1 Petrus 3:11 - En Taar Weru a nunuwu' é Tontemboan

¹¹ Sia musti menonou tumayang asé kaléwo-léwo'an wo mengaéma'o mangé sé loor. Sia ka'i musti rumaméji ang karapi i mauli-ulit e menonou meelu-eluran wo sé tou walina.

1 Petrus 3:11 ပူးပေါင်းရင်းမြစ်များ

Matius 5:45

Sa émaan iow taniitu, kamu mamuali toya-toyaang i Amang iow an sorga, si mantangai si yéndo a sé tou léwo' wo a sé tou sama' wo mawéé mai in uran a sé tou sé maéma' im butul wo a sé tou sé ra'ica mengaéma' im butul.

Matius 5:9

Pakakamangen sé tou sé maali-ali ing kaeluran a sé tou walina, ampa'paan séra tuulen oka toya-toyaang i Amang Kasuruan.

Matius 6:13

Wo tioo woo iwali kami muntep am pangepé'an, taan iwekaro mai kami ang kawasa i léwo'. [Ampa'paan si Amango e makaanu ing kakolanoan wo ing kawasa, wo iparangka-rangka' akar ing kauré-uré. Ulit.’]

Markus 14:7

Ampa'paan sé tou lengéi tatap ang karapi miow wo kamu ro'na tumawang iséra kawisake' en casalé' miow. Taan Aku ra'ica tatap ang karapi miow.

Lukas 1:79

en sumendot in até é tou sé menonoué' ang kariréimbengan wo sé tou menonoué' ang kaindé'an. Wo mai-Na oka akinen kita kumiit in lalan maangé asi katouan wuta ing kaeluran.”

Lukas 6:35

Taan si musti émaan iow, mengaupus angé a sé kaséké' miow wo mengaéma'o mangé sé loor ai séra. Wo pengawéanio' iraman séra wo ra'ica maarap iwaréng. Sa émaan iow tanu siitu, kamu makéré oka laasa wangko'. Wo siituo e mamuali tuus sapaoka kamu uli-ulit toya-toyaang i Amang Kasuruan Si Rumangka-rangka'. Ampa'paan si Amang Kasuruan loor a sé tou sé ra'ica mengawéé makapulu'sama' wo ka'i a sé tou léwo'.

Lukas 6:9

Kumawus in itu icua i Yesus ai séra, “Wuéien-Ku ai camu, sa kumiit in atoran agama, si wisa e ro'na émaan asi endo Sabat? Méma' in loor kuma'pa méma' in léwo'? Lumowir in tou kuma'pa maté tou?”

Yohanes 17:15

Yaku ra'ica mangilek a si Amang wosama' indon i Amang séra asi cayo'baan anio', taan pangileken-Ku wosama' loindongenai i Amang séra asi kawasa i léwo' siao kikiiten é sétang,

Roma 12:18

Sa woo ro'na, rumaméjio mangé kamu menonou elur ang karapi é pakasa sé tou.

Roma 14:17

Ampa'paan sa si Amang Kasuruan mamuali kolano ang katouanta, eng kumataré-taré ra'ica andumoro' ing kakanen kuma'pa in elepen, taan andumoro' tumambisa mamuali tou nianggap wutul i Amang Kasuruan, menonou meelu-eluran wo sé kakélé tou, wo maaru-arui ampa'paan i Roh Le'nas.

Roma 14:19

Ampa'paano in itu mayoo kita rumaméji mengaéma' andumoro' ing kaeluran wo membém-béan angé ing kaketeran im paémanen si esa wo si esa.

Roma 5:1

Intarépé' kita nianggapo wutul i Amang Kasuruan ampa'paan im paémanenta. Wo kita meelurano sumawel wo si Amang Kasuruan ampa'paano i Apo'ta Yesus Kristus.

Roma 7:19

Ra'ica pengaémaanku sé loor sé icasalé'ku émaan; taan aku mengaéma'ke' sé léwo', sé ra'ica kiimku émaan.

Roma 7:21

Anaé, tana'io e mamuali a yaku: Yaku masalé' méma' sé loor, taan si kasalé'-salé'anke' mengaéma' sé léwo' e mai an owakku.

Roma 8:6

Sa em pakawerot é tou pakakawasané' ing kasalé'an in owak in esa, eng kasiwakana makéré im papaté. Taan sa em pakawerot é tou pakakawasan i Roh i Amang Kasuruan, eng kasiwakana makéré oka ing katouan wo ing kaeluran.

Galatia 5:22

Taan sé tou pakaakinen i Roh Le'nas, wuéna ing katouanna tanu sé anio': awéan upus, kaaruian, kaeluran, katalesenan, kasamaan in até, kalooran, kale'tekkan,

Galatia 6:10

Ampa'paan in itu, ang karoro'anta winéané' témpo, mayoo émaanta sé loor a sé pakasa in tou, kataré-taré a sé poo-poowta an esa paémanen.

Kolose 3:15

Iwayao mio' en até wo em pemero-meroten iow kawasan ing kaeluran si aiwéé mai i Kristus. Ampa'paan si Amang Kasuruan tumowao icamu mamuali tanuoka esa owak wosama' kamu si esa wo si esa menonou ang kaeluran. Wo ka'i mengawéé mangé i makapulu'sama' a si Amang Kasuruan.

1 Timotius 6:18

Ipokéi angé a sé tou siya' wosama' séra maéma' sé loor. Séra musti masalé' mengatambér, masalé' mengawéténg ing kasiyaan éra a sé tou walina.

Ibrani 12:14

Rumaméjio menonou meelu-eluran ang karapi é pakasa in tou, wo rumaméji ka'i menonou le'nas. Ampa'paan sa si tou ra'ica menonou le'nas, sia ra'ica suméré si Amang Kasuruan sa.

Ibrani 13:16

Tioo ilupa miow mengaéma' in loor wo mengatawang sé tou sé perlu tawangen. Siituo e raragés en icasalé' i Amang Kasuruan.

Yakobus 4:17

Anaé, sa awéan tou si makaileko tumambisa musti maéma' in loor, taan en itu ra'ica pengaémaanna, sia itu méma'o ing kamesé-meséaan.

1 Petrus 3:12

Ampa'paan si Casuruan uli-ulit makaséré sé tou maéma' ing kasalé'an-Na, wo pelinga-lingan-Na en sombayang éra. Taan sunduren-Na sé tou mengéma-ngéma' ing kaléwo'an.”

3 Yohanes 1:11

Poowku Gayus si icaupusku. Tioo ko mengaandé andumoro' sapa si léwo', taan mengaandé mangé sapa si loor. Si séi e mengaéma' in loor, sia itu asi Amang Kasuruan owo. Taan si séi e mengaéma' in léwo', sia ra'ipé' makatuus si Amang Kasuruan.