1 Petrus 2:25 - En Taar Weru a nunuwu' é Tontemboan

²⁵ Ampa'paan kamu indior tanuoka sé domba icasélé'kowo, taan intarépé' kamu imaréngo mai asi gembala si matéir i mu'kur iow.

1 Petrus 2:25 ပူးပေါင်းရင်းမြစ်များ

Matius 18:12

“Weroten iow sumama-sama' en andéan anio'. Sa awéan esa tou makadomba sangaatus wo katalaan esa, sapa en émaan oka i tou itu? Tantu itela'una sé siow ngapulu' siow domba itu an tolaina wo mangé mangéré si esa domba si aicatala itu.

Matius 9:36

An tutuw i Yesus suméré sé tou keli makiit Sia, mai eng kaupusan in até-Na ai séra, ampa'paan séra makepéo wo icawayao tanuoka sé domba ra'io wana gembala.

Kisah Para Rasul 20:28

Ampa'paan in ituo, musti téiran iow sumama-sama' en owak iow in esa wo sé jamaat si aiwéé i Roh Le'nas en téiran iow. Téiran iow sé jamaat i Amang Kasuruan tanu si gembala matéir sé domba-Na. Sé jamaat itu mamuali anu i Amang Kasuruan ampa'paan linowir-Na séra in enda'-Na in esa.

Ibrani 13:20

Si Yesus Apo'ta tinou sumawel i Amang Kasuruan am papaté. An tutuw Sia imaté en enda'-Na makatiti-titis wo en enda'-Na itu iméma' im perjanjian weru mapaké akar ing kauré-uré. Anaé, Sia mamuali Gembala Wangko' torona icita. Ampa'paano in itu pekiupusenku a si Amang Kasuruan si palemboian ing kaeluran torona miow,

Ibrani 3:1

Poo-poow, sé tinowa i Amang Kasuruan i menonou an sorga. Mayoo kita lébé makatuus si Yesus, si pengaakunta tanu Ruru'du'an i Amang Kasuruan wo Imam Wangko'.

Ibrani 5:2

Si imam wangko' itu asaloke' tou wo keli eng kalembian, ampa'paan in ituo ro'na kailekanna ka'i eng kalembian é kakéléna tou sé ra'ipé' makailek sapa-sapa wo sé sélé'kow.

1 Petrus 3:20

Sé roh itu, roh é tou ra'ica le'tek asi Amang Kasuruan an jaman i Nuh. Ang karoro'an i Nuh maéma' ing kapal wangker, si Amang Kasuruan talesen maento-ento' sé tou e mape'dis mengéma-ngéma' ing kaléwo-léwo'an. An tutuw en sonop wangko' itu imayo, wayake' i walu tou sé malowir asi sonop wangko' itu. Sérao sé an untep ing kapal wangker itu.

1 Petrus 5:4

Wo an tutuw i Yesus si Gembala Wangko' imayo sumawel, kamu makéré oka mahkota a rarayo wo in sisiri' ai Sia. Siituo e mahkota si ra'ica materi.