1 Petrus 3:7 - En Taar Weru a nunuwu' é Tontemboan

⁷ Taniitu ka'i kamu é tuama sé awéano penanaan, kamu musti menonou angé wo si penanaanmu ang karapi ing kapinteran asi Kasuruan owo. Eng kaketeran éra itu ra'ica meputé wo icamu wo séra musti pasiriin iow ampa'paan kamu wo iséra puté makéré oka bagéan asi katouan akar ing kauré-uré si wéé oka mai i Amang Kasuruan. Sa kamu menonou tanu siitu ang karapi i penanaan iow, en sombayang iow ra'ica wana en sumémpér.

1 Petrus 3:7 ပူးပေါင်းရင်းမြစ်များ

Matius 18:19

Icua-Ku ka'i ai camu, ang kayo'baan anio' sa an uner iow awéan rua tou meesa mangilek sapake' mangé, em pinangilek iow itu tantu énan i Amang-Ku an sorga.

1 Korintus 7:3

Si tuama icumawéngo musti mengaéma' ing kewajipanna an ubungan éra tanu mempenanaan, taniitu ka'i si wéwéné icumawéngo sia musti méma' ing kewajipanna itu ang karapi i penanaanna.

Efesus 3:6

Wo si anioo em pawasa-wasan-Na sé icaenep itu: Sé tou ra'ica Yahudi kumiit makéré im bagéan asi Amang Kasuruan owo ampa'paan séra maéman in Abar Kaaruien andumoro' i Yesus Kristus. Wo séra imamualio esa owak, wo mekiit makéré ing kama-kamang sé aijanjio i Amang Kasuruan ampa'paan i Kristus Yesus.

Efesus 4:30

Tioo pengaémaan iow si Roh Le'nas i Amang Kasuruan itu masusa. Ampa'paan si Roh Le'nas itu mamuali tuus sapaoka icamu itu anu i Amang Kasuruan akar asi endo Sia maai sumawel en lumowir icamu.

Efesus 5:33

Wo mandé ka'i tumambisa sé tuama icumawéngo, si esa wo si esa musti mengaupus angé si penanaanna, meputé sia mengaupus in owakna. Taniitu ka'i sé wéwéné sé kinawéngo musti pengasiriin angé si penanaan.

Efesus 6:18

Émaano mangé waya en itu ang karapi i masombayang susur in oras wo mangileko mangé a si Amang Kasuruan ang karapi im pakaakinen i Roh Le'nas. Menomba-nombayango mangé, wo tatapke' matéi-téir am pakasa in témpo wo tioo mento' taan tatapke' masombayang. Susur iow in sumombayang, ipengasombayang angé waya sé tou le'nas.

Kolose 3:19

Éi tuama-tuama sé kumawéngo, caupus angé si penanaanmu wo ra'ica toro mengakasar ai sia.

1 Tesalonika 4:4

Kamu sé tuama, musti esake' wéwéné e mamuali penanaan iow. Wo menonou angé le'nas an dior i Casuruan wo kamu siriin oka é tou.

Titus 3:7

Aitambér-Nao mai en upus-Na wosama' kita anggapen-Na wutul an dior-Na wo ro'na makéré ing katouan akar ing kauré-uré, kiit im paara-arapenta.

Ibrani 1:14

Sa taniitu, si séi réén sé malaékat itu? Séra sé roh mengaéma' sapa sé airu'du' i Amang Kasuruan, sé ayutus-Na en tumawang sé tou sé makéré oka ing kalowiran.

1 Petrus 3:1

Éi wéwéné sé kinawéngo, kamu musti male'te-le'tek angé a sé penanaan iow, wosama' sa awéan penanaan sé ra'ica maéman in Taar i Amang Kasuruan, mandé kamu ra'ica rumoma' in Taar itu ai séra, séra ro'na maéman a si Amang Kasuruan, ampa'paan séra suméréo ing katouan iow loor.