1 Petrus 3:22 - En Taar Weru a nunuwu' é Tontemboan

²² Intarépé' si Yesus Kristus imangém an sorga wo lumukut ang kakan i Amang Kasuruan. Wo pakasa sé malaékat, pakasa sé makakawasa wo pakasa ing kaketeran, pakasa in itu an darem ing kakawasaan-Na.

1 Petrus 3:22 ပူးပေါင်းရင်းမြစ်များ

Matius 22:44

‘Si Amang Kasuruan icumuao a si Tuangku in tana'i: Lumukuto mai asi tampa pasiri-siriin ang kakan-Ku, akar sé kaséké'-Mu iweta'-Ku an darem im palara ing kécéi-Mu.’

Matius 28:18

Susuten i Yesus séra wo icua-Na “Tinerima-Kuo waya eng kawasa an sorga wo ang kayo'baan.

Markus 12:36

Ampa'paan si Daud an tutuw kinawasa i Roh Le'nas kumua: Si Amang Kasuruan cumuao a si Tuangku tana'i, ‘Lumukuto mai asi tampa pasiri-siriin ang kakan-Ku, akar sé kaséké'-Mu iweta'-Ku an darem im palara ing kécéi-Mu.’

Markus 16:19

Makanuwu' mako si Apo' Yesus a sé murit-Na, Sia icaangkai angé an sorga wo lumukut ang kakan i Amang Kasuruan.

Lukas 20:42

Ampa'paan sia in esa imatico ang kitap Mazmur andumoro' i Kristus tana'i, ‘Si Amang Kasuruan icumuao a si Tuangku tana'i: Lumukuto mai asi tampa pasiri-siriin ang kakan-Ku

Yohanes 13:32

Wo sa si Amang Kasuruan parayo-rayo wo pasiri-siriin ampa'paano Yaku, émaan-Na oka Aku parayo-rayo wo pasiri-siriin, wo en itu makala'us émaan-Na.”

Kisah Para Rasul 1:11

Wo icua é rua tou itu ai séra, “Éi tou Galilea, kéitu réén kamu makatulung wo makakanaté' mangé an langit? Si Yesus anio' icaangkaio mangé an sorga tumela'uo icamu. Sia maai oka ka'i sumawel, meputé kamu suméré tumambisa Sia icaangkai angé an sorga.”

Kisah Para Rasul 3:21

Sia itu musti mento' an sorga akar mai en témpona si Amang Kasuruan méma' im pakasa mamuali weru. Pakasa en itu aicua-Nao indioré' owo, imaké sé nabi sé sinisir-Na.

Roma 8:34

Ra'ica wana tou e ro'na méé séa', ampa'paan bélan oka i Kristus Yesus an dior i Amang Kasuruan. Sia imatéo torona icita wo tinou sumawel, wo makalukut ang kakan i Amang Kasuruan wo mekiupus torona icita.

Roma 8:38

Ampa'paan percayanku keli, sapaoka em papaté kuma'pa eng katouan, sé malaékat kuma'pa kawasa-kawasa é roh léwo', sé kala'meren intarépé' kuma'pa asi endo mengangai,

1 Korintus 15:24

Kumawus in itu eng kayo'baan maka'pu oka. Wo asi témpo itu ka'i pakapaté-patén i Kristus pakasa sé maperénta, pakasa sé makatimboi ing kakawasaan wo ing kaketeran. Wo isarakan-Na oka eng kakawasaan-Na tanu Kolano a si Amang Kasuruan, Amang-Na.

Kolose 3:1

Poo-poow, si Kristus itumouo sumawel, anaé kamu sé maéman ai Sia tanuoka aitou sumawel ang katouan weru mewali-wali wo Sia. Ampa'paano in itu rumaméjio mangé kamu mangéré andumoro' sé an sorga. Asi tampa itu si Kristus makalukut ang kakan i Amang Kasuruan.

Ibrani 1:13

Wo si Amang Kasuruan ra'ica kawisa mako kumua a sé malaékat meputé si aicua-Na a si Toyaang-Na, “Lumukuto mai asi tampa pasiri-siriin ang kakan-Ku, akar sé kaséké'-Mu iweta'-Ku am palara ing kécéi-Mu.”

Ibrani 1:3

Asi Toyaang-Na ituo ro'na kaséréanta e rarayo wo in sisiri' i Amang Kasuruan, Siao em paséréan im peri wo ing kawasa i Amang Kasuruan in esa, Siao ka'i e makatéir im pakasa sé ang kayo'baan ang karapi in Taar-Na si wuta ing kawasa. Wo Siao ka'i e meresi ing kamesé-meséaan é tou, kekawus in itu Sia mangé an sorga wo lumukut ang kakan i Amang Kasuruan si Makakawasa, asi tampa irumangka-rangka'.

Ibrani 1:6

Taan, an tutuw si Amang Kasuruan imutusai si Toyaang-Na luluna mai ang kayo'baan anio', icua-Na in tana'i, “Pakasa sé malaékat i Amang Kasuruan musti kumuru en sumiri' Sia.”

Ibrani 10:12

Taan si Kristus si Imam Wangko'ta méé in owak-Na pinaté makasake' torona ing kaampungan ing kamesé-meséaan akar ing kauré-uré. Kumawus in itu Sia lumukut ang kakan i Amang Kasuruan.

Ibrani 12:2

Am papekowaan anio', mayoo kiitenta ang karapi im beren si asalo makatéinteng angé a si Yesus, ampa'paan Siao si maakin im paémanenta a si Amang Kasuruan wo si makawali im paémanenta makaleke-lekep. Sia talesen pengaokoien akar maté ang kayu salip, ra'ica pandungen-Na em pengaroros ampa'paan kailekan-Na sapaoka makasangkum ako im pakasa in itu awéan kaaruian si aitu'tulo ai Sia. Intarépé' Sia makalukut ang kakan im palukutan pasiri-siriin i Amang Kasuruan.

Ibrani 4:14

Kita intarépé' makaanuo Imam si Mangko-wangko' si mangéo muntep an sorga wo an dioro i Amang Kasuruan en tumawang icita. Sia ituo si Yesus, Toyaang i Amang Kasuruan. Ampa'paan in ituo mayoo kita mauli-ulit tumimboi im paémanenta a si Yesus meputé im paémanen si pengaakunta.

Ibrani 6:20

Wo si Yesus imuntepo am bitu rumior angé ai cita, an tutuw-Na mamuali Imam Wangko' akar ing kauré-uré kaputé i Melkisedek indior.

Ibrani 8:1

Si penting keli asé im pakasa sé pepaarenta anio', sapaoka kita makaanu Imam Wangko' si ra'io cakua si makalukut ang kakan im palukutan pasiri-siriin i Amang Kasuruan si Mangko-wangko' an sorga.

Ibrani 9:24

Si Kristus ra'ica imuntep ang Kamar Lume'na-le'nas ang kayo'baan si niéma' ing kama in tou si asalo bayangan a si patron aseli si an sorga. Taan Sia muntep an sorga, wo intarépé' Sia a mangé em bitu makasaru si Amang Kasuruan torona icita.