1 Petrus 2:17 - En Taar Weru a nunuwu' é Tontemboan

¹⁷ Pengasiriin angé sé pakasa in tou wo mengaupuso mangé sé poo-poow iow an esa paémanen. Maindé'o mangé a si Amang Kasuruan wo pengasiriin angé si colano miow.

1 Petrus 2:17 ပူးပေါင်းရင်းမြစ်များ

Matius 22:21

Isowat éra, “Gambar wo ngaran i Kaisar.” Wo icua-Na ai séra, “Sa taniitu, iwééo a si Kaisar sapa si musti iwéé miow a si Kaisar, wo iwééo a si Amang Kasuruan sapa si musti iwéé miow a si Amang Kasuruan.”

Yohanes 13:35

Sa kamu meupu-upusan, kailekan oka waya é tou, sapaoka kamu murit-murit-Ku.”

Roma 12:10

Meupu-upusano mangé kamu si esa wo si esa tanu mepoow an esa paémanen. Wo kamu mengarior angé mawéé in siri' a sé tou walina.

Roma 13:7

Ampa'paan in ituo wérano sapa si patus wéran iow a sé pakasa in tou. Wérano mangé em pajak a sé pemerénta sa kamu musti mér im pajak, wo wérano mangé en cukai sa kamu musti mér in cukai. Wo pengalingan angé sé tou sé patus pengalingan iow, wo pengasiriin angé sé tou sé patus pengasiriin iow.

2 Korintus 7:1

Poo-poow sé icaupusku, pakasa en janji itu aituru' ai cita. Ampa'paan in itu mayo kita meresi in owak asé im pakasa sé mengakotor in owak wo i rohta. Wo mayo kita menonou le'nas torona i Amang Kasuruan ang karapi in lekep wo maindé'o mangé ai Sia.

Efesus 5:21

Wo ko'kosio' en atému iesa wo sé walina, ampa'paan kamu tou sé mengasiri' si Kristus.

Filipi 2:3

Tioo mengaéma' in sapa-sapake' sé asalo mangéré ing katoronaanke' in owak in esa, kuma'pa mengatirayo in owak in esa. Taan ituru'o eng kako'kosan in até asi esa wo si esa wo weroteno mangé sé tou walina en lébé loorai wo in owak in esa.

1 Timotius 6:1

Awéan sé ata maémano a si Yesus, séra itu musti mengasiri' si tuang éra. Wo in taniitu, sé tou sé ra'ica maéman a si Yesus ra'ica wana alasan e mojat i ngaran i Amang Kasuruan wo ka'i in sususuienta.

Ibrani 13:1

Poo-poow, meupu-upusano mangé tanu mepoow an esa paémanen.

1 Petrus 1:22

Kamu lume'naso in owak iow ang karapi in le'tek mengaéma' in sususuien wutul i Amang Kasuruan, akar kamu makawoo mengaupus sé poo-poow an esa paémanen ang karapi i mauli-ulit. Anaé sina'uenku kamu wosama' kamu meupu-upusan ang karapi in lekep en até.

1 Petrus 2:13

Kamu sé makiit si Casuruan musti male'te-le'tek angé a sé maperénta si makatimboi ing kawasa. Male'te-le'tek angé a si colano si makatimboi ing kakawasaan rumangka-rangka',

1 Petrus 5:5

Kamu é tou wo'bas, kamu musti le'tek a sé tou sé lébé matu'a. Wo kamu im baya sé maémano, kamu musti mensen-selewiran ang karapi ing ko'kos en até, ampa'paan ang Kitap Le'nas aicua in tana'i, “Si Amang Kasuruan oka en sumundur sé tou tirayo, taan sé tou ko'kos en até icaupus-Na.”