1 Petrus 2:22 - En Taar Weru a nunuwu' é Tontemboan

²² Sia ra'ica mengaéma' ing kamesé-meséaan wo ra'ica tampenguwaken.

1 Petrus 2:22 ပူးပေါင်းရင်းမြစ်များ

Matius 27:19

Ang karoro'an i Pilatus makalukut am paakiman wo mai en taar si aicirim i penanaanna ai sia, “Tioo ko marambét am perkara i Tou wutul itu, ampa'paan Siao akar aku kawengi mangipi léwo'.”

Matius 27:4

Icua i Yudas, “Yaku méma'o ing kamesé-meséaan ampa'paan aisarakankuo am papaté si Tou ra'ica wana kamesé-meséaan.” Taan icua éra, “En itu urusanmu in esa ra'ica urusan ami!”

Lukas 23:41

Kita in dua patus makéré ukuman ampa'paan kita makéré ukuman si patus suli' ang kaléwo-léwo'an niéma'ta. Taan si Tou anio' wutu-wutul ra'ica iméma' ing kaséaan mandé esake'.”

Lukas 23:47

An tutuw sérén i kikiiten é suraro Romawi sapa e imamuali wo sia rumayo si Amang Kasuruan, icuana, “Si Tou anio' uli-ulit ra'ica wana kaséaan!”

Yohanes 1:47

An tutuw i Yesus suméré si Natanael maai ai Sia, icua i Yesus, “Sérén, siao si wutu-wutul tou Israel. Si tou anio' ra'ica mengauwak sé tou walina.”

Yohanes 8:46

Ra'ica wana an uner iow e ro'na méé tuus sapaoka Yaku iméma'o ing kamesé-meséaan. Anaé, sa Aku makua in sususuien wutul, kéitu réén Aku ra'ica percayan iow?

2 Korintus 5:21

Si Kristus ra'ica wana kamesé-meséaan, taan niéma' i Amang Kasuruan si Kristus e muléng ing kamesé-meséaanta, wosama' icita mamuali tou wutul an dior i Amang Kasuruan ampa'paan i Kristus.

Ibrani 4:15

Ampa'paan si Imam Wangko'ta itu ra'ica imam wangko' sé ra'ica ro'na kumiit mendam ing kalembianta. Ampa'paan sinangkum-Nao mai waya em pangepé'an an tutuw Sia ang kayo'baan, meputé sé pasangkumenta intarépé'. Taan Sia ra'ica kawisa mako méma' ing kamesé-meséaan.

Ibrani 9:28

Taniituo ka'i si Kristus, si makaesake' imaté mamuali iparagés en tumu'bus ing kamesé-meséaan é tou. Kekawus in itu Sia maai karua, ra'io en tumu'bus ing kamesé-meséaan é tou keli, taan e méé ing kalowiran a sé tou sé maento-ento' Sia.

1 Yohanes 2:1

Toya-toyaang sé icaupusku! Ipaticku andumoro' sé anio' ai camu wosama' kamu tioo mengaéma' ing kamesé-meséaan. Taan sa awéan tou mengaéma' ing kamesé-meséaan, sia awéan e makawali en tumawang sia an dior i Amang. Siao si Yesus Kristus si ra'ica marapit.

1 Yohanes 3:5

Kailekan iow sapaoka si Yesus imayo en tumu'bus ing kamesé-meséan, wo ai Sia ra'ica wana kamesé-meséaan.

Wahyu 14:5

Wo séra ra'ica kawisa tumowo, wo ra'ica wana e ro'na méé kaséaan.