1 Petrus 3:4 - En Taar Weru a nunuwu' é Tontemboan

⁴ Taan sa kamu masalé' uli-ulit kaséréan pasung, eng kapasungan iow itu musti kumesot an untep in até owo, tanumai: makaperi ko'kos en até wo elur. Siituo eng kapasungan akar ing kauré-uré wo sosor em bééna an dior i Amang Kasuruan.

1 Petrus 3:4 ပူးပေါင်းရင်းမြစ်များ

Matius 11:29

Wuléngeno em pamuléngen si aiwuléng-Ku am palukamu wo mekisusuio mai a Yaku, ampa'paan Aku sama' wo ko'kos en até. Wo in taniitu kamu mendam oka ing kaeluran.

Matius 21:5

“Icuao mangé a sé tou an Yerusalem, ‘Sérén, si Colano miow maayo ai camu. Sia ko'kos en até, makalukut am bawo i esa keledai, si esa keledai wo'basé'.’ ”

Matius 23:26

Éi tou Farisi wola! Wu'asan owo en an untep im paelepan wo em pakanan itu wosama' ang kesotna ka'i maweresi.

Matius 5:5

Pakakamangen sé tou ko'kos en até, ampa'paan séra makaanu oka ing kayo'baan.

Lukas 11:40

Éi camu tou bodok! Si Amang Kasuruano e méma' sé ang kesot in owak iow wo ka'i in até miow itu.

Lukas 16:15

Wo icua i Yesus ai séra, “Kamu mapaturu-turu' kéndo' a sé tou walina sapaoka kamu mengaéma' im butul, taan en até léwo' miow kailekan i Amang Kasuruan. Ampa'paan sapa em paanggapen é tou awéan wééna, nianggap i Amang Kasuruan wutu-wutul ra'ica wana wééna.

Roma 1:23

Séra ra'ica maapo' a si Amang Kasuruan si parayo-rayo wo pasiri-siriin si menonou akar ing kauré-uré, taan séra maapo'ke' a sé patong kaputé é mahluk sé ro'na maté, tanumai; sé tou, sé binatang matéléw, binatang makakécéi epat wo sé binatang maloyon.

Roma 2:29

Taan sé wutu-wutul patuulen tou Yahudi, sé tou imamualio Yahudi an untep in aténa. Wo sé wutu-wutul patuulen sunat, ra'ica ampa'paan sinunato kumiit in atoran sé aipatic an ukum Torat, taan ampa'paan en até éra rinobao i Roh i Amang Kasuruan. Sé tou tanu siitu makéré oka i rarayo asi Amang Kasuruan ra'ica a sé tou owo.

Roma 6:6

Kailekanta, sapaoka em perita uré imatéo mewali-wali wo si Kristus ang kayu salip, wosama' en owakta ra'io pakakawasan ing kamesé-meséaan. Wo in taniitu kita ra'io mamuali ata ing kamesé-meséaan.

Roma 7:22

An untep in atéku, icasalé'ku keli méma' in ukum i Amang Kasuruan,

2 Korintus 10:1

Awéan ai camu makua sapaoka aku toloindé' en tumegor sa ang karapi miow, taan branike' tumegor sa mentayangan wo icamu. Ampa'paan in ituo ita'néiku ai camu ang karapi i ngaran i Kristus si ko'kos en até wo sama' en até,

2 Korintus 4:16

Ampa'paan in ituo kami ra'ica mateké' en até. Mandé ka'i en owak ami makauré makalembi, taan e roh ami susur in endo pemeru-merun wo makaketerke'.

Galatia 5:23

ko'kos en até, kumawasa in owak. Ra'ica wana ukum e ro'na sumundur sé tou mengaéma' pakasa in itu.

Efesus 4:2

Anaé, menonouo mangé ang karapi ing ko'kos en até, sama' en até a sé pakasa é tou wo talesen. Ituru'o mio' en upus iow ang karapi i mentan-tawangan si esa wo sé walina.

Kolose 3:12

Ampa'paano in itu, kamu sé sinisiro i Amang Kasuruan wo sé line'nas-Nao wo ka'i sé icaupus-Na, ituru'o mangé eng kaupusan iow, mengaéma' mangé in loor, mengako'kos angé in até, tioo mengakasar a sé tou wo malese-lesen mengasaru ing kawenduan asi esa wo sé walina.

Kolose 3:3

Ampa'paan kamu tanu imatéo wo eng katouan iow aicaenep mewali-wali wo si Kristus ang karapi i Amang Kasuruan.

1 Tesalonika 4:11

Rumaméjio mio' kamu menonou mensan-samaan wo tioo icarambét an urusan é tou walina, taan aweso taré kamu tumawoi mangéré ing kakanen iow in esa tanu si sumangkumo aitaar ami ai camu.

2 Tesalonika 3:12

Sé tou taniitu, pokéian wo sina'uenta maké i ngaran i Apo' Yesus Kristus, wosama' séra menawo-nawoi ang karapi in elur wo in taniitu séra mangéréo ing kakanen in esa.

1 Timotius 2:2

torona é kolano wo sé kikiiten wangko' wosama' kita ro'na menonou ang kaeluran wo ang kaaruian. Wo wuta ing kale'tekan wo in siri' a si Casuruan, siituo si patus émaan é tou maéman.

2 Timotius 2:25

Sia musti masusui ang karapi ing ko'kos en até a sé tou sé mengasundur in sususuien wutul. Sia musti mengaéma' in taniitu ampa'paan sa si Casuruan méé mai témpo ai séra, séra ro'na mape'dis akar séra ro'na makailek in sususuien wutul itu.

Titus 3:2

Musti ita'néimu mangé ai séra, ra'ica toro mengawuruk i ngaran é tou walina wo ra'ica toro meindo-indoan roma'. Aweso taré em peri éra musti loor wo ka'i ko'kos en até a sé im pakasa in tou.

Yakobus 1:21

Anaé, itiya'o waya sé ra'ica wutul wo ka'i mentoo mengéma-ngéma' ing kaléwo'an' sé taloso keli itu. Terimano mangé en Taar i Casuruan ang karapi ing ko'kos en até. En Taar si ayusew an até miow awéan kawasa en lumowir icamu.

1 Petrus 1:23

Ampa'paan eng katouan weru si kinéréan iow ra'ica kinéréan iow asé tou si ro'na maté, taan kinéréan iow ampa'paan kamu maéman in Taar i Amang Kasuruan. En Taar ituo si Taar menonou wo awéan melala'us akar ing kauré-uré.

1 Petrus 3:15

Taan irayoo wo siriino mangé si Kristus an até miow wo émaano Sia merénta ai camu. Wo kamu musti tu'tul en sumowat kawisake' mangé sa awéan tou mamuéi andumoro' sapa si paara-arapen iow asi Apo' Yesus. Wo sowateno mangé séra ang karapi ing ko'kos en até wo ang karapi in siri'.