1 Petrus 4:11 - En Taar Weru a nunuwu' é Tontemboan

¹¹ Sa awéan tou tumerima ing kamang aitambér i Roh Le'nas eng kumua in taar i Amang Kasuruan a sé tou, musti icuana en itu kumiit in taar i Amang Kasuruan. Wo sa awéan tou tumerima ing kamang aitambér i Roh Le'nas en tumawang sé tou, musti émaanna en itu maké ing kaketeran asi Amang Kasuruan owo. Anaé, pakén iow sumama-sama' eng kamang aitambér i Roh Le'nas ai camu esa wo si esa wosama' asé pakasa sé niéma'o miow itu, sé tou ro'na rumayo wo sumiri' si Amang Kasuruan, ampa'paano i Yesus Kristus. Si Amang Kasuruan itu makaanu i rarayo wo in sisiri' wo ing kakawasaan akar ing kauré-uré! Ulit.

1 Petrus 4:11 ပူးပေါင်းရင်းမြစ်များ

Matius 6:13

Wo tioo woo iwali kami muntep am pangepé'an, taan iwekaro mai kami ang kawasa i léwo'. [Ampa'paan si Amango e makaanu ing kakolanoan wo ing kawasa, wo iparangka-rangka' akar ing kauré-uré. Ulit.’]

Yohanes 13:31

Kekawus i Yudas imangé, rumoma'o si Yesus, “Intarépé' an témponao Aku, si Toyaang i Tou iparayo-rayo wo pasiri-siriin oka, wo ampa'paano Yaku si Amang Kasuruan iparayo-rayo wo pasiri-siriin oka.

Kisah Para Rasul 7:38

Si Musa anio' si mewali-wali wo sé apo-apo'ta tou Israel an tana' kapayasan. An tutuw ang kuntung Sinai, awéan malaékat mai mepaar wo isia en icua a sé apo-apo'ta, siituo en taar i Amang Kasuruan si tinerimana si méma' icita menonou.

Roma 11:36

Ampa'paan si Amang Kasuruano e méma' im baya-waya, wo pakasa en itu Siake' en tumu'tul. Pakasa en itu niéma'-Na wosama' Sia irayo. Anaé, irayoo wo siriino mangé Sia akar ing kauré-uré! Ulit.

Roma 12:3

Ampa'paano si Amang Kasuruan itumambéro mai in upus-Na a yaku e mamuali ruru'du'an-Na, ampa'paan in ituo sina'uenku kamu im baya tana'i: Tioo kamu mengawerot andumoro' sé ilumébé mai asi patus paweroten iow. Taan weroteno mangé eng kawooan in owak iow sé isumoma, iciit im paémanen si aiwéé i Amang Kasuruan ai camu asi esa wo si esa.

Roma 16:27

Siao si Amang Kasuruan si wuta ing kapinteran. Rayoo mangé wo siriino mangé Sia akar ing kauré-uré ampa'paano i Yesus Kristus. Ulit.

Roma 3:2

Tantu kelian eng katoranaan wo am baya-waya! Kataré-taré, a sé tou Yahudio sé tinokéan in Taar i Amang Kasuruan.

1 Korintus 10:31

Anaé, sapa-sapake' en émaan iow, eng kanen iow kuma'pa en elepen iow, émaano mangé em pakasa in itu asaloke' i rumayo wo sumiri' si Amang Kasuruan.

1 Korintus 12:4

Membam-balinaan eng kamang aitambér i Roh Le'nas, taan em pakasa itu aiwéé i esa Roh.

1 Korintus 3:10

Si Amang Kasuruan tumambéro mai in upus-Na a yaku akar aku si tou e makailek wutul im bangunan tumuliro im pandasi enté', wo sé tou walina mawangun am bawo im pandasi itu. Taan si esa wo si esa tou musti méé rékén sumama-sama' tumambisa sia mangun am bawo im pandasi patuuran itu.

1 Korintus 6:20

Ampa'paan kamu tinelesano i Amang Kasuruan ang kerapi in sosor em bééna siituo en enda' i Kristus. Ampa'paan ituo pakéno sumama-sama' en owak iow e rumayo wo sumiri' si Amang Kasuruan.

2 Korintus 2:17

Kami ra'ica meputé wo sé kinakelian tou sé mengakua in abar i Amang Kasuruan e mangéré ing kauntungan in esa. Em paangé-angén ami lekep en até, ampa'paan si Amang Kasuruan e rumu'du' icami. Wo si Amang Kasuruan in esa en suméré sapaoka icami makua in abar itu tanu ata-ata i Kristus.

2 Korintus 9:13

Wo asi kasamaan in até sé aituru' miow itu, kelian oka en tou an Yerusalem rumayo si Amang Kasuruan ampa'paan séra isumeréo icamu wutu-wutul menonou makiit wutul in Abar Kaaruien andumoro' i Yesus Kristus. Wo ka'i séra rumayo si Amang Kasuruan ampa'paan kamu wutul lekep en até mawéé in tatawang ai séra wo a sé pakasa in tou walina.

Efesus 1:19

Wo ipasombayangku ka'i wosama' kakailekan iow eng kawangko' ing kawasa-Na ai cita sé maéman ai Sia. Eng kawasa i Amang Kasuruan itu puté wo ing kawasa wangko',

Efesus 4:29

Tioo awéan nunuwu' sé ra'ica loor kumesot am ba'ba' miow. Taan manuwu'o mangé i nunuwu' sé loor eng kumeter in até é tou walina an tutuw im paperlun éra. E nunuwu' tanu siitu méé oka ing kamang a sé tou sé mengalinga in itu.

