1 Petrus 2:7 - En Taar Weru a nunuwu' é Tontemboan

⁷ Si Yesus Kristus uli-ulit sosor em bééna torona é tou maéman ai Sia. Taan sé tou ra'ica maéman, tantu icawangkur, tanu si aipatic ang Kitap Le'nas tana'i, “Watu aitiya' é bas, imamualio watu patuuran si kumataré-taré.”

1 Petrus 2:7 ပူးပေါင်းရင်းမြစ်များ

Matius 21:42

Wo icua i Yesus ai séra, “Ra'ipé' réén binaca miow si aipatic ang Kitap Le'nas icumua in tana'i, ‘Watu aitiya' é bas, imamualio watu patuuran. Niéma' i Amang Kasuruan en itu, wo sérénta e niéma'-Na itu uli-ulit ra'io cakua!’

Lukas 2:32

Wo Sia tanu in sendot si aiwéé i Amang Kasuruan en tumélang in até é tou walina wosama' séra ro'na mai a si Amang Kasuruan, wo ka'i en sendot itu e méma' sé tou-Mu Israel ro'na irayo é tou walina.”

Lukas 2:34

Wo si Simeon sumombayang mangilek a si Amang Kasuruan wosama' méé mai ing kamang ai séra. Wo icuana a si Maria inang i Toyaang itu, “Maria, si Toyaang anio' aitantuo i Amang Kasuruan e mai mukum sé kelian tou Israel sé ra'ica maéman a si Casuruan wo mai lumowir kelian tou Israel sé maéman ai Sia. Wo si Toyaang anio' mamuali oka tuus tanu popokéi i Amang Kasuruan a sé tou iméma' ing kamesé-meséaan. Taan Sia icélong oka é tou keli.

Lukas 20:17

Taan téintengen-Na sé tou keli itu wo icua-Na, “En itu musti mamuali, ampa'paan siituo eng kaangéan i nats si aipatic ang Kitap Le'nas tana'i: ‘Watu aitiya' é bas, imamualio watu patuuran.’

Yohanes 4:42

Icua éra a si wéwéné itu, “Percayaan ami si Yesus ra'icake' ampa'paan sé aicuamu asi kaawii makasa, taan ampa'paan intarépé' icami in esa lumingao Sia. Kailekan amio sa Sia itu wutu-wutul Lumolowir é tou.”

Kisah Para Rasul 26:19

Kolano Agripa si pasiri-sirinku, an tutuw-Na imapaturu' in owak-Na a yaku, yaku tatap le'tek mengaéma' im perénta si aiwéé i Apo' Yesus.

Roma 10:21

Taan andumoro' é tou Israel, si Yesaya kumua i nunuwu' i Amang Kasuruan tana'i, “Sumangando ayulur-Kuo eng kama-Ku en tumerima iséra, taan séra ra'ica le'tek wo icumélongke'.”

Roma 15:31

Isombayango mangé a si Amang Kasuruan wosama' téiran-Na aku am pawasan léwo' é tou ra'ica le'tek an tutuwku an Yudea. Wo ka'i sombayang angé wosama' en sumbangan aitambér é tou em paalinku mangé an Yerusalem, teriman é tou le'nas a mangé mbitu ang karapi in arui en até.

2 Korintus 2:16

Sa tou sé ra'ica tumerima in Abar Kaaruien andumoro' i Yesus Kristus wo maangé am papaté, icami anio' tanuoka wou im buruk. Taan sa tou sé tumerima in Abar Kaaruien itu wo lowiren, kami tanuoka im bou manam si makawali ing katouan. Anaé, si séi e ro'na méma' in tawoien anio'?

Kolose 2:10

Wo ampa'paan kamu meesao wo si Kristus, kamu ka'i niéma'o lekep. Siao si capala si cumawasa sé maperénta wo sé makakawasa.

Titus 3:3

Kailekanmu é Titus, indior kita ra'ipé' makailek sapa-sapa. Ampa'paan in itu kita ra'ica le'tek a si Amang Kasuruan, icasélé'kow wo kinatawéranke' mengaéma' in léwo', kita mamuali ata ing kasalé'an ing kayo'baan si asalo maarui in owak in esa, kita menonou mengéma-ngéma'ke' in léwo', kokanat a sé tou walina, bengis, mengkasuutan asi esa wo sé walina.

Ibrani 11:31

Ampa'paan si Rahab si wéwéné sundal itu awéan paémanen, sia ra'ica mekiit pinaté kaputé é tou ang kotana sé ra'ica le'tek a si Amang Kasuruan, ampa'paan sinungkulna am baléna kerapi in elur sé mawere-weren é Israel.

Ibrani 4:11

Ampa'paan in ituo mayoo kita rumaméji muntep an tampa pengaenaan-Na itu wosama' ra'ica wana mandé esake' ai cita si ra'ica icauntep kaputé é apo-apo'ta sé ra'ica le'tek.

1 Petrus 1:8

Kamu mengaupus si Yesus Kristus, mandé ka'i Sia ra'ipé' sumangkum ako sinéré miow. Kamu maéman ai Sia, mandé intarépé' Sia ra'ica pakasérén iow. Kamu mendam ing kaaru-aruian wangko', ampa'paan eng kaaruian iow sé ra'io icakua itu.

1 Petrus 2:4

Siituo kamu mayo a si Yesus. Sia ayandé tanu watu i menonou ampa'paan sé tou ro'na émaan-Na menonou. Sia ayandé tanu watu si aitiya' é tou, taan an dior i Amang Kasuruan sia sinisir wo siniri' tanu watu sosor em bééna.

1 Petrus 2:8

Wo awéan ka'i en aipatic, “Si watu itu mamuali watu pasangkilan akar icawangkur.” Eng kaangéanna séra casangkil asi watu itu akar cawangkur ampa'paan séra ra'ica maéman wo ra'ica makiit in Taar i Amang Kasuruan, tanu siituo en aitantu mai i Amang Kasuruan ai séra.