up ing kawenduan. Si Apo' Yesus imendamo ing kawenduan torona miow wo imééo im paandéan ai camu wosama' kiiten iow tanu si niéma'-Na.

1 Petrus 5:1

Yaku ka'i penatua an jamaat kaputé miow. Yaku anio' sairi an tutuw i Kristus pengaokoien. Wo an tutuw i Kristus maai sumawel ang karapi i rarayo wo in sisiri'-Na, yaku icauntep asé tou sé makéré oka bagéan asi rarayo wo in sisiri' si ituru' oka itu. Anaé, sina'uenku kamu sé penatua katawoiku:

1 Petrus 5:10

Taan eng kawenduan si pendamen iow itu ra'ica uré. Kekawus in itu, émaan oka i Amang Kasuruan em paémanen iow makaleke-lekep wo émaan-Na oka en até miow makaketer wo émaan-Na ka'i kamu mauli-ulit maéman ai Sia. Ampa'paan Sia itu Amang Kasuruan si palemboian waya ing kamang aitambér wo itumowao icamu maéman a si Kristus, wosama' kamu kumiit mendam i rarayo wo en sisiri'-Na akar ing kauré-uré.

Yudas 1:24

Si Amang Kasuruanke' si makakawasa en tuméir icamu wosama' kamu ra'ica icasu'su'. Siao e makawoo maali icamu sé ra'ica wana kaséaan a si tampa-Na si parayo-rayo wo pasiri-siriin, wo am bitu oka kamu masalé-salé'.

Wahyu 1:7

Sérénno, Sia maai pakali'ciren ing kambung-kambung. Wo pakasa é tou suméré oka Sia, icauntep sé tou imengkow Sia. Wo Sia paamé'an oka waya é bangsa asi cayo'baan anio'. Tanu siituo e mamuali sa. Ulit.

Wahyu 1:9

Yaku si Yohanes poow an esa paémanen si mewali-wali wo icamu mendamai in okoi ampa'paan makiit si Yesus. Terimanta oka mewali-wali em bagéanta ang Kakolanoan-Na, wo talesen mangento-ngento' si Yesus maai sumawel. Wo yaku aisingkir angé am pulou Patmos ampa'paan mengakua in Taar i Amang Kasuruan wo me- ngasairi andumoro' sapa si aicua i Yesus.