Efesus 5:20

Mengua-nguao mangé i makapulu'sama' am baya-waya a si Amang Kasuruan, Amangta, ang karapi i ngaran i Yesus Kristus Apo'ta.

Efesus 6:10

Kumusi' in surat anio', kamu musti keter maké ing kaketeran si kinéréan iow asi Amang Kasuruan owo, ampa'paan kamu imeesa ang karapi-Na.

Filipi 1:11

Isombayangku ka'i wosama' pengéma-ngémaan iow sé nianggap wutul i Amang Kasuruan ampa'paan si Yesus Kristus imatawoi ang katouan iow. Wo in taniitu si Amang Kasuruan oka si parayo wo pasiriin.

Filipi 2:11

wo séra im baya mangaku sapaoka si Yesus Kristus itu Kasuruan. Wo in taniitu, si Amang Kasuruan Amangta em parayo wo pasiriin.

Kolose 4:6

Wo rumaméjio mangé memaké-maké sé nunuwu' e méma' in até é tou arui wo manam palingan. Wo in taniitu kailekan iow tumambisa en sumowat ang karapi im butul sé wuwuéien é tou.

1 Tesalonika 2:4

Kami tinokéano i Amang Kasuruan eng kumua in Abar Kaaruien andumoro' i Yesus Kristus, ampa'paan kami nianggap-Na patus eng kumua in itu. Ampa'paan in ituo ipakua-kua ami en Abar Kaaruien itu ra'ica asaloke' mengaarui in até é tou taan mengaarui in até i Amang Kasuruan si mengauji in atéta.

1 Timotius 1:17

Irayoo si Amang Kasuruan! Siao si Colanota akar ing kauré-uré. Sia awéan akar ing kauré-uré, Sia ra'ica kaséréan wo Sia wayake' in esa. Sia itu parayo-rayo wo pasiri-siriin akar ing kauré-uré. Ulit.

1 Timotius 6:16

Siao ka'i si ra'ica kakawasaan im papaté. Sia menonou ang kasendotan wo sé tou ra'ica toro sumusut asi sendot itu. Wo ra'ipé' wana tou si sumangkumo suméré Sia. Siake' si patus siriin. Pakasa eng kawasa ai Sia akar ing kauré-uré. Ulit.

Titus 2:1

Taan ko é Titus, tioo ko meputé wo iséra! Musti susuianmu sé tou kumiit in sususuien wutul.

Titus 2:15

Éi Titus, musti isusuimu waya en itu a sé tou maéman. Sina'uen angé séra wosama' émaan éra waya en itu wo romaanmu sé tou mengaéma' ing kaséaan. An tutuw ko mengasusui, mengasina'u wo mengaroma', émaanmu waya en itu maké ing kawasa i Casuruan wosama' ko pasiri-siriin wo pengalingan é tou. Tioo iwayamu sé tou maepes im beren ai co.

Ibrani 13:7

Ta'néien angé sé kikiiten iow sé icumuao in Taar i Amang Kasuruan ai camu. Séréno sumama-sama' tambisa eng katouan éra akar séra maté, wo andéano mangé em paémanen éra.

Ibrani 5:12

En ulitna kamu an témponao woo mamuali guru, taan kamu sangalipé' pasusuian é tou walina en andumoro' im patuuran in Taar i Amang Kasuruan. Kamu susupé' em paelepen, ra'ipé' makawoo tumerima ing kakanen keté.

Yakobus 1:19

Poo-poow sé icaupusku! Musti ta'néien iow in andumoro' sé anio': Sa awéan tou ang karoro'an imaroma' lingan owo em pakuana. Tioo taporak manuwu' wo tioo taporak mae'bow.

Yakobus 1:26

Sa si tou maanggap sia maapo' makiit ing kasalé'an i Casuruan, taan sia ra'ica matéir im ba'ba'na, sia itu imuwako in owakna in esa. Em pakaapo'na itu ra'ica wana torona.

1 Petrus 2:12

Em peri miow musti loor an dior é tou sé ra'ica makatuus si Amang Kasuruan. Mandé ka'i patudun éra kamu tou léwo', sérén éra oka sé pengaémaan iow loor wo in taniitu séra rumayo wo sumiri' oka si Amang Kasuruan, an tutuw maai en endo-Na sa.

1 Petrus 2:5

Kamu ka'i tanu im batu menonou itu. Ampa'paan in ituo iwééo mio' en owak iow pakén i Amang Kasuruan e mamuali paento'an-Na. Wo in taniitu kamu imamualio imam-imam le'nas e rumagés ing katouan iow a si Amang Kasuruan. Wo e raragés aiwéé miow itu tinerima-Na ampa'paano sé niéma' i Yesus Kristus ai cita im baya.

1 Petrus 4:10

Kamu si esa wo si esa itumerimao ing kamang aitambér i Roh Le'nas, anaé musti pakén iow sumama-sama' eng kamang aitambér itu en sumelewir sé kakélé tou.

1 Petrus 4:16

Taan sa kamu okoien ampa'paan tou Krésten, kamu ra'ica toro malawi'. Aweso taré kamu rumayo wo sumiri' si Amang Kasuruan ampa'paan kamu patuulen makiit si Kristus.

1 Petrus 5:11

Sia ituo e makaanu ing kawasa akar ing kauré-uré! Ulit.

Yudas 1:25

Wayake' Sia in esa, si lumowir icita ampa'paano i Yesus Kristus Apo'ta. Sia em patus tumerima i rarayo wo in sisiri', ampa'paan ing kawangko'-Na wo ing kawasa-Na en tumu'tul wo merénta im baya-waya tumo'tolai indior, intarépé' wo akar ing kauré-uré. Ulit.