1 Petrus 4:12 - En Taar Weru a nunuwu' é Tontemboan

¹² Poo-poow sé icaupusku! Kamu uli-ulit makéré ing kawenduan uter. Taan eng kawenduan itu, e muji im paémanen iow wosama' em paémanen iow itu makaketer. Anaé, tioo kamu mangaya'ka' wo maanggap waya camu e makéré ing kawenduan tanu siitu.

1 Petrus 4:12 ပူးပေါင်းရင်းမြစ်များ

1 Korintus 10:13

Sé pangepé'an pinendam iow itu, pangepé'an sé manaramo pengasangkumen é tou. Wo si Amang Kasuruan kasake' le'tek an janji-Na, anaé kamu ra'ica iwaya-Na asé pangépé'an sé ra'ica kawooan iow mamuléng. Taan tutuw iow pinangepé'an, kamu wéan-Na oka lalan akar kamu makawoo sumaru im pangepé'an.

1 Korintus 3:13

En tawoien é tou si esa wo si esa kaséréan oka an tutuw i Kristus maai sumawel. Ampa'paan asi endo itu, api oka e méma' in tinawoi é tou si esa wo si esa kaséré-séréan. En api oka e muji wo en tumuru' sé tinawoi éra itu loor kuma'pa ra'ica.

2 Timotius 3:12

Mémang pakasa in tou maéman a si Kristus Yesus wo kumiit ing kasalé'an-Na meta'up oka in okoi.

1 Petrus 2:11

Poo-poow sé icaupusku, icamu anio' sakéi wo imanangkéi ang kayo'baan anio'. Anaé, sina'uenku kamu wosama' tumayang angé asé kasalé-salé'an in owak sé ra'ica loor sé mapetokol an até weresi miow.

1 Petrus 4:4

Taan intarépé' kamu ra'io ka'i mengaéma' sé ra'ica loor tanu indior, akar sé tou ra'ica makatuus si Amang Kasuruan itu mangaya-ngaya'ka'. Ampa'paano in itu, kamu paroros éra.

1 Petrus 5:9

Musti sunduren iow si kikiiten é sétang ang karapi im paémanen keter. Ampa'paan kailekan iow ka'i sapaoka sé poo-poow iow an esa paémanen am bisa-wisa ang kayo'baan imendamo ing kawenduan meputé im pinendam iow.