1 Petrus 3:10 - En Taar Weru a nunuwu' é Tontemboan

¹⁰ Ang Kitap Le'nas aipatic in tana'i, “Si séi si masalé' menonou ang kaaru-aruian wo masalé' sumangkum in endo-endo loor, sia musti tuméir in lila'na wosama' ra'ica manuwu' andumoro' in léwo', wo tuméir im biwina wosama' ra'ica mengauwak.

1 Petrus 3:10 ပူးပေါင်းရင်းမြစ်များ

Matius 19:17

Wo isowat i Yesus ai sia, “Kéitu réén ko mamuéi a Yaku andumoro' sapa si loor? En loor wayake' in Esa. Taan sa ko masalé' makéré ing katouan akar ing kauré-uré, musti kiitenmu em perénta-perénta i Amang Kasuruan.”

Markus 8:35

Ampa'paan si séike' e masalé' lumowir ing katouanna, sia katalaan oka ing katouanna. Taan si séi si katalaan ing katouanna ampa'paan Yaku wo in Abar Kaaruien, kéréanna oka eng katouan akar ing kauré-uré.

Yohanes 1:47

An tutuw i Yesus suméré si Natanael maai ai Sia, icua i Yesus, “Sérén, siao si wutu-wutul tou Israel. Si tou anio' ra'ica mengauwak sé tou walina.”

Yohanes 12:25

Taniitu ka'i wo icamu, si séike' e menonou asaloke in owakna in esa, ra'ica kéréanna eng katouan akar ing kauré-uré. Taan si séi si méé ing katouanna asi cayo'baan anio' eng kumiit Yaku, sia menonou oka akar ing kauré-uré.

Yakobus 1:26

Sa si tou maanggap sia maapo' makiit ing kasalé'an i Casuruan, taan sia ra'ica matéir im ba'ba'na, sia itu imuwako in owakna in esa. Em pakaapo'na itu ra'ica wana torona.

1 Petrus 2:1

Ampa'paan in ituo kamu ra'io toro mengéma-ngéma' pakasa ing kaléwo'an, pakasa sé mengauwak, pakasa sé punek, menii-niim ing kasuutan wo mengaléwo' i ngaran é tou walina.

1 Petrus 2:22

Sia ra'ica mengaéma' ing kamesé-meséaan wo ra'ica tampenguwaken.

Wahyu 14:5

Wo séra ra'ica kawisa tumowo, wo ra'ica wana e ro'na méé kaséaan.