1 Petrus 2:20 - En Taar Weru a nunuwu' é Tontemboan

²⁰ Taan sa kamu mawendu ampa'paan mengaéma' ing kamesé-meséaan, sapa eng kalébéana? Taan taré sa kamu talesen muléng ing kawenduan ampa'paano mengaéma' in loor, tantu kamu tambéran oka mai ing kamang i Amang Kasuruan.

1 Petrus 2:20 ပူးပေါင်းရင်းမြစ်များ

Matius 26:67

Wo ruraan éra en amo-Na wo rukin éra. Taniitu ka'i sé tou walina sumepé' Sia.

Matius 5:47

Sa kamu mengawéé in siri' a sé poo-poow iowke', sapa eng kalébéana wo em pengaémaan é tou walina? Ra'ica réén sé bangsa ra'ica makatuus si Amang Kasuruan mengaéma' ka'i in taniitu?

Markus 14:65

Wo tumo'tolo paruraan éra Sia. Tutuwan éra ing kaéng en amo-Na wo rukin éra Sia, wo mamuéi, “Éi Nabi! Icua-Mu mai é, séi si rumuki Ico?” Kumawus in itu Sia sepéén é pengawal-pengawal.

Lukas 6:32

Sa kamu asalo mengaupus sé tou sé mengaupus icamu, sapa eng kalébéanna ai camu? Ampa'paan sé tou iméma' ing kamesé-meséaan ka'i mengaupus sé tou sé mengaupus ai séra.

1 Korintus 4:11

Wo akar intarépé' kami maarem wo maré'om wo eng karai ami waya oka si pekakaraien an owak. Kami paokoien é tou wo ra'ica wana em paento'an.

Galatia 4:18

Iwayao mio' séra mengéma-ngéma' im pawasan loor, ra'ica an tutuwke' aku mewali-wali wo icamu taan ka'i tutuw aku ra'ica mewali-wali wo icamu. Ampa'paan wutul loor sa sé tou maraméji mengaéma' sé loor ang karapi im pawasanna loor.

Efesus 5:10

Wo rumaméjio mangé wosama' kakailekan iow sapa si mengaarui in até i Amang Kasuruan.

Filipi 4:18

Pakasa eng kaperluanku kinakiitano, wo sé awéan a yaku ilumébéo asi paperlunku. Ampa'paan yaku tumerimao im patawang iow itu asi Epafroditus owo. En doit aiwéé miow itu meputé im paragés mawou manam si icasalé' i Amang Kasuruan si patus ai Sia.

1 Petrus 2:19

Sa awéan ai camu meta'up ing kawenduan mandé kamu ra'ica wana kaséaan wo talesen sumaru in itu wo ampa'paan ka'i kailekan iow en itu kasalé'an i Amang Kasuruan, kamu tambéran oka mai ing kamang i Amang Kasuruan.

1 Petrus 3:14

Taan pakakamangen oka kamu, mandé kamu musti mawendu ampa'paan maéma' ing kasalé'an i Amang Kasuruan. Ampa'paano in itu tioo kamu maindé' a si séike' mangé wo tioo maindé-indé'.

1 Petrus 3:17

Aweso taré kamu mawendu ampa'paan mengaéma' sé loor, sa en itu kasalé'an i Amang Kasuruan, wo taré kamu mawendu ampa'paan mengaéma' sé léwo'.